KORINTUS 1 13:8 - Alkitab Singog In Mongondow Masa In Tanaa

⁸ Diábí in wakutu kon diá mositabian. Sin masa in tanaa oyúon in intau mopandoi mopoyaput in habar nongkon i Allah, táe koonggotannea mogogai in sia. Masa in tanaa oyúon doman intau mopandoi in mosingog kon bonu in bahasa inta mokoherang, táe koonggotannea mogogai domandon in sia. Masa in tanaa nobarong doman intau in nonotaau kon bayongan yagi-yagi, táe koonggotannea yo koḻionganneabí intua komintan.

KORINTUS 1 13:8 ပူးပေါင်းရင်းမြစ်များ

YEREMIA 49:7

Naa in pinoguman i Tuhan Inta Totok in mokawasa soaḷ Edom, “Eta degá intau in Edom diá motaau morai mokopobijaksana? Eta mononongginanea diádon degá nononggina kon i monia? Noinggamádon degá in kobobijaksana monia!

LUKAS 22:32

Táe iko Simon, aindon sinambayangan-Ku, sinbá motantú in pirisayamu. Bo aka iko mobuidon mangoi kon i-Nakó, yo mustimubí doman iropotanmu in gina in bayongan ginaḷummu.”

OUMAN IN RASUL MITA 13:1

Wakutu intua kon jamaat in Antiokhia oyúon in tongonumai in nabi bo guru, naa in tangoi monia tua: Ki Barnabas, ki Simeon inta dinonoi ki Niger, ki Lukius intau in Kirene, ki Menahem inta noyobiag i Datu Herodes, bo ki Saulus.

OUMAN IN RASUL MITA 19:6

Nopaḷut mako kon tua binarakatandon i Paulus in intau mita tatua, bo Roho i Allah in nongawasadon kon i monia, dá mulaidon in mosia nongonguman kon bonu in bahasa inta mokoherang bo nopotaau in habar mita nongkon i Allah.

OUMAN IN RASUL MITA 2:4

Mosia tua in komintandon kinawasa in Roho i Allah. Dá nomangkoidon in mosia nosingog nomaké in bahasa in intau ibanea. Mosia in nosingog podudui in singog inta inogoi in Roho i Allah singogon.

KORINTUS 1 12:10

Intau tobatú inogoian totabi mogaid kon soaḷ mita inta mokoherang, yo ibanea inogoian in totabi mopotaau in tomayá mita i Allah. Bo ibanea doman inogoian in komampuan motaau mopoyoposi onda in totabi inta nongkon Roho i Allah bo onda in deeman. Oyúon inogoian in komampuan mosingog kon bonu in bahasa inta mokoherang, bo oyúon doman inogoian in komampuan moginsilang kon mangaḻe in singog mita tatua.

KORINTUS 1 13:10

Oyúonbí in wakutu i Allah moposompurna kon tua komintan, bo inta diá nosompurna tua in modait bidon moinggamá.

KORINTUS 1 13:13

Dá toḷu tanaa in musti tantú aidan monimu: mopirisaya, umuran moharap bo tantú mositabian. Bo nongkon toḷu nopasaḷ tanaa totabianbí kon tumpaḷa intau in totok moponting.

KORINTUS 1 14:39

Tuamai uḻe utatku mita, poramuji mopoyaput in habar nongkon i Allah, bo dika molarang kon intau inta mosingog kon bonu in bahasa inta mokoherang.

KORINTUS 1 8:2

Intau inta monganggap kon nobayongdon in kinotaauannea, sabanarnea in diábí nonotaau totok in sia.

GALATIA 5:6

Sin aka kita bo ain notobatú takin i Kristus Yesus, yo soaḷ sunaton ande diá sunaton, diábí mobaḻí soaḷ kon i naton. Sin totok moponting in pirisayabí kon i Kristus bo tua in moniata kon tabi naton kon tumpaḷa intau.

IBRANI 8:13

Naonda in pinomiadon in dodandian nobagu tua, dá binaḻídon i Allah nokoyongan bo noitontumi in dodandian inta muna; bo onu inta noonggot tua in ḷagidon moyoyang.