KORINTUS 1 5:1 - Alkitab Singog In Mongondow Masa In Tanaa

¹ Akuoi in sabanarnea nokodongog bidon kon lapuran kon naanta oyúon bidon kon sigad monimu in moibog mogaid kon inta mokotor: Oyúon in kon sigad monimu in nonuaḻing takin i inánea uatok. Intaupa inta diá nonotaau kon i Tuhan diábí doman mogaid kon natua!

KORINTUS 1 5:1 ပူးပေါင်းရင်းမြစ်များ

KINOBAḺIAN 35:22

Kon tungkuḷ in mosia kon tampatpa tatua ki Ruben nosiugdon noyotakin i Bilha, ki buḷoi amánea inta bobantung tatua. Soaḷ tatua kinodongogan i Yakub, bo sia in totok sinumorú. Ki Yakub kogadí kon ḷoḷaki mopuḷú bodoyowá.

KINOBAḺIAN 37:2

bo naadon riwayat motoḷuadí i Yakub: Kon tungkuḷ in ki Yusup, ki adí i Yakub umur mopuḷú bo pitu notaong, sia in moḷukadmai kon paanan in bembé domba moyotakin i guya-guyangnea mita, inta ki adí mita i Bilha bo i Zilpa, ki buḷoi amánea inta bobantung. Sia in nopotaau kon oaid mita diá mopia i guya-guyangnea kon inia.

KINOBAḺIAN 49:4

Iko in mogampang moḻimbok naonda bo tubig, sahingga in deemandon iko inta totok in moponting; sin iko ain nosiug takin i buḷoiku inta bobantung tua, kinotoranmudon tosiugan i amámu.

SAMUEL 2 16:22

Dá, pinomiaandon in ki Absalom kon ḷoḷaigan kon tudu in atop in komaḻig inta notondodai tatua. Bo koonto-ontongbí in bayongan intau ki Absalom in sinumuot kon bonu in ḷoḷaigan tatua bo nosiug takin i buḷoi mita i amánea.

SAMUEL 2 20:3

Naonda in ki Daud noyaput kon komaḻignea kon Yerusalem, bobay mopuḷú inta diá inika i datu inta sinaḷáan sin moḷukad kon komaḻig, pinoutunnea kon bonu in baḷoi inta iḷukadan in moḷoḷukad. Onu in pakéon monia sia in nopooyúon, táe diádon in ki Daud kon dodai in onda in nosiug takin i monia. Mosia tua in pinopoyayúdon bo kobiagan monia in naonda bo dongkadon boba-bobay nodapot in minatoi.

TAWARIKH 1 5:1

Ki Ruben naa in adí guya-guyang i Yakub. Táe popisí in ki Ruben naa in ain nopoonagmai kon kahoromatan in pahang tobatú i amánea, dá haknea saḷaku adí guya-guyang in ginamádon nongkon inia bo inogoi kon i Yusup. Umpaka natua táe inta totok in moropot kon sigad in buí Yakub in deemanbí suku i Yusup táe sukubí i Yohuda. Nodapot inta muna-munamai totok nobaḻí datu kon bayongan umat in Israel in nongkon sukubí i Yohuda tua.

YEREMIA 2:33

Moiko in totuu mopandoi in mogaid kon siasat sinbá mokoangá kon gina in intau mita inta kinoibogmu. Bobay sundaḷpa inta totok in moromú in mobalajarpabí doman kon inimu!

YEHEZKIEL 16:47

Nooropdon degá in iko in dinumudui kon ḻiod monia bo dinumayan kon aid monia inta mokorongó tua? Diápa! Diádon moonggot iko in noiḻiudon in kororaatmu nongkon i monia.

YEHEZKIEL 22:10

Oyúon in modondouḷug bo mosiug takin i iná uatoknea, takin bobay inta inangoinea,

IMAMAT 18:8

Dika mopoonagmai kon i amámu takin mosiug moyotakin i buḷoinea tobatú inta kon sigad i buḷoinea ibanea.

IMAMAT 20:11

Intau ḷoḷaki tobatú inta mosiug takin i buḷoi tobatú i amánea, yo sia tua nogagowdon kon hak i amánea. Ḷoḷaki bo bobay tatua in mustibí hukumon matoi. Mosia in minatoi sin pinopisí in taḷá monia tontaní.

AMOS 2:7

Mosia in nondorot kon intau moyangkó inta diá mokopongonu bo moposí in intau nobogá. Ki ata monia bobay tobatú in siniugandon i amánea bo i adínea ḷoḷaki, dá nokokotordon kon tangoi-Ku inta motusi.

OUMAN IN RASUL MITA 15:20

Táe kita in momaisdon kon surat bo mononggina kon i monia, sinbá donaai in mokaan kon kaanon inta ain pinosumba kon dewa, andeka mokaan kon tapú in mahaḷuk inta sinagangan, andeka mokaan kon dugúnea. Bo bá umuran mokopoyayú in mosia kon oaid mita inta mokotor.

OUMAN IN RASUL MITA 15:29

dika mokaan kon kaanon inta aindon pinosumba kon dewa; dika mokaan kon dugú, dika mokaan kon tapú in mahaḷuk inta minatoi sinagangan, bo poyayúdon in oaid inta mokotor. Aka aidandon monimu intua komintan, yo mangaḻenea moiko aindon nogaid kon inta mopia. Natuapa, saḷamat!”

KORINTUS 1 1:11

Sin nodaitdon inouman in ginaḷum i Kloë kon inakó, kon naanta oyúonbí in yogenggeng kon sigad monimu.

KORINTUS 1 5:11

Makusudku in dikadon moiko moyobayat i intau inta nopirisayadon kon i Kristus, táe umuranpa moibog mogaid kon inta mokotor, bo moturá ande moibo-ibog dumudui kon parenta in berhala, bo inta umuran moibog moporomu-romúmai kon tangoi intau ibanea, bo umuran doman monginum kon inta mokoḷoḷangu bo monakow. Modapot in mongaan moyotakin monia tua yo dikabí!

KORINTUS 1 6:13

Oyúon doman in nosingog kon kaanon tua in pinobonubí kon sian, sin sianbí in sinantú tampatnea. Táe sian bo kaanon tumpaḷabí diá in baraguna kon i Allah. Tuamai pakébí in awakmu mogaid kon onu inta kinoibog i Tuhan, deemanbí mogaid kon inta kinodoí-Nea sahingga in umuran-Neabí ḷukadan in awakmu.

KORINTUS 1 6:18

Manangka intua poyayúdon oaid mita inta diá mopia. Sin bayongan in oaid diá mopia inta inaidan intau tatua in komintanbí nobaḻí kon ḷuai in awak intau. Táe intau inta umuran mogaid kon inta diá mopia kon intau ibanea, tua in ná bí doman onda bo nopoaid in diá mopia kon awaknea tontaní.

KORINTUS 1 6:9

Diábí kotaauan monimu kon intau mita inta diá motoindudui kon i Allah in diábí mobaḻí umat i Allah? Dika koakaḷan! Sin bayongan intau inta mogaidmai kon mokotor, bayongan intau inta umuran dumudui kon parenta in berhala, monuaḻing bo mokituaḻing, inta moibog kon tumpaḷa ḷoḷaki ande tumpaḷa bobay,

KORINTUS 2 12:21

Moḻia-ḻiaw doman in ginaku sin dikabo naonda in akuoi mamangoi bui, popoompáan i Allah in akuoi kon tayowon monimu, bo mongombaḷ in akuoi sin nobayongdon in kon sigad monimu in nogaid kon dosa wakutu intua bo diápa doman nobaḷui, bo tantúpa doman nogaid kon oaid mita inta moraat totok bo inta diá patus aidan i intau inta mopirisaya.

KORINTUS 2 2:5

Aka oyúon in intau inta nokopopisí sahingga noajar in gina monimu, yo tua in deemanbí akuoi in tujuan monia, táe moikobí utatku, andeka diá bo diá yo intaubí inta kon sigad monimu nion. Dá doíbí in akuoi mobogoi in hukuman mobogat kon inia tua.

KORINTUS 2 7:12

Tuamai, umpakabí akuoi in nomaisdon kon surat tatua, táe pinaisku intua deemanbí lantaran intau inta kotaḷá tatua. Bo deemanbí doman lantaran intau inta nororiga sin pinopisí in taḷá tatua. Akuoi in nomais kon surat tatua sinbá kon tayowon i Allah, kotaauandon monimu tontaní kon moḷobenbí totok in perhatian monimu kon i nami.

GALATIA 5:19

Ibog in awak naa ontongon bidon kon oaid mita inta diá mopia, bo moraat bo inta diá doman patus aidan in intau.

EPESUS 5:3

Moiko nion umat i Allah, tuamai in aid mita inta mokotor bo inta diá patus aidan, andeka ibog inta moiḻiu dika aidan kon sigad monimu sinbá diá in dodoyonan intau mita mopotaḷá kon i monimu.

ULANGAN 22:30

Diábí tobatúmai intau in motaau mopoonagmai kon i amánea pongin dodia mosiug takin ki buḷoi amánea tobatú.”

ULANGAN 27:20

‘Kinutuk in intau inta mopoompámai kon i amánea popisí in nosiugdon takin buḷoi tobatú i amánea.’ ‘Amin!’

KOLOSE 3:5

Tuamai Inggamáaidon in ibog mita in dunia inta umuran monuyayow kon i monimu, ná oaid inta mokotor, oaid mita inta diá patus aidan, ibog in awak, ibog mita inta moraat, bo ibog mita inta moiḻiu (sin ibog inta moiḻiu tua in notongkaibí in mosumba kon berhala).

TESALONIKA 1 4:7

Inoiní i Allah in kita, deemanbí mogaid kon inta moraat, táe mogaidbí kon onu inta mokosanang kon gina-Nea.

WAHYU 2:21

Sia inogoian-Kudon in kasampatan mogogai in mogaid kon dosanea mita, táe doíbí in sia mogogai mogaid kon soaḷ mita inta mokotor tua.

WAHYU 21:8

Táe intau mita inta ondokon, mosia inta diá mosatia, intau moromú, moḷoḻimod, intau mokotor, intau mongonggaing, mososumba kon berhala bo komintan intau mouboḷ, toko pogambat kon bonu in dagat tuḷú bo balerang inta kodoko-dokot, tuata in popatoi inta induanea.”

SAMUEL 1 2:24

Dikadon bui mogaid kon ná tatua adíku mita. Totuu kon totokbí in diá mopia in onu inta inouman in umat i Tuhan soaḷ aid monimu!