KORINTUS 1 13:3 - Alkitab Singog In Mongondow Masa In Tanaa

³ Bo umpaka daitonku ogoi kon intau nobogá in kapunyaanku, modapot posarakanku doman in awakku sin tubáan, táe aka diá in tabiku kon tumpaḷa intau, yo tua komintan beresibí diá in baragunanea.

KORINTUS 1 13:3 ပူးပေါင်းရင်းမြစ်များ

YESAYA 57:12

Táe Akuoi in mopotaau kon inimu; kotoḷutuimu tatua in diábí totuu, bo bayongan in aidmu tatua in diábí in baragunanea kon inimu.

YEREMIA 7:8

Táe, totuu kon diábí in mangaḻenea in moiko in mopirisaya kon singog mita uboḷ.

MATIUS 23:5

Onu inta inaidan monia in tangábí popoontong kon intau. Mosia in momaké in tali moḷoben inta pakéonmai mosambayang bo inta rumbainea mongoḷanggó mita!

LUKAS 18:22

Nokodongogmai kon tua in ki Yesus, noguman in Sia nanaa, “Tobatúpa in musti aidanmu: Potaḷuidon in bayongan kapunyaanmu bodongka sila-silaidon mako in doit tatua kon intau mita bogá, dá mokouḻíbí in iko kon kapunyaan kon soroga. Mopaḷut mako kon tua angoi bo duduidon kon i-Nakó.”

LUKAS 18:28

Dá ki Petrus in noguman, “Pak Guru, indoiaika in kami! Kami naa aindon nonaḷámai kon bayongan yagi-yagi kapunyaan nami bo dinumudui kon i Pak Guru, yo onu in mouḻí nami.”

LUKAS 19:8

Kon baḷoinea tatua, ki Zakheus sinimindog bo noguman kon i Tuhan, “Tuhan, kapunyaanku tobotak ogoikudon kon intau mita bogá bo aka oyúon doman in intau inta pernadon inuboḷanku, yo pobuionkudon bui kon inia koopat noguntuḷ in kobayongnea!”

YOHANES 12:43

Sin mosia in moibo-ibogbí in kahoromatan intau dika in kahoromatan i Allah.

YOHANES 13:37

Dá kai Petrus doman, “Tuhan nongonu sin diábí motaau akuoi in dumudui in tanaa mako? Morelabí in akuoi in matoi sin kopontingan i Tuhan!”

YOHANES 15:13

Intau inta totok in motabi kon yobayatnea mita in intaubí inta nobogoi in kobiagannea sin kopontingan monia.

YOHANES 6:63

Rohobí i Allah in nobogoi in kobiagan kon intau. Ropot in intau naa diá baragunanea. Singog mita inta pinosingog-Ku kon i monimu naa in singogbí mita in Roho i Allah bo singogbí inta mobogoi in kobiagan.

OUMAN IN RASUL MITA 21:13

Táe ki Paulus in noguman kon i monia, “Nongonu sin mongombaḷbí in moiko naníon, bá kotaauan monimu kon ombaḷ monimu nion totokbí in mokororiga kon ginaku! Akuoi in diá bidon moondok, deemanbí tongá togoton, umpakabí modapot in matoi kon Yerusalem sin mopotaau in Habar Mopia nongkon i Tuhan.”

GALATIA 5:26

Bo donaaibí in kita kumaḷakuang, mosi posakian kon gina, bo mosi intoian.

PILIPI 2:3

Dika motayak kon kauntungan tontaní andeka dumodia kon intau. Táe pokopoompábí kon dodia bo anggapdon kon intau ibaneabí in mopia-pia nongkon inaton.

TIMOTIUS 1 4:8

Latihan in awak naa in tongábí topiḻik in baragunanea, táe aka molatih moibada yo moibaragunabí kon bayongan in yagi-yagi, sin oyúon in dandi kon kobiagan tanaa mako bo kobiagan kon singgai moiduduimai.

IBRANI 13:9

Dika moibog in moiko poyayingon in totundú mita inta mokoherang kon i monimu. Gina naton naa in musti irigonan in totabi i Allah, tuabí in mopia, deemanbí atorang mita soaḷ kokaanon. Intau mita inta tungkuḷ intua dinumudui kon atorang mita tatua in diá nokouḻí kon mangaḻenea.