KORINTUS 1 2:10 - Alkitab Singog In Mongondow Masa In Tanaa

¹⁰ Táe komintan bidon pinotaau i Allah kon i naton pinotonsigad kon Roho-Nea. Bo Roho tatua doman in moindoi kon bayongan in yagi-yagi nodapot in tomayá mita i Allah inta nongoibuni.

KORINTUS 1 2:10 ပူးပေါင်းရင်းမြစ်များ

AYUB 12:22

Sinimbayagan-Nea in tampat mita inta nodingungui; sinindaran-Nea in oḻinow mita inta morondí bo mosindip.

YESAYA 48:16

Angoidon diug kon i-Nakó bo indongogaidon, nongkon dungkuḷpabímai diábí bunion-Ku in tosingogon-Ku; onu in siningog-Ku umuranbí pototuu-Ku.” Tanaa in ki Tuhan Allah nopotabá kon inakó bo nobogoi kon inakó in kawasa-Nea tontaní.

YESAYA 59:21

Akuoi in momia kon dodandian takin i monimu: Moiko in ogoian-Ku in kawasa-Ku bo totundú-Ku modapot in mononoi. Tundúdon kon i adímu mita sinbá mosia in motaau doman motundú kon tua kon adí bo ompu tanaa mako modapot in mononoi.”

DANIEL 2:22

Siabí doman inta nobuká kon onu inta noibuni totok. Kinotaauan-Nea in bayongan inta nobaḻí kon bonu in sindip. Sia in binakut in sindar inta mobayag.

AMOS 3:7

Ki Tuhan Inta Totok in moḷantud in diábí kon dodai in onda in mogaid kon oaidan-Nea aka diápa muna moponiata in tomayá-Nea kon nabi mita, mogogundoi-Nea.

MATIUS 13:11

Ki Yesus notubag, “Moiko aindon inogoian in totabi monotaau kon rahasia kon naonda in ki Allah momarenta, táe mosia tua in diábí.

MATIUS 16:17

Dá ki Yesus in noguman kon inia, “Pia in kamang iko Simon inta buí i Yunus, sin deemanbí intau in noguman kon singog tatua kon inimu, táe ki Amámubí inta kon soroga.

LUKAS 10:21

Kon wakutu intua doman, noḷungangadon in gina i Yesus, sin kinawasa in Roho i Allah. Ki Yesus in nosingog nanaa, “Akuoi in mosukur kon ini-Mu Amá, Tuhan in ḷangit bo butá sin bayongan intua aindon binuni-Mu kon intau mita inta mopandoi bo mobijaksana, táe aindon pinoontong-Mu kon intau mita inta nongobodok. Tuabí in kinoibog i Amá.

LUKAS 2:26

Roho i Allah ain noguman muna kon inia kon sia in diápabí matoi aka diápa mokoontong kon Datu Mopoposaḷamat inta pinodandi i Tuhan.

YOHANES 14:26

Táe Roho i Allah, Mototuḷung inta bain potabá i Amá podoyon kon tangoi-Ku. Siadon tua in motundú kon i monimu kon bayongan rupa-rupa bo moponorop bui kon i monimu kon bayongan inta ain pinotaau-Ku kon i monimu.

YOHANES 16:13

Táe aka Roho tatua mamangoi, ki Inta moponiata in kobobanar soaḷ ki Allah, yo diaan-Neabí in moiko bo tundúon monotaau kon bayongan kobobanar tatua. Sin Sia in diábí mosingog podudui in ibog-Nea tontaní, táe mogumanbí kon onu in dinongog-Nea, bo poguman-Neabí kon inimu onu in mobaḻí kon singgai moiduduimai.

KORINTUS 1 14:30

Táe aka koyogot in mosingog bo oyúon in noiḷabotmai kon intau inta mopoyaput in habar i Allah kon tampat pinoyodungkuḷan tatua, yo intau inta koyogot mosingog tatua, musti mogogai.

KORINTUS 1 2:11

Sin inta nonotaau kon bonu in gina intau tatua in tongábí rohonea tontaní. Natua doman soaḷ ki Allah. Inta nonotaau kon bonu in gina i Allah tua in tongábí doman Roho i Allah tontaní!

GALATIA 1:12

Sin tua in deemanbí inogoi in intau kon inakó, bo deemanbí doman intau in notundú kon inakó, táe tua in nouḻíku sin ki Yesusbí tontaní in nobogoi kon inakó.

EPESUS 3:3

Ain pinoguman i Allah in tomayá-Nea inta binuni-Nea tua bo ain pinotaau-Nea kon i nakó. (Soaḷ tanaa in pinaiskudon kino poḷok kon ḻimonik,

EPESUS 3:5

Koḻipod, onu inta noibuni tatua diá kon dodai in onda in pinotaau kon intau, táe tanaa, ain pinoniata in Roho i Allah kon rasul mita bo kon nabi-Nea mita.

TIMOTIUS 1 4:1

Roho i Allah in muna bidon noguman nanaa: Kon singgai mita inta moiduduimai, oyúon in intau mobaḷuidon in pirisaya monia kon i Kristus. Mosia in dumuduidon kon dimukud mita inta tongá mopororigamai bo poḷat doman dumudui kon totundú mita in dimukud moraat tatua,

PETRUS 1 1:12

Ki Allah ain noguman kon nabi mita tatua, kon onu in pinomia monia tatua, deemanbí inaidan monia sin kopontingan monia tontaní, táe kopontinganbí monimu, tua in soaḷ mita inta tanaa mako ain dinongog monimu notarang nongkon intau mita inta nopoyaput in Habar Mopia soaḷ ki Yesus Kristus. Mosia in nopoyaput intua komintan kon i monimu takin kawasa in Roho i Allah inta pinotabá-Nea mangoi nongkon soroga. Bo umpakabí malaekat mita yo moibogbí doman totok monotaau kon habar inta pinoyaput monia tua.

YOHANES 1 2:20

Táe moiko in notarimadon kon Roho i Allah inta ain inogoi i Yesus Kristus, manangka intua moiko in nonotaaudon kon totundú mita inta nobanar.

YOHANES 1 2:27

Táe aka soaḷ moiko nion ain bidon inogoian i Kristus in Roho-Nea. Bo kon dodai in Roho tatua mongawasapa kon i monimu, diá bidon paraḷu in intau ibanea in motundú kon i monimu, sin Roho bidon tatua in motundú kon bayongan yagi-yagi kon i monimu. Bo onu in tundúon-Nea totuubí intua deemanbí tongá uboḷ. Tuamai tantúdon dudui kon onu inta ain sinundú-Nea tua kon i monimu bo umurandon kobiag motobatú takin i Kristus.

WAHYU 1:1

Buk tanaa in nongonguman kon onu inta pinoontong i Yesus Kristus soaḷ mita inta mobaḻí. Pinotaau i Allah kon i Kristus, sinbá potaau i Kristus kon intau mita inta nogaid kon oaidan i Allah in onu inta diádon moonggot bo mobaḻí. Ki Kristus nopotabádon in malaekat-Nea namangoi kon i Yohanes, intau inta mogogaid kon oaidan-Nea, sin mopotaau kon inia in bayongan soaḷ inta mobaḻí tua.

WAHYU 2:24

Táe moiko inta ibanea mako kon Tiatira inta diá dinumudui kon totundú inta moraat tatua, bo diá doman nobalajar kon pongotahuan mita in Ibilis, naa in poguman-Ku, diábí dugangan-Ku insibuḷan in tanggungan monimu.