KORINTUS 1 4:12 - Alkitab Singog In Mongondow Masa In Tanaa

¹² táe umuranbí doman moramuji motayak in kami. Aka odi-odian intau in kami, tongábí tuḻían nami barakatan; aka pogutúon monia, mokoposabar in kami;

KORINTUS 1 4:12 ပူးပေါင်းရင်းမြစ်များ

MATIUS 5:11

Pia in kamang i moiko, inta popisí in Akuoi, moiko siningkuḻe bo pinogutú takin pinoponapudan inta moraat.

MATIUS 5:44

Táe tanaa Akuoi in moguman kon inimu: kotabibí in saturumu bo sambayangaidon in mosia inta nomogutú kon inimu,

LUKAS 23:34

Bo ki Yesus in nosambayang, “Amá ampungaidon in mosia sin diábí kinotaauan monia onu inaidan monia naa.” Onda intua, pakeang i Yesus sinilaidon monia kon tua táe munapa inundi.

LUKAS 6:28

Barakataibí in intau inta nogodi-godimai kon inimu bo sambayangaibí in intau inta nogaid kon inta diá mopia kon inimu.

YOHANES 15:20

Toropdon onu inta ain pinoguman-Ku kon i monimu, ‘Ata in diábí moḷobe-ḷoben nongkon i tuangnea.’ Dá aka mosia in nomogutúdon kon i-Nakó, yo mosia in momogutúbí doman kon i monimu. Aka mosia dumuduidon kon totundú-Ku, yo mosia in dumuduibí doman kon onu inta tundúonmu.

OUMAN IN RASUL MITA 18:3

bo nogutun takin monia poḷat nogaid noyotakin monia sin totayak monia notongkai doman in totayak i Paulus, momomia kon ḷoḷaigan.

OUMAN IN RASUL MITA 20:34

Kinotaauan bidon monimu tontaní, kon akuoi in noramuji bidon tontaní motayak kon onu in pakéonku bo onu doman pakéon in yobayatku mita inta topobayáanku.

OUMAN IN RASUL MITA 7:60

Bo sinumungkud in sia poḷat nomaḷú noropot, “Tuhan, donaaidon dosa tanaa popobaba-Mu kon i monia!” Onda in noguman mako natua sia in minatoidon.

SURAT I PAULUS KON JAMAAT RUM 12:14

Poigumdon kon i Allah sinbá barakatan-Nea in intau mita inta nomogutú kon inimu. Poigumaibí kon barakat nongkon i Allah, donaaibí mopogodi-godimai.

SURAT I PAULUS KON JAMAAT RUM 12:20

Nanaa in aidai, aka gogoyon in saturumu yo ogoiai in sia in kaanon, aka moyogang in sia, yo ogoiai inumon. Sin aka tua in aidanmu, yo aidmu tatua in mokopooyábímai kon inia.

SURAT I PAULUS KON JAMAAT RUM 8:35

Oyúon degá in mokomampu moḷamboi kon i Kristus aka Sia in motabi kon i naton? Kasusahan, roriga, pomogutúan, malarat, kobiagan mobogá, anib ande popatoi, tua mita degá in mokoḷamboi kon tua?

KORINTUS 1 9:6

Andeka degá tongá ki Barnabas bo akuoi in musti motayak kon kaanon tontaní?

KORINTUS 2 11:8

Sin kon dodai in akuoi nogaid kon sigad monimu, akuoi in inongkosbí in jamaat mita ibanea. Dá motaaubí singogonku kon totokbí in nokoporugimai kon jamaat mita sinbá akuoi in motaau motuḷung kon i monimu.

EPESUS 4:28

Intau inta biasa monakow, musti mogogaidon in monakow, bo mustidon mogaid bá mokouḻí kon onu in pakéonnea bo motaau doman motuḷung kon intau ibanea inta paraḷu tuḷungan.

TESALONIKA 1 2:9

Tantú kinotoropanpabí monimu uḻe utat mita naonda in pinogogaid bo pinororamuji nami. Doḷom bo singgai kami in mogaid sinbá diá tobatúmai in kon sigad monimu in mororiga wakutu in kami nopoyaput in Habar Mopia inta nongkon i Allah kon i monimu.

TESALONIKA 2 3:8

Kami in deemanbí tongá mokaan kon onu in ogoi intau bo diá mogaid, táe kami in iyumoyigabí totok in mogaid doḷom bo singgai sinbá diá tongá mokoposusamai kon intau ibanea.

TIMOTIUS 1 4:10

Manangka intua kita in musti moramuji mogaid, sin kita in tongábí moharap mako kon i Allah inta nobiag; Sia tuata inta mopoposaḷamat kon bayongan in intau, muna-munamai mosia inta mopirisaya.

PETRUS 1 2:23

Wakutu in Sia sinibáan, Sia in diábí nonuḻí nonibá. Wakutu in Sia iroriga, diábí in Sia nodandi motuḻí; tua komintan in tongábí pinosarakan-Nea kon i Allah, Hakim inta totok i moadil tua.

PETRUS 1 3:14

Táe umpaka mokorasa kon roriga lantaran mogaid kon soaḷ mita inta mopia, táe mountungbí in moiko! Manangka intua donaaibí moondok kon i inekabí bo donaai doman umuran moḻia-ḻiaw in gina.

PETRUS 1 3:9

Inta moraat donaaibí tuḻían onu inta moraat, ande aka sibáan yo donaaibí monuḻí monibá. Táe poigumbí sinbá barakatan i Allah in intau mita inta nomia natua kon i monimu. Sin ki Allah in nogoiní kon i monimu, sinbá motarima in moiko kon barakat-Nea.

PETRUS 1 4:19

Manangka intua intau inta iroriga podudui in ibog i Allah, kobiagbí mokopotoḷutui in sia, bo posarakaidon in kobiagannea kon i-Nia inta nomia kon i monia, sin Sia in umuranbí mogaid kon onu inta ain pinodandi-Nea.

YUDAS 1:9

Ki Mikhael tontaní, inta itoi in malaekat mita in diábí kon dodai onda in nogaid kon ná inta inaidan monia tatua. Kon wakutu in sia nobobayowan in Ibilis soaḷ ki ine in mokouḻí kon mayat i Musa, sia in diábí nokobaḻí in nohakim kon Ibilis takin tosingogon moningkuḻe. Ki Mikhael in tongábí nosingog nanaa, “Torúan i Tuhan in iko!”