KORINTUS 1 16:7 - Alkitab Singog In Mongondow Masa In Tanaa

⁷ Akuoi in doíbí mokipodungkuḷ kon i monimu tongá sakadar mongandup mako natua. Aka ogoian i Tuhan in kasampatan, yo mogutunpabí moḻin onggot in akuoi takin i monimu.

KORINTUS 1 16:7 ပူးပေါင်းရင်းမြစ်များ

AMSAL 19:21

Intau mobayong in tomayá, táe tongábí onu in sinantú i Tuhan in mobaḻí.

YEREMIA 10:23

Tuhan, kinotaauanku kon diábí tobatúmai in intau in mokawasa monantú kon ukurnea andeka monantú kon daḷan kobiagannea.

MATIUS 3:15

Táe ki Yesus in notubag: “Pomayádon mako, diábí nongonu, sin natuabí in kita aka mogintompod kon bayongan inta kinoibog i Allah.” Dá binaptis domandon i Yohanes in Sia.

OUMAN IN RASUL MITA 18:21

Táe umpaka natua, wakutu in mobuatdon, sia in noguman kon i monia, “Aka umuranpa totabion i Allah dá moiangoibí bui kon naa in akuoi.” Naonda in noguman mako kon natua, minayádon in sia nongkon Epesus.

SURAT I PAULUS KON JAMAAT RUM 1:10

Poigumonkupa doman mako kon i Allah sinbá ogoian-Neapa in kasampatan tanaa mako in akuoi mokipodungkuḷ kon i monimu.

KORINTUS 1 4:19

Aka diá in ḷabot yo diá bidon moonggot in akuoi bo bui mamangoi mokipodungkuḷ kon i monimu. Bain kon wakutu intua bo indoianku mongo onu in motaau aidan in intau inta mongododia tatua; deemanbí tongá kon bibig monia.

KORINTUS 2 1:15

Popisí in koyakinanku tatua, dá oyúon tomayáku mamangoi mokipodungkuḷ kon i monimu tungkuḷ intua, sinbá modugang moantó in barakat in mouḻí monimu.

YAKOBUS 4:15

Mustibí nanaa in singogon monimu: “Aka ogoi i Tuhan mobiag in kami dá mogaid in kami kon naa ande kon tua.”