KORINTUS 1 12:3 - Alkitab Singog In Mongondow Masa In Tanaa

³ Manangka intua mustibí kotaauan monimu kon intau inta kinawasadon in Roho i Allah in diábí motaau mosingog, “Binaḷa-baḷa in ki Yesus!” Ná doman tua, diábí doman in tobatúmai intau in moguman, “Ki Yesus tua in Tuhanbí!” aka intau tatua bo diá kinawasa in Roho i Allah.

KORINTUS 1 12:3 ပူးပေါင်းရင်းမြစ်များ

MAZMUR 109:20

Tuhan, popoḷabúdon in hukuman kon i inta mopoponapud kon inakó, kon intau inta moguman kon uboḷ soaḷ akuoi.

MATIUS 22:43

Dá Sia in noguman, “Aka natua, yo nongonu sin ki Daud inta kinawasaan in Roho i Allah monangoi kon i-Nia, ‘Ki Tuangnea,’ kon wakutu in sia nosingog,

MARKUS 9:39

Táe guman i Yesus, “Donaai molarang kon inia, sin diábí in tobatúmai intau inta nogaid kon mokoherang inta pinodoyon kon tangoi-Ku, bo baḷú in sia moporaa-raatmai kon i-Nakó.

YOHANES 13:13

Moiko in mogoiní kon i-Nakó Guru bo Tuhan. Bo Noitutuibí intua, sin totuu kon Akuoi in Gurubí bo Tuhan.

YOHANES 13:14

Dá aka Akuoi inta Guru bo Tuhanmu nondaritdon kon sioḷ monimu, yo moiko in mustibí doman mosidaritan kon sioḷ.

YOHANES 15:26

Potabá-Kubí mangoi kon i monimu in Mototuḷung tobatú inta nongkon i Amá. Tuata in Roho inta moponiata kon kobobanar soaḷ ki Allah. Aka Sia in mamangoidon, yo Sia in mobogoibí in kosakusian soaḷ Akuoi.

OUMAN IN RASUL MITA 8:37

Dá kai Pilipus doman, “Aka ki Tuang bo totu-totuudon mopirisaya, yo diábí doman nongonu.” “Mopirisayadon in akuoi kon ki Yesus Kristus tua in ki Adíbí i Allah,” tua in tubag in pogawai tatua kon i Pilipus.]

SURAT I PAULUS KON JAMAAT RUM 10:9

Sin aka akúon in bibig monimu kon: “Ki Yesus tua in Tuhan”. bo ginamu in mopirisaya kon ki Allah ain nomiag bui kon i Yesus, dá iko in mosaḷamatbí.

SURAT I PAULUS KON JAMAAT RUM 9:3

sin moiko in intau mita tobangusaku. Bo popisí in moiko dá morelabí in akuoi in kutukon i Allah bo poyoguaton nongkon i Kristus.

KORINTUS 1 16:22

Intau inta diá motabi kon i Tuhan, pomayádon mako baḷáan! Maranatha – Tuhan nami, angoidon!

KORINTUS 1 8:6

Táe kita in nopirisayabí kon tongábí tobatú in ki Allah. Inta nomaḻí kon bayongan bonu in dunia naa. Bo tongábí mobiag kon kopontingan-Nea in kita. Ki Tuhan in tongábí doman tobatú, tuata in ki Yesus Kristus. Pinongin i-Nia tua bayongan in yagi-yagi binaḻí, bo lantaran doman Sia dá nobiag in kita.

KORINTUS 2 11:4

Sin tarukiraankumai moiko in tongábí kibio-biómai aka oyúon in intau mamangoi bo mopotaau in habar soaḷ ki Yesus, táe ki Yesusbí tolaeng, deemanbí ki Yesus inta ain pinotaau muna nami kon i monimu. Bo tarimaan doman monimu in roho bo “habar mopia” inta totu-totuubí kon diá notongkai in Roho i Allah bo Habar Mopia inta ain muna sinarima monimu nongkon i nami.

KORINTUS 2 3:5

Diábí in dodoyonan singog nami in mosingog kon kami in mokosanggupbí mogaid kon oaidan tanaa, sin tongábí ki Allah in nobogoi komampuan tanaa kon i nami.

GALATIA 3:13

Táe ki Kristus ain nomilat kon i naton nongkon kutukan in hukum i Musa tatua. Sia nopomayádon mako in awak-Nea tontaní kinutuk sinbá kita in mopilat kon kutukan. Sin kon Buk Motusi ain pinais, “Kinutukdon in intau inta minatoi binambé kon kayu pinoyotaḻempang.”

ULANGAN 21:23

yo mayat tatua in diábí motaau pomayá mako kon tua tonggobii tua, táe mustibí ḷobongon kon singgai doman tua. Mayat inta noibambé mokopoangoi kon kutuk nongkon i Allah kon butá. Dá ḷobongdon in mayat tatua sinbá moiko in diá mokokotor kon butá inta inogoi i Tuhan Allahmu kon inimu.

WAHYU 1:10

Kon Singgai i Tuhan, akuoi in kinawasaan in Roho i Allah, bodongka nokodongog in akuoi kon singog moropot – naonda bo singog in torompet – nosingog kon tumikumai.