KORINTUS 1 4:2 - Alkitab Singog In Mongondow Masa In Tanaa

² Inta muna-munamai igumon kon intau mita inta mogogaid kon oaidan natua in kototoinduduibí monia kon i tuangnea.

KORINTUS 1 4:2 ပူးပေါင်းရင်းမြစ်များ

DATU MITA 2 12:15

Moḷoḷukad mita kon oaidan tatua in mongotuḻidbí mita totok in gina dá diá bidon paraḷu poiguman kon lapuran soaḷ in doit.

DATU MITA 2 22:7

Moḷoḷukad mita kon oaidan tatua in motuḻid totok in gina, dá diá bidon paraḷu poiguman kon lapuran in doit nongkon i monia.”

AMSAL 13:17

Totabá inta diá mobanar mokopoangoi kon bodito; totabá inta motaau pirisayaan in modia kon inta mopia.

PINOGIAPAN 12:7

Táe diábí natua in kon i Musa mogogundoi-Ku tua. Sia tuata in intau inta motoindudui totok kon sigad in bayongan umat-Ku.

MATIUS 25:21

Bo ki tuangnea tatua in noguman kon i nia, ‘Tua in nopia, iko in simpaḷku inta mopia bo mojujur; iko aindon nogaid kon oaidan inta mointok inta pinoki aid kon inimu, manangka intua iko in ogoiankudon in tanggung jawab mogaid kon oaidan moḷoben. Angoidon bo duduidon mobarasanang takinku!’

MATIUS 25:23

Dá ki tuangnea tua in noguman kon inia, ‘Tua in nopia, iko simpaḷku inta mopia bo motuḻid in gina. Popisí in iko aindon nogaid kon oaidan inta mointok takin gina motuḻid, dá iko ogoiankudon in tanggung jawab mogaid kon oaidan moḷoben. Tuot bo pobarasanangdon takinku!’

LUKAS 12:42

Ki Tuhan in notubag, “Ki ine in bobantung inta mosatia bo mopandoi, sahingga pomiaan i tuangnea itoi kon sigad in bobantungnea mita ibanea, sinbá sia mobogoi in kaanon kon i monia aka wakutuneadon?

KORINTUS 1 4:1

Anggapbí in kami naa mogogaid mita kon oaidan i Kristus inta motanggung jawab mopotaau in tomayá mita i Allah inta diápa kinotaauan in bayongan intau kon dunia naa.

KORINTUS 1 4:17

Manangka intua pinotabákudon mangoi kon i monimu in ki Timotius. Saḷaku dumodudui i Kristus, sia in inanggapkudon ná ki adíku tontaní inta totok in kotabiku. Sia naa in adí inta totok in mojujur. Bain sia in mongonguman bui kon i monimu soaḷ kobobiagku wakutu in nopirisayadon in akuoi kon i Kristus, tuata in kobobiagku inta sinundúkudon kon bayongan in jamaat kon ondakadon.

KORINTUS 1 4:3

Sin aka kon inakó, yo diábí pusingonkumai onu in singogon monimu – ande i inekadon – bo raian doman soaḷ akuoi. Nodapotbí in inta iraikumai soaḷ akuoi tontaní yo diá bidon nobaḻí soaḷ.

KORINTUS 1 7:25

Sabanarnea akuoi in diábí notarima kon parenta i Tuhan kon soaḷ intau mita inta diápa nokipobuḷoi. Táe saḷaku intau inta mopirisaya inta ain inogoian-Nea in totabi inta motaau pirisayaanmai, dá mononggina in akuoi.

KORINTUS 2 2:17

Sin kami in diábí ná intau ibanea inta tongá moibog motayak kon kauntungan nongkon habar i Allah tatua. Motuḻidbí totok in tujuan nami, sin ki Allahbí in nokiaid intua komintan kon i nami. Bo inontongbí i Allah tontaní kon kami in nopoyaput in habar tatua nogaidbí saḷaku mogogaid mita i Kristus.

KORINTUS 2 4:2

Kami in doíbí tongá umuni-uni sin mokooyábí in natua. Bo kami in doíbí mogaid takin gina inta diá motuḻid bo poḷat doman mopotaḷá in singog i Allah. Kami in nogaid kon oaidan i Allah takinbí gina motuḻid ná inta kinoibog-Nea. Tuamai in harapon mako tua, kopiaan in monilai kon i nami.

KOLOSE 1:7

Habar tatua in dinongogdon monimu nongkon i Epapras, yobayat topogaidan inta kinotabi nami. Sia tua in mogogaid kon oaidan i Kristus inta mosatia in mogaid kon kopontingan naton.

KOLOSE 4:17

Bo potaaudon kon i Arkhipus in naa, “Iḷapataidon kopiraan in oaidan inta pinoki aid i Tuhan kon inimu sin mobantung kon i Tuhan.”

KOLOSE 4:7

Ki Tikhikus, ki utat naton inta kinotabiku, mopotaau kon i monimu in bayongan yagi-yagi soaḷ akuoi. Sia in mosatia totok in mogaid kon oaidan i Tuhan moyotakin nami.