KORINTUS 1 2:11 - Alkitab Singog In Mongondow Masa In Tanaa

¹¹ Sin inta nonotaau kon bonu in gina intau tatua in tongábí rohonea tontaní. Natua doman soaḷ ki Allah. Inta nonotaau kon bonu in gina i Allah tua in tongábí doman Roho i Allah tontaní!

KORINTUS 1 2:11 ပူးပေါင်းရင်းမြစ်များ

AYUB 15:8

Degá dinongogmu in ki Allah nomia kon tomayá-Nea? Degá tongá iko in oyúon pandoi in intau?

AMSAL 14:10

Ḷunganga andeka robonoḷ in gina in noinonombí kon bonu in dodob; intau ibanea in diábí moitakin mokorasa kon tua.

AMSAL 20:27

Gina in intau in nobaḻí bayag nongkon i Tuhan inta monimbayag kon bayongan in bonunea.

AMSAL 20:5

Bonu in gina in intau naonda bo tubig kon bonu in parigí inta modaḷom; táe kotayukanbí in intau inta mopandoi.

YEREMIA 17:9

Gina in intau diábí kodoḷopan, moiḻiu in licik nongkon bayongan yagi-yagi bo totuu mobogat in takitnea.

KORINTUS 1 12:8

Oyúon intau in nokouḻí kon totabi mosingog kon inta mopia, oyúon doman in nokouḻí kon totabi motundú kon soaḷ ki Allah.

KORINTUS 1 2:10

Táe komintan bidon pinotaau i Allah kon i naton pinotonsigad kon Roho-Nea. Bo Roho tatua doman in moindoi kon bayongan in yagi-yagi nodapot in tomayá mita i Allah inta nongoibuni.