KORINTUS 1 11:3 - Alkitab Singog In Mongondow Masa In Tanaa

³ Tongá ibogonku in bá kotaauan doman monimu in atorang mita kon bonu in jamaat. Tongguḷu i Kristus in ki Allah. Tongguḷu in ḷoḷaki in ki Kristus. Yo tongguḷu in bobay tuata in ḷoḷaki.

KORINTUS 1 11:3 ပူးပေါင်းရင်းမြစ်များ

KINOBAḺIAN 3:16

Bo ki Tuhan in noguman kon bobay tatua, “Dugangan-Ku in rorigamu kon tungkuḷ in iko sidia bo kon dodai in iko mononggadí. Táe umpaka natua, iko in umuranbí doman mosiug moyotakin i buḷoimu, bo iko in tantúbí kon bonu in kawasanea.”

YESAYA 52:13

Ki Tuhan in noguman, “Totuubí, mogogundoi-Ku in mokodapotbí kon aidannea; sia in horomatonbí bo poḷantudon.

YESAYA 55:4

Totuubí, sia in baḻíon-Ku itoi bo umpung pongayow, sakusi in kawasa-Ku kon bangusa mita.

MATIUS 28:18

Dá ki Yesus in dinimiug kon i monia bo noguman, “Akuoi in inogoiandon in bayongan kawasa kon soroga bo kon dunia.

YOHANES 14:28

Dinongog bidon monimu in Akuoi in noguman, ‘Akuoi in mayábí, táe buibí in Akuoi mamangoi kon inimu.’ Aka moiko in motabi kon i-Nakó, yo mosanangbí in gina monimu in Akuoi in mayá kon i Amá, sin ki Amábí in moḷobe-ḷoben nongkon i-Nakó.

KORINTUS 1 3:23

Ki togi kon i monimu nion in ki Kristusbí, bo kitogi kon i Kristus in ki Allahbí.

EPESUS 4:15

Táe! Mustibí in kita mopoontong in aid mita inta moitutui takin tabi moḷoben, sahingga kon bayongan in yagi-yagi kita modugangdon mosompurna naonda bo ki Kristus inta tongguḷu naton.

KOLOSE 1:18

Siata uḷu in awak-Nea, bo awak-Nea tua inta sinangoi jamaat. Sin Siabí tua in pangkoi in kobiagan jamaat tatua. Sia doman tua in Adí guya-guyang, inta muna-munamai biniag bui nongkon kinopatoian, sahingga in Sia nobaḻí totok moponting nongkon bayongan yagi-yagi.

KOLOSE 2:10

Bo lantaran nobiag notobatú i Kristus, dá moiko in inogoiandon in kobiagan. Sin ki Kristus in tongguḷu in bayongan roho inta nongawasa bo inta nomarenta.

KOLOSE 2:19

sahingga in diádon kumadai kon i Kristus inta nobaḻí tongguḷu. Kon bonu in pimpinan i Kristus, bayongan in awak iḷukadan bo sinobatú in sendinea mita, poḷat nobiag podudui in ibog i Allah.

KOLOSE 3:18

Utat mita, buḷoi bobay! Horomatbí in ki buḷoimu, sin mustibí natua in aidanmu saḷaku intau in Keresten.

PETRUS 1 3:1

Ná doman tua in moiko, bobay mita, kodu-koduduibí kon i buḷoi monimu, sinbá aka oyúon in kon sigad monia in diá mopirisaya kon habar nongkon i Allah, yo oaid monimu tua in mokopobaḻí kon i monia mopirisaya. Diá bidon paraḷu in moiko mosingog kon onu bo onu kon i monia,