KORINTUS 1 4:14 - Alkitab Singog In Mongondow Masa In Tanaa

¹⁴ Akuoi in nomais kon naa deemanbí makusud mokopooyámai kon i monimu, táe monongginabí kon i monimu saḷaku ki adíku mita.

KORINTUS 1 4:14 ပူးပေါင်းရင်းမြစ်များ

YEHEZKIEL 3:21

Aka intau inta mopia tatua ogoianmu in tompoingat sinbá diá mogaid kon dosa, bo dumudui in sia kon tongginamu, dá diábí in sia hukumon-Ku, bo iko in mosaḷamatbí.”

OUMAN IN RASUL MITA 20:31

Tuamai umuran kiḷuka-ḷukadmai bo toropdon saḷaḷu kon akuoi in toḷu notaong, doḷom bo singgai in diábí dodai onda in nogogai nononggina kon i monimu komintan takin koomba-ombaḷ doman.

KORINTUS 1 15:34

Mokoposadardon in tanaa, bo donaaidon mogaid kon inta diá mopia. Sabanarnea in bá mustibí mooyá in moiko sin kon sigad monimu oyúonpa in diá nonotaau kon i Allah.

KORINTUS 1 4:15

Umpaka ribuandon intau in Keresten guru monimu, táe kon bonu in pirisaya monimu kon i Kristus, tongábí akuoi in nobaḻí ki amá monimu sin akuoibí naa in nopoyaput in Habar Mopia kon i monimu nodapot in nopirisayadon moiko kon i Kristus.

KORINTUS 1 4:17

Manangka intua pinotabákudon mangoi kon i monimu in ki Timotius. Saḷaku dumodudui i Kristus, sia in inanggapkudon ná ki adíku tontaní inta totok in kotabiku. Sia naa in adí inta totok in mojujur. Bain sia in mongonguman bui kon i monimu soaḷ kobobiagku wakutu in nopirisayadon in akuoi kon i Kristus, tuata in kobobiagku inta sinundúkudon kon bayongan in jamaat kon ondakadon.

KORINTUS 1 6:5

Totok mokooyá uḻe! Umpaka yo beresidon diá in intau mobijaksana kon sigad monimu inta motaau mopoyotutui in soaḷ inta tongá natua mita inta mobaḻí kon sigad monimu intau in Keresten!

KORINTUS 1 9:15

Táe akuoi in doíbí. Bo akuoi in nomais kon surat tanaa deemanbí makusud sinbá pomiaan monimu natua in akuoi. Sin aka kon i nakó, yo maníkabí matoi in akuoi dika in kobuḻian in onu inta totok in kino sanang in ginaku.

KORINTUS 2 11:11

Eta nongonubí sin mosingogbí in akuoi kon natua? Degá diá motabi in akuoi kon i monimu? Kinotaauanbí i Allah in tabiku kon i monimu!

KORINTUS 2 12:19

Motaaubí singogon nami kon noonggot bidon moiko in umuran nosangka mako kon i nami, kon kami tantú mobela kon oaid nami inta diá mopia kon tayowon monimu. Kon tayowon i Allah bo kinotaauanbí i Kristus. Kami moguman kon i monimu, kon bayongan naa, uḻe, utat mita inta kinotabiku, inaidan nami naa lantaranbí bá mobiag bo modugang in pirisaya monimu.

KORINTUS 2 7:3

Akuoi in moguman kon natua, deemanbí makusud mopotaḷá kon i monimu, sin nádon kain singogku inta muna, kon moiko in totok bidon kinotabi nami, sahingga in kita tantú notobatú kon dodai in nobiagpa nodapot in matoika bidon.

KOLOSE 1:28

Ki Kristusbí tatua inta pinotaau nami kon intau mita. Kami nomaké in kabijaksanaan bo pongotahuan in mononggina bo motundú kon i monia, sinbá pomuḷoi in intau motaau diaan kon i Allah saḷaku intau inta noguyangdon in pirisaya, sin mosia ain notobatú i Kristus.

TESALONIKA 1 2:11

Kinotaauanbí monimu in kinototabi nami kon i monimu. Naonda bo guyanga bo adí.

TESALONIKA 1 5:14

Utatku mita naa doman dugang in tonggina nami kon i monimu; toboḷow pia-pia mako in mosia inta doí mogaid bo tantú irigonai in gina in intau mita inta mongoondok, bo dika koḻiongan in motuḷung kon intau mita bogá bo mokoposabar in tumayow kon intau inta noyagi-yagimai in oaid.

TESALONIKA 2 3:14

Bo aka oyúon in intau inta doí mokidongog kon onu in pinoguman nami kon bonu in surat tanaa, yo mokopoingat kon intau natua bo donaai moyobayat takin intau tatua sinbá mooyá in sia.

PILEMON 1:10

Tuamai, akuoi ki Paulus in mopoigum kon inimu soaḷ ki Onesimus, inta ain nobaḻí ki adíku sin sia ain nopirisaya kon i Kristus, kon wakutu in akuoi kon bonupa in ponjara bo akuoi in nobaḻídon guyanganea kon bonu in pirisaya kon i Tuhan.

YOHANES 1 2:1

Adíku mita! Naa mita in pinaisku kon i monimu, sinbá moiko in diádon mogaid kon dosa. Tongá aka oyúon in mogaid kon dosa, dá oyúon in mototuḷung naton, Sia tua in ki Yesus Kristus inta moadil. Sia in mayá in tayowon i Allah bo mopoigum sinbá ampungandon in taḷá mita naton.

YOHANES 3 1:4

Aka kon inakó, diábí in poḻiu kon ḷunganga in ginaku wakutu in nokodongogmai kon ki adíku mita in umuran nobiag noidudui kon onu inta sinundú i Tuhan.