KORINTUS 1 12:7 - Alkitab Singog In Mongondow Masa In Tanaa

⁷ Tongá pomuḷoi in intau inogoian bidon i Tuhan in totabi sin pakéon moyotakin.

KORINTUS 1 12:7 ပူးပေါင်းရင်းမြစ်များ

IḶUAIAN 28:3

Oinídon in bayongan mododagum inta ain inogoian-Ku in pandoi. Pokiaidaidon in mosia in pakeang i Harun sinbá motaaudon in sia tondíon-Ku tongá mogaid kon oaidan-Ku mobaḻí imang.

KORINTUS 1 12:12

Ki Kristus tua in ná bí onda bo awak in intau; awak naa in tongábí tobatú, táe nobarong in anggotanea. Táe umpakabí nobarong in anggota in awak tua, táe tongoawakanbí monag.

KORINTUS 1 14:12

Natua doman in moiko, kinotaauankubí kon moiko in moibogbí doman moramuji motayak kon totabi mita nongkon Roho i Allah. Tongá mopia totok aka moiko moramuji doman mopobaraguna in totabi mita tatua sin pobangon kon jamaat sinbá mobiag.

KORINTUS 1 14:17

Sin umpakabí mopia totok in sambayang pinosukurmu kon i Tuhan, táe kon intau ibanea diá in mangaḻe in sambayangmu tatua.

KORINTUS 1 14:19

Táe aka wakutu in jamaat moyosipun mosumba kon i Tuhan, mosana-sanangbí in ginaku in mopoyaput in ḻima notontagá inta komangaḻean in intau dika in moantó in singog inta kon bonu in bahasa mokoherang táe diá komangaḻean in intau. Tuabí in totok kinoibogku sinbá motaau in akuoi motundú kon intau.

KORINTUS 1 14:5

Mopiabí doman in ginaku aka moiko in motaau moposingog in bahasa inta mokoherang. Táe mopia-piabí kon motaau mopoyaput in habar nongkon i Allah. Sin intaubí inta motaau mopoyaput in habar nongkon i Allah in moponti-ponting nongkon intau inta nonotaau kon bahasa inta mokoherang; koḻikudbí in aka kotaauannea in mangaḻe in bahasa tatua, sahingga in komangaḻean doman in jamaat intua bo modugang morigon in pirisaya monia.