KORINTUS 1 11:34 - Alkitab Singog In Mongondow Masa In Tanaa

³⁴ Bo munapa mongaan kon baḷoi in batangan, sinbá diá ḷagi gogoyon. Sin aka mosi duduian in moiko, yo ibada monimu tua in mopiabí. Diábí mokouḻí kon hukuman i Allah in moiko. Tongápabí naa in insilanganku kon i monimu, ibanea mako in bain moiangoi bui akuoi.

KORINTUS 1 11:34 ပူးပေါင်းရင်းမြစ်များ

KORINTUS 1 11:33

Tuamai uḻe utatku mita, aka moiko bo notobatú kon gina in mogaid kon perjamuan i Tuhan, yo musti mosioḷatan.

KORINTUS 1 16:1

Moiduduimai naa, soaḷ doit inta ogoi monimu posumbang kon intau mita Keresten. Anjuronku sinbá aidan monimu podudui in totundú inta pinogumanku kon jamaat mita inta kon Galatia.

KORINTUS 1 16:2

Kon singgai dungkuḷ pomuḷoi in diminggu, moiko in munadon monondí kon doit inta posumbang tua podudui onu in mouḻí monimu tontaní. Tagú intua modapot in moiangoi in akuoi, sinbá diá bain mamangoi in akuoi bodongka mulai mosipun in moiko.

KORINTUS 1 16:5

Akuoi in mamangoibí mokipodungkuḷ kon i monimu naonda in moitaḻib kon Makedonia, sin tomayáku in mongintuapa.

KORINTUS 1 4:17

Manangka intua pinotabákudon mangoi kon i monimu in ki Timotius. Saḷaku dumodudui i Kristus, sia in inanggapkudon ná ki adíku tontaní inta totok in kotabiku. Sia naa in adí inta totok in mojujur. Bain sia in mongonguman bui kon i monimu soaḷ kobobiagku wakutu in nopirisayadon in akuoi kon i Kristus, tuata in kobobiagku inta sinundúkudon kon bayongan in jamaat kon ondakadon.

KORINTUS 1 4:19

Aka diá in ḷabot yo diá bidon moonggot in akuoi bo bui mamangoi mokipodungkuḷ kon i monimu. Bain kon wakutu intua bo indoianku mongo onu in motaau aidan in intau inta mongododia tatua; deemanbí tongá kon bibig monia.

KORINTUS 1 7:17

Naa in atorang inta pinobayáku kon bayongan jamaat: Pomuḷoi in intau musti mobiag tumompia podudui kon inta kinoibog i Allah, ná inta ain sinantú-Nea wakutu in nogoiní kon i monimu kon bá mopirisayadon kon i-Nia.

TITUS 1:5

Uḻe Titus, sinuodkubí sinaḷáan in iko kon Kreta sinbá mopoyotutui kon onu inta paraḷupa poyotutuion. Ná doman tua, bá iko in momiḻídon kon intau mita inta motaau baḻíon itoi kon bonu in jamaat inta kon kotá-kotáannea. Umurai tarukira in singogku mita tanaa: