KORINTUS 1 3:11 - Alkitab Singog In Mongondow Masa In Tanaa

¹¹ Tongábí ki Kristus in sinampat i Allah mobaḻí pondasi kon bangunan tatua, diábí in pondasi ibanea mako.

KORINTUS 1 3:11 ပူးပေါင်းရင်းမြစ်များ

YESAYA 28:16

Tuamai, ki Tuhan Inta Totok in moḷantud noguman nanaa, “Akuoi in mogukat kon dodoyonan inta moropot bo motorindog kon Sion; batu orotan tobatú inta moḷoben in mangaḻenea inta pinaisan: ‘Ki ine in morigon in pirisayanea, diábí umundok popisí in taḷowon.’

MATIUS 16:18

Bo Akuoi in moguman doman kon inimu, iko in ki Petrus, kon tudu in batu karang tanaa posindogon-Ku in jamaat-Ku; bo diábí in mokotaḷow umpakabí popatoi!

KORINTUS 1 3:10

Lantaran kapandoian inta inogoi i Allah, dá akuoi naonda bo intau inta nonotaaudon totok kon pogogaid kon bangunan tatua. Munadon nogaid kon pondasi sin popoḻitúan in bangunan tatua, bo intau ibanea in mamangoi moposindog in bangunan kon pondasi tatua. Pomuḷoi intau in mustibí monarukira muna mongo naonda in mopoḻitú in bangunan kon pondasi tatua.

KORINTUS 1 3:12

Taau bidon kon tobatú bo tobatú mongo bangunan naonda in posindogonnea. Bangunan inta inaidanka nongkon buḷawan, andeka inaidan nongkon saḷaka, andeka nongkon batu permata, andeka nongkon kayu, andeka nongkon bonok noingkag, andeka nongkon pangkoi in payoi.

EPESUS 2:20

inta pinosindog kon tudu in pondasi inta inaidan in rasul mita bo nabi, bo ki Kristus Yesus in nobaḻí batu inta totok moponting.

TIMOTIUS 2 2:19

Táe dodoyonan moroton inta ain pinomia i Allah tua in diá bidon in mokodandú. Kon ḻimoniknea in pinaisdon nanaa, “Kinotaauanbí i Tuhan in umat-Nea inta kinotabi-Nea,” bo “Intau inta mongaku umat i Tuhan in mustidon mogogai in mogaid kon inta noitaḷá.”

PETRUS 1 2:4

Tuamai, angoidon kon i Tuhan. Sia in naonda bo batu inta nobiag, batu inta iḷumbú in intau mita sin inanggap monia diá baraguna; táe piniḻídon i Allah nobaḻí batu inta totok in moponting.