KORINTUS 1 4:4 - Alkitab Singog In Mongondow Masa In Tanaa

⁴ Iraikumai, diábí kon dodai in onda akuoi in nogaid kon inta diá mopia, tongá tua in deemanbí bukti kon diá kotaḷá in akuoi. Sin tongábí ki Tuhan in motaau monantú kotaḷá andeka diá.

KORINTUS 1 4:4 ပူးပေါင်းရင်းမြစ်များ

AYUB 15:14

Degá intau in totokbí in diá kotaḷá? Motaau degá in sia pobanaron kon tayowon i Allah?

AYUB 25:4

Degá intau motusi kon mata i Allah? Degá nodarit kon tayowon-Nea?

AYUB 27:6

Akuoi in umuranbí kumadai kon kotoinduduiku, bo ginaku naa in umuranbí doman modarit.

AYUB 9:20

Akuoi in motoindudui bo diá nogaid kon dosa, táe bibigku naonda bo moguman kon inta noyoposi kon tua; pomuḷoi in singog inta momuká kon bibigku, naonda bo mopotaḷá kon inakó.

MAZMUR 130:3

Aka umuran toropon-Mu in dosa nami, o Tuhan, ki inebí in mokotongod?

MAZMUR 143:2

Akuoi naa in mogogundoi-Mu, dikabí monisig kon inakó, sin diábí in intau in diá kotaḷá in kon tayowon-Mu.

MAZMUR 19:12

Mogogundoi-Mu naa in bagupa inogoian in tompoingat in bayongan tatua; bungai in pinogaidan sinadia kon intau inta notoindudui kon tua.

MAZMUR 26:12

Dá moiḷaguidon in akuoi nongkon bayongan in anib, akuoi in modayow kon i Tuhan kon bonu in poyodungkuḷan in umat-Nea.

MAZMUR 50:6

Ḷangit in mopotaau kon ki Allah in monisig kon umat-Nea, bo Siabí tontaní in hakimnea.

AMSAL 21:2

Bayongan aid in intau degá mopiabí in kon bonu in raiannea tontaní, táe ki Tuhanbí in moindoi kon makusud in ginanea.

AMSAL 29:26

Mobayong in intau mokikoontong kon mongongawasa, táe inta mobogoi in inta moadil, in tongábí ki Tuhan.

YOHANES 21:17

Intoḷuneadon ki Yesus in noḻibó kon inia, “Simon adí i Yohanes, motabi degá in iko kon i-Nakó?” Moajardon totok in gina i Petrus sin ki Yesus nodapot in kotoḷu in noḻibó kon inia. Dá ki Petrus in notubag bui, “Tuhan, kinotaauanbí i Tuhan in bayongan yagi-yagi. Kinotaauanbí i Tuhan kon akuoi in motabibí kon i Tuhan!” Bo ki Yesus in noguman kon inia, “Ḷukadaidon in domba-Ku mita.

OUMAN IN RASUL MITA 23:1

Ki Paulus inimindoipa magí mako kon anggota in Mahkama Agama inta kon tua bodongka sia in nosingog, “Utatku mita! Umaaibí in singgai naa rasaanku kon akuoi in diábí kotaḷá kon i Allah. Ginaku in motuḻidbí totok kon tayowon i Allah.”

SURAT I PAULUS KON JAMAAT RUM 2:13

Sin hubungan in intau takin i Allah in moyoguḻit bui, deemanbí popisí in intau tatua nonotaaudon kon hukum agama in Yahudi, táe popisíbí in sia nogaidon kon onu inta pinais kon bonu in hukum tatua.

SURAT I PAULUS KON JAMAAT RUM 4:2

Aka soaḷ mita inta inaidannea tatua bo nobaḻí dodoyonan pinotarimaan i Allah kon inia saḷaku intau inta mokosanang kon gina-Nea, dá oyúon doman in dodoyonannea dumodia. Táe sia in diábí motaau dumodia kon tayowon i Allah.

KORINTUS 1 4:3

Sin aka kon inakó, yo diábí pusingonkumai onu in singogon monimu – ande i inekadon – bo raian doman soaḷ akuoi. Nodapotbí in inta iraikumai soaḷ akuoi tontaní yo diá bidon nobaḻí soaḷ.

KORINTUS 1 4:5

Popisí in deemanpabí wakutunea dá dika ḻimika-ḻikat in mohakim kon intau, kotaḷá andeka diá. Oḷatdon dapot moiangoi in ki Tuhan. Bambí Sia in mobuká kon onu inta nongoibuni kon sindip bo mobuká kon onu inta kon bonu in gina mita in intau. Bain kon wakutu in tuata bo duíon i Allah in intau mita podudui in oaid mita monia.

KORINTUS 2 1:12

Noḷunganga totok in gina nami, sin noyakin bidon in kami kon kobobiag nami kon dunia naa – apapa doman hubungan nami bo i monimu – tantúbí nami sinompia takin gina motuḻid bo nobayag. Tua komintan in inaidan nami, deemanbí pinodoyon kon kapandoian raian in intau, táe pinodoyonbí kon ropot inta pinonotabi i Allah.

KORINTUS 2 5:10

Sin notantúbí kon kita in diaanbí kon tayowon pongadilan i Kristus, bo pomuḷoi intau in motarimabí kon inta patus tarimaannea podudui in oaidannea kon wakutu in kon duniapa naa – oaid mopia andeka moraat.