KORINTUS 1 12:1 - Alkitab Singog In Mongondow Masa In Tanaa

¹ Pogumanku tanaa in soaḷbí totabi inta inogoi in Roho i Allah. Ibogonku bá totokbí in kotaauan monimu in soaḷ tanaa.

KORINTUS 1 12:1 ပူးပေါင်းရင်းမြစ်များ

SURAT I PAULUS KON JAMAAT RUM 1:13

Utatku mita! Ibogonku in bá kotaauan doman monimu kon mokakitdon in akuoi moibog mamangoi mokipodungkuḷ kon i monimu, tongá tantú oyúon in ḷabot. Sin ibogonku in bá oyúon doman bungai in oaidanku kon sigad monimu ná inta ain nobaḻí kon yua-yuak in intau mita inta deeman Yahudi kon tampat mita ibanea.

KORINTUS 1 10:1

Utatku mita, ibogonku moiko in diá mokoḻiong kon onu inta ain nobaḻí kon mogoguyang naton kon tungkuḷ in mosia dinumudui kon i Musa. Mosia komintan inoḻiungan in goḷom, bo nosaḷamat in iḷumoḷan kon Dagat Teberau.

KORINTUS 1 14:37

Aka rasaanmai monimu bo oyúonbí in totabi mopoyaput in habar nongkon i Allah, andeka inogoianbí i Allah in totabi kon soaḷ mita ibanea, yo intau tatua in mustibí mosadar kon onu inta pinaisku tanaa, komintanbí parenta nongkon i Tuhan.

KORINTUS 2 1:8

Utat mita! Ibogon nami in bá kotaauan doman monimu naonda in yoyiga inta kinorasaan nami wakutu in kon Asia. Mobogat totok in yoyiga noiantug kon inami kon tua, sahingga in diá bidon pinononggina mako nami kon mobiagpa in kami;

EPESUS 4:11

Sia doman tua inta nobogoi in rasul, nabi bo intau mita inta mopoyaput in Habar Mopia, gombala bo guru mita.

TESALONIKA 1 4:13

Utatku mita, ibogon nami bá totu-totuudon kotaauan monimu in soaḷ intau mita inta ain minatoi; sinbá diá moajar in gina monimu ná mosia inta diá in harapan.

PETRUS 2 3:8

Táe utatku mita, dika koḻiongan monimu in soaḷ tobatú tanaa, “Aka kon tayowon i Tuhan, tosinggai notongkaibí in toribu notaong, bo toribu notaong ná doman onda bo tongá tosinggai, diábí in yoposinea kon tua.”