KORINTUS 1 4:10 - Alkitab Singog In Mongondow Masa In Tanaa

¹⁰ Kami in sinumon bodok lantaran ki Kristus. Táe moiko in nopandoidon lantaran ain nopirisaya kon i Kristus! Kami in diádon mokopongonu, táe moiko in noropotdon! Kami in tantú irebeg in intau, táe moiko in umuran dinuí!

KORINTUS 1 4:10 ပူးပေါင်းရင်းမြစ်များ

DATU MITA 2 9:11

Ki Yehu in buidon minayá kon yobayatnea mita, bo noḻibó in mosia, “Onu in habar? Onu in inangoi in intau nobundai tatua kon inimu?” “Uḻe, kinotaauandon monimu,” tubag i Yehu.

AMSAL 11:12

Moningkuḻe kon intau ibanea in oaidbí inta dondunguḷ; intau inta mopandoi, diábí mosingog kon onuka.

YESAYA 53:3

Kita in moningkuḻe bo yumayú kon inia, intau inta nopuḻing in roriga bo nobiasa mobaba kon takit. Diá tobatúmai in intau in moibog imindoi kon inia, bo kita in diá doman moindoimai kon inia.

HOSEA 9:7

Noiangoidon in wakutunea pohukuman, wakutu motarima kon tontuḻínea kon bayongan in oaid. Israel in mokonanambí kon tua! Moiko in moguman, “Nabi inta kinawasa in roho tanaa in dondunguḷ! Nobundai in sia!” Moiko in noguman natua sin moiko in doí totok kon inakó bo dosamu in totuu moḷoben.

MATIUS 24:9

Kon wakutu intua moiko in poposarakan sinbá rorigaan, bo moiko in ḻimodon bo saturuon in bayongan intau sin moiko in dumodudui-Ku.

MATIUS 5:11

Pia in kamang i moiko, inta popisí in Akuoi, moiko siningkuḻe bo pinogutú takin pinoponapudan inta moraat.

LUKAS 10:16

Bo ki Yesus in noguman kon murí-Nea mita, “Ki ine in moibog mokidongog kon i monimu, yo mosia tua i mokidongog doman kon i-Nakó. Táe ki ine in doí motarima kon i monimu, yo sia in doí doman motarima kon i-Nakó. Bo ki ine in doí motarima kon i-Nakó, yo sia in doí doman motarima kon i-Nia inta nopotabá kon i-Nakó.”

LUKAS 18:9

Ki Yesus in nongonguman kon poumpamaan tanaa, sin kon tua oyúon in intau inta monganggap kon tongábí mosia in intau mobanar, bo intau ibanea inanggap monia komintanbí binaradosa.

LUKAS 6:22

Pia in kamang in moiko aka moiko sinaturu, diá sinarima, siningkuḻe bo pinoponapudan doman in uboḷ, sin popisí in moiko dumodudui i Adí Intau!

OUMAN IN RASUL MITA 17:18

Guru mita nongkon golongan in Epikuros bo Stoa nobobayowanmai takinnea. Oyúon kon sigad monia tua in nosingog nanaa, “Eta onubí in kotaauan in intau mita tanion? Mosia nion in dondunguḷbí mita, táe moantó in ouman!” Bo ibanea in moguman doman, “Sia nion ná bí mopotaau in dewa ibanea.” Tua mita in singog monia sin ki Paulus nopotaau in habar soaḷ ki Yesus kon i monia bo soaḷ doman kobiagan naonda in matoi.

OUMAN IN RASUL MITA 17:32

Naonda intau mita tatua nokodongog kon inta pinoguman i Paulus soaḷ mobiag bui naonda in matoi, oyúon in kon sigad monia in kinumosing. Oyúon doman in noguman, “Kami in moibogpa bui mokidongog kon inimu mosingog kon soaḷ natua.”

OUMAN IN RASUL MITA 26:24

Koyogotpa in ki Paulus mopoyotutui in onu inta nobaḻí kon inia, ki Pestus in nomaḷúdon kai-nia, “Diábí noratak in iko nion Paulus! Kinoḻiuandon in pandoimu dá diádon motoratakmai in raianmu!”

OUMAN IN RASUL MITA 9:16

Bain Akuoi tontaní in mopoontong kon inia kon bayongan roriga inta musti korasaannea popisí in pirisayanea kon i-Nakó.”

KORINTUS 1 1:21

Sin dapot kabí in onda in kapandoian intau, yo diábí in mokopobaḻí kon inia monotaau kon i Allah. Táe popisíbí in ki Allah mobijaksana, dá noibog in Sia in noposaḷamat kon intau mita inta mopirisaya kon i-Nia naonda in nokodongog kon habar inta pinotaau nami inta inanggap in dunia naa tongá uboḷ.

KORINTUS 1 1:23

Kami naa in tongábí mopoyaput in habar soaḷ ki Kristus inta minatoi pinopopakú kon kayu pinoyotaḻempang. Habar tatua in nokotersinggung kon intau mita in Yahudi, dá inanggap monia diá totuu in habar tatua.

KORINTUS 1 1:25

Sin onu inta inanggap i Allah totok in moompá, yo tuabí in moḷantu-ḷantud nongkon kapandoian intau; bo inta inanggap i Allah diá mokopongonu, yo tuabí in moropo-ropot nongkon ropot in intau.

KORINTUS 1 10:12

Bo intau inta monganggap moropot in sia, musti mokopopia; dika bo moḷabú.

KORINTUS 1 2:14

Intau inta diá kinawasa in Roho i Allah, doíbí mopirisaya kon onu inta ain inaidan in Roho i Allah tatua. Diábí komangaḻean monia intua komintan, koḻikudbí in aka mopirisaya in mosia kon i Allah.

KORINTUS 1 2:3

Kon dodai in kotaki-takinpa monimu, moḻemé bo mouyot totok in akuoi.

KORINTUS 1 3:18

Donaai tobatúmai in monguboḷ kon awaknea tontaní. Aka oyúon in kon sigad monimu in monganggap mobijaksana in sia podudui in raian intau, yo intau tatua in mustibí tumekeng bodok, sinbá totu-totuu mobaḻí mobijaksana in sia.

KORINTUS 1 3:2

Koḻipod in moiko tongápabí pinokaankumai in kaanon adí mointok, deemanpabí kaanon intau inta noguyangdon sin diápa in moiko mokomampu in mokaan kon natua. Táe umaaipa doman masa in tanaa natuapa doman in moiko,

KORINTUS 1 4:8

Oobí kon diá bidon moparaḷu kon onu bo onu in moiko! Sin nooyúondon bo nobaḻídon datu in moiko! Yo kami in diá. Mopiabí totok aka moiko bo totu-totuudon nobaḻí datu, sinbá motaau in kami momarenta moyotakin monimu.

KORINTUS 2 10:10

Sin oyúon intau noguman nanaa, “Bonu in surat mita i Paulus tua in motogat bo mokobangkaḷ, táe aka siadon tontaní in kon yua-yuak naton, yo moyangkodon in sia bo singognea mita tua in diádon in mangaḻenea!”

KORINTUS 2 11:19

Tantú mosanangbí in gina monimu in nosabar in sinumayow kon intau mita bodok. Sin inanggap monimu mopandoi in moiko!

KORINTUS 2 11:29

Aka oyúon in mokorasa kon moḻemé, yo akuoi in moitakinbí doman moḻemé. Aka oyúon in moiḷautdon mogaid kon inta diá mopia, yo moitakinbí doman in ginaku moyoyiga.

KORINTUS 2 13:9

Mopiabí in gina nami aka moikodon in moropo-ropot nongkon inami. Tuamai kami umuran mopoigum in doa kon i Allah, sinbá moiko in mobaḻí mosompurna.

KORINTUS 2 4:12

Naa in mangaḻenea kon kawasa in popatoi umuranbí diá monaḷámai kon i nami, táe mopiabí in gina nami sin tantú moyotakin monimu.

KORINTUS 2 6:8

Oyúon in mohoromat kon i nami, táe oyúon doman in moningkuḻe; oyúon in moduí, táe oyúon doman moponapud in diá totuu. Umpakabí kami in mojujur, táe kai monia kami in mouboḷ.

TESALONIKA 1 4:8

Tuamai ki ine in doí motarima kon singogku, yo deemanbí intau in bayowannea, táe ki Allahbí inta ain nobogoi in Roho-Nea mokudus kon i monimu in bayowannea.

PETRUS 1 4:14

Kopiabí in gina monimu aka singkuḻeon sin popisí in mopirisaya kon i Kristus, tua in mangaḻenea Roho momulia inta Roho i Allah in umuranbí kotaki-takin monimu.