KORINTUS 1 3:10 - Alkitab Singog In Mongondow Masa In Tanaa

¹⁰ Lantaran kapandoian inta inogoi i Allah, dá akuoi naonda bo intau inta nonotaaudon totok kon pogogaid kon bangunan tatua. Munadon nogaid kon pondasi sin popoḻitúan in bangunan tatua, bo intau ibanea in mamangoi moposindog in bangunan kon pondasi tatua. Pomuḷoi intau in mustibí monarukira muna mongo naonda in mopoḻitú in bangunan kon pondasi tatua.

KORINTUS 1 3:10 ပူးပေါင်းရင်းမြစ်များ

TAWARIKH 2 2:12

Dinayo-dayowdon in ki Tuhan Allah in Israel, Inta Nomia kon ḷangit bo butá! Sia in nobogoidon kon i Daud in adí ḷoḷaki inta totuu mobijaksana bo mopandoi, bo kototaau moḷoben, inta tanaa in koyogot in moḷongasi moposindog in baḷoi tobatú kon i Tuhan bo komaḻig tobatú kon inia tontaní.

IḶUAIAN 36:4

Bo bayongan in mogogimok inta koyogot mogaid kon oaidan tatua

AMSAL 12:8

Intau dayowon podudui in kobobijaksananea; intau in singkuḻeon podudui in dondunguḷnea.

AMSAL 9:1

Hikmat ain noposindog in baḷoi, bo noposindogdon in oiginea pitu.

MOHOHUTUBA 12:9

Ki Inta Momomikir tua in moarip bo mobijaksana. Tuamai in sinundúnea kon umat in bayongan pongotahuannea. Mobayong in amsal in binalajarnea bodongka tungkuḷannea mongo totuu.

DANIEL 12:3

Itoi mita inta mobijaksana in monindarbí naonda bo sindar in ḷangit. Bo mosia inta ain notundú kon mobayong in intau sin mogaid kon inta mopia bo moadil, in monindarbí naonda bo tundi mita modapot in mononoi.”

ZAKHARIA 4:9

Kai-nia, “Ki Zerubabel ain nogukat kon dodatoḷan in Baḷoi-Ku, bo sia in moginḷapatbí kon bayongan in bangunan tatua. Aka tua bo mobaḻí, yo kotaauandon in umat-Ku kon Akuoibí inta ain nopotabá kon inimu Zakharia kon i monia.

MATIUS 24:45

Ki Yesus in noguman, “Ki ine in simpaḷ inta mopia bo mopandoi? Inta aindon inaidan i tuangnea itoi in simpaḷ ibanea, sinbá sia in mobogoi in kaanon kon wakutunea.

MATIUS 7:24

“Pomuḷoi in intau inta nokidongog kon singog-Ku bo aidannea intua komintan, yo sia tua in ibarat intau inta mopandoi, inta noposindog in baḷoinea kon tudu in batu.

LUKAS 11:35

Tuamai umuran mokopopia sinbá bayag inta kon inimu diá mobaḻí mosindip.

LUKAS 21:8

Ki Yesus in noguman, “Mokopoingatdon, sinbá moiko in diá koakaḷan. Moantó in intau in mamangoi momaké in tangoi-Ku bo moguman, ‘Akuoi in Sia!’ bo ‘Wakutuneadon.’ Táe dikabí indongogan monimu in mosia.

OUMAN IN RASUL MITA 18:27

Onda intua ki Apolos nonomayádon kon mayá in Akhaya. Dá intau mita mopirisaya kon i Yesus kon Epesus in noromais kon surat sin ogoi kon bayongan utat inta nopirisayadon kon i Yesus kon Akhaya sinbá tarimaan monia kon tua in ki Apolos. Bo naonda in noiyaputdon kon Akhaya in sia, totuḷungnea totokbí in nokobaraguna kon bayongan intau inta nopirisaya kon i Yesus sin popisí totabi i Allah.

SURAT I PAULUS KON JAMAAT RUM 1:5

Bo pinongin i-Nia doman tua ki Allah in nobogoi in totabi kon i-Nakó nobaḻí rasul, sin mopotutui in daḷan kon bayongan intau sinbá mopirisaya bo motoindudui kon i-Nia.

SURAT I PAULUS KON JAMAAT RUM 12:3

Ki Allah in nobogoidon in totabi-Nea kon i-Nakó. Manangka intua utat mita akuoi in mononggina kon i monimu nanaa: Donaaibí in moiko morasa kon lebedon moḷantud nongkon kaadaanmu sabanarnea. Táe naa in aidai: mokopoompá kon raian bo nilaidon in kaadaan monimu tontaní. Nilai in kaadaan monimu tontaní podudui in komampuan inta inogoi i Allah kon inia, sin sia in mopirisaya kon i Yesus.

SURAT I PAULUS KON JAMAAT RUM 15:15

Táe kon soaḷ mita ibanea, ogoiankupa in tompoingat in moiko pongin surat tanaa, sin ki Allah ain noponotabi in oaidan tanaa kon inakó.

SURAT I PAULUS KON JAMAAT RUM 15:20

Kon ginaku naa in mopotaaubí in Habar Mopia nongkon i Allah kon tampat inta intaunea mita in diápa nokodongog kon soaḷ ki Kristus tua. Sin doíbí in akuoi moposindog in oaidan kon pondasi mita inta ain pinomia in intau ibanea.

KORINTUS 1 3:11

Tongábí ki Kristus in sinampat i Allah mobaḻí pondasi kon bangunan tatua, diábí in pondasi ibanea mako.

KORINTUS 1 9:2

Umpaka intau ibanea in diá mopirisaya kon akuoi in rasul, táe moiko in nopirisayabí. Sin buktinea moiko in nobaḻídon intau Keresten.

KORINTUS 2 10:15

Kami in diábí dumuí tontaní sin oaidan in intau ibanea inta ain noiḻimpat kon sigad inta ain sinantú i Allah kon i nami. Táe kami in tantú mogaid kon bonu in sigad inta ain sinantú i Allah kon i nami, bo kami tantú moharap mako kon bá umuran modugang in pirisaya monimu kon i Kristus. Sinbá kami in motaau mogaid kon oaidan inta moiḻiu kon oaidan mita tatua kon sigad monimu.

EPESUS 2:20

inta pinosindog kon tudu in pondasi inta inaidan in rasul mita bo nabi, bo ki Kristus Yesus in nobaḻí batu inta totok moponting.

KOLOSE 1:29

Sinbá koyaputanku intua, dá tuamai akuoi in moramuji totok in mogaid. Akuoi in moramuji takin bayongan ropot inta inogoi i Kristus kon inakó bo inta nongawasa doman kon inakó.

KOLOSE 4:17

Bo potaaudon kon i Arkhipus in naa, “Iḷapataidon kopiraan in oaidan inta pinoki aid i Tuhan kon inimu sin mobantung kon i Tuhan.”

TESALONIKA 1 3:2

pogoḷa-goḷatan in potabákupa mangoi kon i monimu in ki utat naton ki Timotius. Sia naa in mogogaid kon oaidan i Allah inta topogaidan nami nopoyaput in Habar Mopia soaḷ ki Kristus. Pinotabá nami in sia mamangoi kon i monimu sinbá motuḷung moginrigon kon gina monimu bo poḷat mononggina bá umuran in moiko mopirisaya kon i Kristus.

TIMOTIUS 1 4:16

Ḷukadai in awakmu bo ḷukadai doman in onu inta ain sinundúmu. Musti in iko mokopotoindudui kon tua komintan, sin aka tantúmu aidan intua komintan, yo mangaḻenea kon tua iko in moposaḷamat bidon in awakmu bo moposaḷamat doman kon intau mita inta moibog mokidongog kon inimu.

TIMOTIUS 2 2:15

Totok poramuji sinbá akuondon i Allah in iko saḷaku intau inta motaau pirisayaan-Nea mogaid kon oaidan-Nea. Poramujibí konbá diá mooyá in iko in mogaid kon oaidan tatua, táe tongádon kabaranian motundú bo mopotaau kon onu inta mobanar nongkon i Allah.

YAKOBUS 3:1

Utat mita! Dikabí mobayong in kon sigad monimu in moibog mobaḻí guru. Kinotaauanbí monimu kon kita inta mobaḻí guru in adilonbí moboga-bogat nongkon intau ibanea.

PETRUS 1 4:11

Intau inta mopoyaput in habar, sia mustibí mopoyaput in habar nongkon i Allah, intau inta mobantung kon intau ibanea, mustibí pakéonnea in ropot inta nongkon i Allah, sinbá kon bayongan in yagi-yagi ki Allah in dayowon pongin i Yesus Kristus. Sia tua in kitogi kamuliaan bo kawasa inta mononoi. Amin.

PETRUS 2 3:15

Baḻíbí in kososabar i Tuhan naton tua in tobatú kasampatan inta inogoi-Nea kon i naton sinbá kita komintan in posaḷamaton-Nea. Soaḷ tanaa ain pinais doman i Paulus ki utat naton kon i monimu. Tua in pinaisnea lantaran kabijaksanaan i Allah inta inogoi kon inia.

WAHYU 21:14

Dinding in kotá tatua in pinosindog kon tudu in batu mopuḷú bodoyowá. Bo batu mita tatua in sinoko paisan tangoi in rasul mopuḷú bodoyowá. Mosia tua in rasul mita i Adí in Domba tatua.

WAHYU 21:19

Pondasi in kotá tatua iḷambáan in noyagi-yagimai in batu permata. Batu in pondasi inta muna in inaidan nongkon batu permata baiduri pandan, inta induanea in nongkon batu nilam, intoḷunea nongkon batu yakut, inggopatnea nongkon batu zamrud,