KORINTUS 1 4:11 - Alkitab Singog In Mongondow Masa In Tanaa

¹¹ Umaai in naa umuranpabí in kami gogoyon bo moyogang in bayongan yagi-yagi; ḷambung dongkadon kon awak bo rorigaanpa doman in intau; bo diá doman kotampat pogutunan;

KORINTUS 1 4:11 ပူးပေါင်းရင်းမြစ်များ

AYUB 22:6

Aka ki utatmu bo diá mokouboḻi kon boḻinea, daitonmu agowon in bayongan in ḷambungnea.

MATIUS 8:20

Ki Yesus in noguman kon inia: “Serigala oyúon in bubúnea, bo ḷagapan oyúon in pugadnea, táe ki Adí Intau diá in tampat posiugan-Nea.”

OUMAN IN RASUL MITA 14:19

Tongá dodai intua namangoidon in intau mita Yahudi kon Listra. Mosia nongkon Antiokhia kon Pisidia bo nongkon Ikonium bo mopongaru kon intau moantó tatua sinbá dumudui kon i monia. Bo ki Paulus in inarab monia in batu poḷat dinia pinoḷuai kon kotá. Bo kai monia kamai ain bidon minatoi,

OUMAN IN RASUL MITA 16:23

Naonda in mosia sinambok totok, pinotuotdon monia kon ponjara in taya dua tatua. Itoi in ponjara totok in dinandi kon bá kopiraan totok in moḷukad kon rasul doyowa tatua sinbá diá mokoḷuai.

OUMAN IN RASUL MITA 23:2

Táe Imang Moḷoben ki Ananias tua in noguman kon intau mita inta kon diugmai i Paulus kon tokap in bibignea tua.

SURAT I PAULUS KON JAMAAT RUM 8:35

Oyúon degá in mokomampu moḷamboi kon i Kristus aka Sia in motabi kon i naton? Kasusahan, roriga, pomogutúan, malarat, kobiagan mobogá, anib ande popatoi, tua mita degá in mokoḷamboi kon tua?

KORINTUS 1 9:4

Degá diá motaau in kami in mokaan ande monginum kon onu inta nouḻíku nongkon pinogaidan tanaa?

KORINTUS 2 11:20

Tongá pomayá mako monimu aka oyúon in intau mononggata kon i monimu, andeka momakisa moigum bo mogamá kon kauntungan kon i monimu, ande inta monganggap kon mosia in moḷantu-ḷantud nongkon i monimu sahingga in mobarani monokap kon i monimu.

KORINTUS 2 4:8

Kami totok in irupa-rupamai monia, táe naapabí doman mako in kami. Kinodaitanbí doman akaḷ in kami, táe harapan nami in tantúbí oyúon.

PILIPI 4:12

Kinorasaanku bidon naonda in aka kodaitan bo naonda in aka kalebean. Kinotaauanku bidon in rahasia tumayow kon naondakabí in kaadaan; kaadaan kobiagan mooyúon andeka kaadaan mobogá, kaadaan bayongan in yagi-yagi oyúon ande kaadaan kodaitan.

TIMOTIUS 2 3:11

Kinoontonganmudon doman naonda in kororiga pogutúon ná inta kinorasaanku kon Antiokhia, kon Ikonium bo kon Listra. Bo kinotaauanmubí in bayongan roriga inta kinorasaanku tua! Táe pinosaḷamatbí i Tuhan in akuoi nongkon bayongan tua.