KORINTUS 1 16:6 - Alkitab Singog In Mongondow Masa In Tanaa

⁶ Moyotaḷá mako kon Korintus akuoi in mogutunpa moḻin onggot takin monimu, degá kon dodai in sempo in tumping. Onda intua akuoi mokituḷungpa kon i monimu mongingguput kon bobayáanku.

KORINTUS 1 16:6 ပူးပေါင်းရင်းမြစ်များ

OUMAN IN RASUL MITA 15:3

Dá inatod in jamaat mita kon Antiokhia in mosia nodapot kon ḷuai in kotá, onda intua minayá nongin Penisia bo Samaria in mosia. Kon tua mosia in nongonguman kon soaḷ kon naonda sahingga intau mita inta deeman Yahudi nobaḻí nopirisaya kon i Allah. Habar tatua in totok nokosanang kon gina in intau mita mopirisaya kon tua.

OUMAN IN RASUL MITA 17:15

Naonda in ki Paulus inatodon dapot kon Atena, utat mita inta norogatod tatua in nobuidon kon Berea takin nodia kon koyow i Paulus sinbá ki Silas bo ki Timotius in musti ḷagi momatuk kon inia.

OUMAN IN RASUL MITA 20:38

Nokuyang totok in gina monia sin mosia ain nokodongog kon singog i Paulus kon diá bidon bui moyodungkuḷnea in mosia komintan. Bo inatodon monia in sia nodapot in kapaḷ inta takoiannea.

OUMAN IN RASUL MITA 21:5

Táe naonda in nodaitdon in wakutu nami kon tua, minayádon in kami nongkon tua bo nongingguputdon kon bobayáan nami. Intau mita inta mopirisaya takin buḷoi bo adí monia nogatod kon inami nodapot kon ḷuai in kotá. Noidapotmai kon bingkí in pintad, kami in sinumungkud bo nosambayang.

OUMAN IN RASUL MITA 27:12

Totubuan kapaḷ tatua in diá doman mopia pongandupan kon sempo in tumping. Tuamai in moantó in intau kon kapaḷ tatua in noguman kai monia in maníka bo diá mongandup bo momakisadon mayá modapot in Peniks bo kon tuapa in kon dodai in sempo in tumping naa. Peniks tua in totubuan kapaḷ kon Kreta inta noitayow in toyopan barat daya bo barat laut.

OUMAN IN RASUL MITA 28:11

Naonda in toḷudon nobuḷan kon tua, kami in nonaḷámaidon kon pulau tatua. Kami in sinumakoi kon kapaḷ nongkon Aleksandria inta sinumubu kon tua kon dodai in sempo in tumping. Kapaḷ tatua in nomaké in lambang Dioskuri, mangaḻenea: “Dewa apang ki Kastor bo ki Poluks.”

SURAT I PAULUS KON JAMAAT RUM 15:24

Igumonku mako aka kon binayáanku mopobayá in Spanyol, yo moiandupa in akuoi kon tampat monimu bá moyodungkuḷpa in kita takin pia in gina umpaka diá moonggot. Mopaḷut mako kon tua haraponku moiko in motaaupa motuḷung kon inakó mongingguput kon bobayáanku mopobayá in Spanyol.

KORINTUS 1 16:11

Ḷukadai sinbá diá in kon sigad monimu in mopoompámai kon inia. Bo tuḷungai in sia sinbá motaaupa bui mamangoi kon inakó takin mosaḷamat, sin akuoi in mogoḷat mako kon koangoiannea takin i utat mita naton ibanea.

KORINTUS 2 1:16

Tomayáku tua in kon dodai akuoi mayá in Makedonia yo mongandupa muna in akuoi kon i monimu, ná doman tua in aka mobuidon. Sinbá motaaupa in akuoi mokituḷung kon i monimu, aka akuoi mayá in Yudea.

TITUS 3:12

Ḷagi naonda in potabákudon mangoi kon inimu in ki Artemas ande ki Tikhikus, yo poramujidon in iko mamangoi kon inakó kon Nikopolis, sin tomayáku in mogutunpa kon tua kon dodai in sempo in tumping naa.