KORINTUS 1 11:6 - Alkitab Singog In Mongondow Masa In Tanaa

⁶ Sin podudui in kabiasaan kon jamaat, aka bobay bo doí mogikoḷob in uḷu yo maníka poki ḷogatdon in buoknea tua. Táe aka mokiḷogat ande mokigonsing domandon in sia, yo tua in notongkai bidon in mokopohinamai kon inia tontaní. Manangka intua sia in musti mogi koḷob in uḷu.

KORINTUS 1 11:6 ပူးပေါင်းရင်းမြစ်များ

PINOGIAPAN 5:18

Onda intua buok in bobay tatua daitonnea taidon poonag, bo pokikadaian in topong inta nobaḻí sosumba pinopoiyanan, bo ki imang tatua musti doman mokadai kon tubig mopait inta mokopoangoi kon butung.

OUMAN IN RASUL MITA 18:18

Onda intua ki Paulus nogutunpa kon Korintus tongonumai nosinggai. Diá noonggot kon tua sia in nogumandon kon intau mita inta mopirisaya kon tua kon mayádon takin i Priskila bo i Akwila kon Siria in sia. Kon Kengkrea, ki Paulus nokibangkuḷugdon in buoknea sin mogintompod kon dandinea kon i Tuhan.

KORINTUS 1 11:5

Tongá aka bobay bo mosambayang ande mopoyaput in Habar Mopia nongkon i Allah bo diá mogi koḷob in uḷu, yo tua in mangaḻenea diá hargaannea in ki buḷoinea ḷoḷaki inta nobaḻí tongguḷunea. Bobay tatua in naonda bo intau inta nokiḷogatdon.

KORINTUS 1 11:7

Aka ḷoḷaki yo diábí nongonu aka diá mogi koḷob in uḷu, sin bayongan kaadaan bo kawasa i Allah in ontongonbí kon inia. Táe kahoromatan in ḷoḷaki ontongonbí kon bobay,

ULANGAN 22:5

Bobay in diábí motaau in mogipakeang ná pakeang in ḷoḷaki bo ḷoḷaki in diábí doman motaau momakeang ná bobay, sin intau inta momia kon natua in kinodoíbí i Tuhan Allahmu.