KORINTUS 1 16:8 - Alkitab Singog In Mongondow Masa In Tanaa

⁸ Táe akuoi in mogutunpa kon Epesus modapot kon singgai Moḷoben Pentakosta.

KORINTUS 1 16:8 ပူးပေါင်းရင်းမြစ်များ

IḶUAIAN 23:16

Aidai domandon in Pesta Posipunan kon Boyó kon dodai in moiko momangkoidon monoinut kon bungai in boyó dungkuḷ kon gobámu. Aidai doman in Pesta Pondok Daun kon buit in taong kon dodai in moiko mosipun kon boyó in anggur bo ayop mita.

OUMAN IN RASUL MITA 18:19

Naonda in noiyaputdon kon Epesus, sinaḷáanmaidon i Paulus in ki Priskila bo ki Akwila, bo sinumuot in baḷoi pososambayangan mososiritaanmai in intau mita in Yahudi kon tua.

OUMAN IN RASUL MITA 18:21

Táe umpaka natua, wakutu in mobuatdon, sia in noguman kon i monia, “Aka umuranpa totabion i Allah dá moiangoibí bui kon naa in akuoi.” Naonda in noguman mako kon natua, minayádon in sia nongkon Epesus.

OUMAN IN RASUL MITA 19:1

Wakutu in ki Apolos kon Korintuspa, ki Paulus in koyogot domandon minaya-mayá mako in ḻipu-ḻipúannea inta totok nongoyayú kon daerah tatua bo sia in noiyaputdon kon Epesus. Kon tua noyodungkuḷ in sia in tongonumai intau inta nopirisayadon kon i Yesus.

OUMAN IN RASUL MITA 2:1

Naonda in singgai Pentakosta, inta singgai iḻima nopuḷú nongkon kino bingkatan i Yesus, bayongan in intau mopirisaya in noyosipun kon tampat tobatú.

OUMAN IN RASUL MITA 20:16

Ki Paulus nogamádon kon kaputusan kon diádon mongandup kon Epesus, sinbá diá tongá moḷumbú kon wakutu. Sin sia in ḻimikat sinbá ḷagidon modapot in Yerusalem kon singgai moḷoben porayaan kon singgai Pentakosta.

KORINTUS 1 15:32

Aka tongá pongin raian in intau, yo onubí in kauntungan kon inakó in moberjuang totok naonda bo monayow kon mahaḷuk mita inta mongoromú kon kotá in Epesus tanaa? Aka totuu kon intau minatoi diá biagon bui, yo maníka dumudui in kita kon ná kain singog in intau nanaa: “Koḻigai mongaan bo monginum poḷat mobarasanang in kita sin ikoḷom in tatap matoibí doman.”