KORINTUS 1 15:4 - Alkitab Singog In Mongondow Masa In Tanaa

⁴ Sia ain iḷobong, táe onda intua biniag bui kon singgai intoḷunea. Natua doman in pinais kon bonu in Buk Motusi.

KORINTUS 1 15:4 ပူးပေါင်းရင်းမြစ်များ

MAZMUR 16:8

Akuoi in umuranbí mokotorop kon i Tuhan; Sia in oyúonbí kon diugku, dá diá in akuoi modandú.

MAZMUR 2:7

Guman i datu, “Akuoi in moibog mopotaau in onu inta ain sinantú i Tuhan. Guman-Nea kon inakó, ‘Iko in ki adí-Ku ḷoḷaki, singgai in naa Akuoi in nobaḻí ki Amámu.

HOSEA 6:2

Kon bonu in doyowa andeka toḷu nosinggai naa Sia in monompiabí kon i naton, bo kita in mobiagbí kon siungon-Nea.

YUNUS 1:17

Bo kon dodai intua ki Tuhan nopoangoi in toyá moḷoben tobatú inta noḻiom kon i Yunus. Dá ki Yunus in kon bonudon in sian in toyá tatua toḷu nosinggai bo toḷu nogobii in koonggotnea.

MATIUS 12:40

Sin naonda in ki Yunus toḷu nosinggai bo toḷu nogobii kon bonu in sian in toyá, yo natua doman in ki Adí Intau in mogutun kon gantog in butá toḷu nosinggai bo toḷu nogobii.

MATIUS 16:21

Pinangkoidon kon tungkuḷ intua, ki Yesus nopotaau kon murí-Nea mita, kon Sia in musti mayá in Yerusalem bo motarima kon mobayong in roriga inta popoaid in guhanga mita in ḻipú, imang mita itoi bo mototundú mita kon agama. Bain tua bodongka ḻimodon monia, táe kon singgai intoḷunea mobiag bui in Sia.

MATIUS 20:19

moiduduimai kon tua mosia moposarakan kon i-Nia kon intau mita inta diá nonotaau kon i Allah. Sinbá poyambáan monia in Sia, rorigaan, bodongka popopakú kon kayu pinoyotaḻempang. Táe kon singgai intoḷunea biagondon bui in Sia.”

MARKUS 9:31

sin koyogot in Sia motundú kon murí-Nea mita. Sia in noguman, “Adí Intau posarakan kon bonu in kawasa in intau, bo ḻimodon in Sia, táe kon singgai intoḷunea Sia in bui mobiag!”

LUKAS 24:26

Degá diábí kinotaauan monimu kon Datu Mopoposaḷamat in mustibí muna mokorasa kon roriga sinbá mokouḻí kon kamuliaan-Nea?”

LUKAS 24:46

Bo Sia in noguman kon i monia, “Kon bonu in Buk Motusi pinais nanaa: Datu Mopoposaḷamat in musti mokorasa kon roriga, bo musti mobiag bui nongkon kinopatoian-Nea kon singgai intoḷunea.

LUKAS 9:22

Bo ki Yesus in noguman doman nanaa, “Ki Adí Intau mustibí motarima kon roriga mobayong, bo Sia in bayowan in itoi mita in ḻipu, imang mita itoi bo mototundú mita kon agama bo ḻimodon, táe kon singgai intoḷunea biagon bui.”

YOHANES 19:38

Noiduduimai kon tua, ki Yusup inta nongkon Arimatea nopoigum kon i Pilatus mogamá kon mayat i Yesus. (Ki Yusup naa in dumodudui Yesus, táe tongá umado-adop sin moondok kon intau mita Yahudi.) Inogoi i Pilatus in onu inta pinoigumnea tatua, dá binayáneadon pinopoponag in mayat i Yesus tatua.

OUMAN IN RASUL MITA 1:3

Naonda in Sia buidon nobiag nongkon kinopatoian-Nea, opat nopuḷú nosinggai Sia nopoontong in oaidan-Nea kon rasul mita sinbá moniata kon i monia kon Sia tua in totu-totuubí nobiag. Mosia in nokoontong kon i-Nia, bo Sia in nongonguman kon i monia kon naonda in ki Allah momarenta saḷaku Datu.

OUMAN IN RASUL MITA 17:31

Sin ain bidon sinantú-Nea in wakutu pongadilan kon bayongan intau kon dunia naa. Oaidan tatua aidan in tobatú intau inta ain piniḻí i Allah tontaní. Bo bá totu-totuu mopirisaya in bayongan intau kon soaḷ tatua, dá biniag bui i Allah in Sia nongkon kinopatoian-Nea!”

SURAT I PAULUS KON JAMAAT RUM 6:4

Wakutu in kita binaptis, kita in iḷobongdon takin i Kristus bo minatoidon noyotakin-Nea, sinbá ná doman ki Kristus inta ain biniag nongkon kinopatoian-Nea takin kamuliaan i Amá, yo natua doman in kita mokoalami doman kon kobiagan mobagu.

KOLOSE 2:12

Sin kon wakutu in moiko binaptis, moiko in iḷobongdon noyotakin i Kristus; bo takin doman baptisan tatua, moiko in noitakin doman biagon bui moyotakin i Kristus popisí in moiko mopirisaya kon kawasa i Allah inta ain nomiag kon i Kristus nongkon kinopatoian.

IBRANI 13:20

Ki Allah in nomiagdon bui kon i Yesus Kristus Tuhan naton nongkon kinopatoian-Nea. Popisíbí in popatoi-Nea tatua, dá masai naa Sia in nobaḻídon Gombala Momulia kon i naton inta domba-Nea mita. Kinopatoian-Nea tatua in noposah bidon kon dodandian mononoi inta inaidan i Allah takin inaton.

PETRUS 1 1:11

Mosia in nonaridi mongo naonda bo toonu in kobaḻían intua, inta imakusud in Roho i Kristus tua in onubí inta oyúon kon awak monia. Kon wakutu intua Roho-Nea ain noguman muna kon i monia soaḷ roriga mita inta musti korasaan i Kristus bo soaḷ kamuliaan-Nea inta moiduduimai onda intua mopaḷut.