KORINTUS 1 15:54 - Alkitab Singog In Mongondow Masa In Tanaa

⁵⁴ Aka awak inta mato-matoi naa binaḷuiandon in awak inta diá mato-matoi, bo awak inta nongkon dunia naa baḷuiandon in awak inta nongkon soroga, dá kon wakutu in tatuatadon bo mobaḻí in onu inta pinais kon bonu in Buk Motusi nanaa, “Popatoi ain sinaḷow, kauntungan in nouḻídon!”

KORINTUS 1 15:54 ပူးပေါင်းရင်းမြစ်များ

YESAYA 25:8

Ki Tuhan Inta Totok in mokawasa in monginggamábí kon popatoi modapot in mononoi! Sia in momopatbí kon ḷuá nongkon bayongan in pogot, bo mopoyayú in kohohina inta binaba in umat-Nea kon sinangkub in butá. Ki Tuhan ain nosingog, bo tua in notantúbí kon mobaḻí.

LUKAS 20:36

Sin kaadaan monia tua in naonda bidon bo malaekat inta diá bidon mato-matoi. Mosia tua inta sinangoian ki adí mita i Allah sin aindon biniag bui nongkon kinopatoian monia.

SURAT I PAULUS KON JAMAAT RUM 1:23

Deemanbí ki Allah inta mononoi in sumbáan monia, táe patongbí inta ná batangan in mahaḷuk mita inta mato-matoipabí; umpamanea: intau, ḷagapan, mahaḷuk mita inta opat in sioḷnea, bo mahaḷuk mita inta ḷumandai in mayá.

SURAT I PAULUS KON JAMAAT RUM 2:7

Bo ki Allah in mobogoibí in kobiagan mopia bo mononoi kon i monia inta umuran mogaid kon inta mopia, kon i monia inta motayak kon inta momulia, inta motayak kon kahoromatan bo inta motayak kon inta mononoi.

SURAT I PAULUS KON JAMAAT RUM 6:12

Dika pomayá mako in kobiaganmu inta diá mononoi kon dunia naa in kawasaan dosa, sinbá diádon iko dumudui kon ibognea inta moraat.

SURAT I PAULUS KON JAMAAT RUM 8:11

Bo aka Roho i Allah inta ain nomiag bui kon i Kristus nongkon kinopatoian, bo nobiagdon kon ginamu, dá Sia inta ain nomiag bui kon i Kristus tua nongkon kinopatoian tatua, in momiagbí doman kon awakmu inta diá mononoi nion. Sia in mogaid kon tua takin Roho-Nea inta nobiag kon bonu in gina monimu.

KORINTUS 2 4:11

Kon wakutu in mobiagpa, kami in umuran noyogintayow in popatoi sin nopotaau in habar soaḷ ki Yesus Kristus, sinbá kobobiag i Yesus moniata doman kon awak inta diá mononoi naa.

KORINTUS 2 5:4

Sin wakutu in kon baḷoipa ilo-ilow naa, kita tantú mogamui sin mobogat totok in roriga inta moiantug. Deemanbí igu-igumon mako kon bá matoidon in awak naton ilo-ilow naa, táe lantaranbí moibogdon mokorasa kon kobiagan inta kon soroga tua, sinbá kobiagandon in mongawasa kon awak naton inta ilo-ilow naa.

TESALONIKA 2 1:10

tua komintan in mobaḻí kon singgai koangoian-Nea kon wakutu in poḷantudon in umat-Nea in Sia bo horomaton in bayongan intau inta mopirisaya kon i-Nia. Moiko nion in moyotakinbí doman in umat mita i Allah tatua sin moiko in nopirisaya kon habar inta pinoyaput nami kon i monimu.

WAHYU 20:14

Onda intua popatoi bo dunianea in pinogambat kon bonu in dagat in tuḷu. (Dagat in tuḷu tanaa in kopatoian inta induanea.)

WAHYU 21:4

Paḻitandon i Allah in bayongan ḷuá kon mata monia. Diá bidon in popatoi. Diá bidon in mokoajar kon gina. Amui ande ombaḷ onu inta mokonakitpa kon gina in diá bidon. Soaḷ mita inta nokoyongandon ain noinggamá.”