KORINTUS 1 5:11 - Alkitab Singog In Mongondow Masa In Tanaa

¹¹ Makusudku in dikadon moiko moyobayat i intau inta nopirisayadon kon i Kristus, táe umuranpa moibog mogaid kon inta mokotor, bo moturá ande moibo-ibog dumudui kon parenta in berhala, bo inta umuran moibog moporomu-romúmai kon tangoi intau ibanea, bo umuran doman monginum kon inta mokoḷoḷangu bo monakow. Modapot in mongaan moyotakin monia tua yo dikabí!

KORINTUS 1 5:11 ပူးပေါင်းရင်းမြစ်များ

MAZMUR 10:3

Intau moraat mongambungangaḷ kon onu in koibognea inta moraat, intau motamaa mongutuk bo mondoí kon i Tuhan.

MAZMUR 101:5

Intau inta umuni-uni moponapud in uboḷ in putúanbí. Intau inta moḷoḷatú bo motosiḷantud in diábí pomayáku mako.

YEHEZKIEL 22:12

Oyúon doman in nobaḻí ouboḻian moḻimod, mototayak kon kauntungan moḷoben kon intau ibanea bo mogogagow kon intau tongobangusanea. Mosia komintan nokoḻiongdon kon i-Nakó. Akuoi ki Tuhan Inta Totok in moḷantud ain nosingog.

MATIUS 18:17

Aka sia bo doípa doman mokidongog kon tonggina monia tatua, yo poyaputdon intua komintan kon jamaat. Bo anggapdon in sia naonda bo intau inta diá nonotaau kon i Allah andeka naonda bo intau inta mononagi kon pajak.”

MATIUS 23:25

Koboditodon in moiko ei mototundú mita kon agama bo intau mita in Parisi! Ei moiko intau mita inta mongomunapik! Sin pongonginuman bo pongongaanan yuyúan monimu in ḷuainea, táe kon bonunea in binonuan monimu in barang inta sinoko agow sin popisí in sigogow monimu.

LUKAS 18:11

Intau in Parisi tatua in sinimindog sinumontaní bo nosambayang, kon bonu in ginanea nanaa, ‘O, Allah, akuoi in mopoyaput in sukur kon ini-Mu, sin akuoi in diá ná intau ibanea modunia, diá moadil, moibog monuaḻing, bo diá kototabi kon tumpaḷa intau. Bo akuoi in diá doman ná intau mononagi kon pajak tatua.

LUKAS 21:34

“Ḷukadai in awakmu bo dika tongá umuran morai kon rame bo monginum kon oinumon inta mokoḷoḷangu andeka tongá umuran morai kon kobobiagmu, sahingga in aka wakutu-Nea bo daḻí moiangoi, yo diá mokopobasadia in moiko.

OUMAN IN RASUL MITA 1:15

Kon singgai tobatú wakutu in mosia noyosipun, degá mogatutmai bodoyowá nopuḷú in intau, dá ki Petrus in sinimindog kon yua-yuak monia tua bo nosingog, kainia,

OUMAN IN RASUL MITA 9:17

Dá ki Ananias in minayá domandon in baḷoi tatua bo nomarakat kon i Saulus, kainia, “Saulus utatku, ki Tuhan Yesus inta ain nokipogontong kon i utat kon daḷan, wakutu in ki utat mopoangoi in naa, Sia doman tua inta nopotabá kon inakó mamangoi kon inimu sinbá ki utat in buipa mokoontong bo kawasaandon in Roho i Allah.”

SURAT I PAULUS KON JAMAAT RUM 13:13

Musti in kita mogaid kon soaḷ mita motompia ná inta biasamai aidan in intau kon tungkuḷ in mobayagpa. Dika mogaid kon rame inta moiḻiu, ande moḷoḷangu. Dika mogaid kon inta mokoromú ande oaid inta diá koendar. Dika moporopatoi, bo dika mosiintoian.

SURAT I PAULUS KON JAMAAT RUM 16:17

Utatku mita! Indongogaipa in tongginaku tanaa: Mokopoingatdon kon intau mita inta moibog moropatoi kon jamaat bo inta mopotombauk in pirisaya intau kon i Tuhan. Sin soaḷ tatua in noyoposibí in inta ain sinundú kon i monimu. Dikadon moyobayat in intau mita natua!

KORINTUS 1 10:14

Tuamai uḻe utatku mita inta kinotabiku, poyayú in gina monimu inta umuran moibog mosumba kon berhala.

KORINTUS 1 11:21

Sin wakutu in mongaan, moiko tumpaḷabí mogamá kon kaanonnea-kaanonnea, sahingga in oyúon in mokouḻí kon moiḻiu, táe oyúon doman in diá mokouḻí.

KORINTUS 1 6:10

mononakow, motamaa, inta moibo-ibog monginum kon inta mokoḷoḷangu, inta moibog moporomúmai kon tangoi intau, bo inta tongá moharap mako kon totayak in intau ibanea – mosia tua in diábí motaau mobaḻí umat i Allah.

KORINTUS 1 6:6

Nongonubí sin aka oyúon in yogenggeng kon sigad monimu intau in Keresten, yo bayáanbí monimu pongaduon kon intau inta deeman Keresten!

KORINTUS 1 6:9

Diábí kotaauan monimu kon intau mita inta diá motoindudui kon i Allah in diábí mobaḻí umat i Allah? Dika koakaḷan! Sin bayongan intau inta mogaidmai kon mokotor, bayongan intau inta umuran dumudui kon parenta in berhala, monuaḻing bo mokituaḻing, inta moibog kon tumpaḷa ḷoḷaki ande tumpaḷa bobay,

KORINTUS 1 7:12

Bo tanaa in tongginaku kon intau mita ibanea mako, naa in tongginakubí tontaní, deemanbí i Tuhan, aka intau Keresten bo kobuḷoi kon bobay inta diá mopirisaya kon i Kristus, bo ki buḷoinea bobay tatua in moibog mobiag moyotakinnea, yo diábí motaaunea gaaton in ki buḷoinea bobay tatua.

KORINTUS 1 7:15

Tongá aka intau inta diá mopirisaya kon i Yesus monaḷámaidon kon i buḷoinea bobay andeka kon i buḷoinea ḷoḷaki inta ain nopirisaya kon i Yesus, yo donaaibí mako bo dikabí ampagan sin diábí nongonu. Sin ibogon i Allah in mobiagbí motobatú in moiko komintan.

KORINTUS 1 8:11

Mangaḻenea kon naa, binaradosadon intau ibanea popisí in pirisayamu tatua. Bokaka lantarandon mosia tua dá ki Kristus in minatoi.

GALATIA 2:12

Sin muna-munamai in sia nongaan noyotakin in intau mita inta diá sinunat. Táe naonda in noiangoidon intau mita inta pinotabá i Yakobus, sia in iyumayúdon kon utat mita inta diá sinunat bo doí domandon nongaan noyotakin monia, sin sia moondok kon intau mita inta nomakisa sinbá bayongan intau musti sunaton.

EPESUS 5:18

Donaai in moiko moḷoḷangu in anggur, sin tua in mokogoguyaat kon i monimu, táe ramujidon bá Roho i Allah in mongawasa kon i monimu.

EPESUS 5:5

Torop in singogku tanaa: intau inta mokotor in oaidnea, andeka inta mogaid kon inta diá patus aidan, andeka ibog inta moiḻiu (aid natua notongkaibí in aid mosumba kon berhala ibanea), dá intau mita natua in diábí baḻíon umat inta pinarentaan i Kristus bo i Allah.

KOLOSE 3:5

Tuamai Inggamáaidon in ibog mita in dunia inta umuran monuyayow kon i monimu, ná oaid inta mokotor, oaid mita inta diá patus aidan, ibog in awak, ibog mita inta moraat, bo ibog mita inta moiḻiu (sin ibog inta moiḻiu tua in notongkaibí in mosumba kon berhala).

TESALONIKA 2 3:14

Bo aka oyúon in intau inta doí mokidongog kon onu in pinoguman nami kon bonu in surat tanaa, yo mokopoingat kon intau natua bo donaai moyobayat takin intau tatua sinbá mooyá in sia.

TESALONIKA 2 3:6

Utatku mita, podoyon kon tangoi i Tuhan Yesus Kristus, kami in moguman kon i monimu sinbá moiko in umuran mokopoyayú kon i monia inta maḷat bo doí dumudui kon onu inta sinundú mita nami kon i monia.

TIMOTIUS 1 3:3

donaaibí in intau inta umuran moḷoḷangu, ande intau inta moibo-ibog moropatoi, táe intaubí inta moaḷus in dodia bo pososingognea bo inta moibog doman in dodamean, bo diá dinoit.

TIMOTIUS 1 6:5

bo umuran moyogenggeng. Raian in intau mita natua ain nobangkung bo diádon motaau pirisayaanmai. Inanggap monia in agama naa in motaaubí potayakan kon kauntungan tontaní.

YOHANES 2 1:10

Sin tuamai aka oyúon in intau mamangoi kon i monimu bo mopotaau in totundú inta diá sinundú i Kristus, yo dika ogoi in sia tumuot kon bonu in baḷoimu bo donaai doman mobogoi in salam kon inia.

WAHYU 2:14

Tongá oyúon doman in diá kinosanang-Ku kon i monimu: Sin oyúon in tongonumai intau kon sigad monimu in dinumudui kon onu inta sinundú i Bileam. Ki Bileamdon naa inta notundú kon i Balak kon naonda in mopoḷabú kon intau Israel kon bonu in dosa; mosia in nodondouḷug kon intau Israel nokaan kon kaanon inta ain pinosumba kon berhala bo nogaid doman kon soaḷ mita inta mokotor.

WAHYU 2:20

Táe naa in kinodoí-Ku kon i monimu; Pinomayámudon mako in ki Izebel, bobay inta dinumuí totabá i Allah tua. Nobayongdon in intau-Ku in inakaḷannea bo sinundúnea mogaid kon inta mokotor bo mokaan kon kaanon inta ain pinosumba kon berhala.

WAHYU 21:8

Táe intau mita inta ondokon, mosia inta diá mosatia, intau moromú, moḷoḻimod, intau mokotor, intau mongonggaing, mososumba kon berhala bo komintan intau mouboḷ, toko pogambat kon bonu in dagat tuḷú bo balerang inta kodoko-dokot, tuata in popatoi inta induanea.”

WAHYU 22:15

Táe intau mita inta nogaid kon soaḷ mita inta moromú, inta moibog monggaing, bo intau mita inta mogaid kon soaḷ mita inta mokotor, inta moḻimod, mosumba kon berhala, bo intau mita inta mouboḷ, pinomayá tosingogon ande oaid, komintan intau natua, kon ḷuai in kotá in tampatnea.