KORINTUS 1 10:6 - Alkitab Singog In Mongondow Masa In Tanaa

⁶ Tua komintan in nobaḻíbí contoh kon i naton, mopotorop kon bá donaai in kita mogaid kon inta diá mopia ná inaidan monia.

KORINTUS 1 10:6 ပူးပေါင်းရင်းမြစ်များ

PINOGIAPAN 11:4

Kon binayáan in intau Israel tatua oyúon doman in intau mita ango-angoi in dinumudui. Mosia tua in moibogdon totok mokaan kon ponoyá, bo intau Israel momangkoi domandon mogamui. Guman monia, “Aka kuma bo oyúon in ponoyá kon inaton!

SURAT I PAULUS KON JAMAAT RUM 5:14

Táe umpaka natua popatoi in nongawasa bidon kon bayongan intau nongkon sempo i Adam dapot kon sempo i Musa. Umpakabí intau mita diá nogaid kon taḷá ná inta inaidan i Adam, táe mosia in noitakin bidon kinawasa in popatoi. Ki Adam tua in gambaranbí i-Nia inta moiangoi kon singgai moiduduimai.

KORINTUS 1 10:11

Tua komintan ain noiantug kon i monia saḷaku contoh kon intau mita ibanea. Bo komintan tua in pinaisbí doman sin mobaḻí tompoingat kon i naton kon singgai tumi inta ain nodiug.

IBRANI 4:11

Tuamai, koḻigai in kita moramuji totu-totuu in tumuot kon tampat pogogogaian tatua, sinbá diá tobatúmai in intau kon sigad naton in diá moituot kon tampat tatua ná mosia koḻipod sin popisí in diá mopirisaya kon i Allah.

IBRANI 9:24

Sin ki Kristus in diábí sinumuot kon Yuang Motusi inta pinomia in intau, inta nobaḻí lambang in yuang Motusi inta totokea. Ki Kristusbí tontaní in sinumuot kon soroga; tanaa Sia in minayá kon tayowon i Allah sin lantaran kopontingan naton.

PETRUS 1 3:21

Dá bá kotaauandon monimu kon onu inta nobaḻídon tatua nobaḻí oḻinow in baptisan inta nokosaḷamat kon i monimu tanaa. Baptisan tatua in deeman tobatú upacara pondaritan kon bayongan inta nokotor kon awak, táe tua in dodandianbí kon i Allah inta nongkon bonu in ginamu inta mopia. Baptisan tatua in mokosaḷamat kon i monimu sin ki Yesus Kristus ain nobiag bui nongkon kinopatoian,

PETRUS 2 2:6

Ná doman kotá in Sodom bo Gomora: nodait i Allah sinubá in kotá mita tatua sinbá mobaḻí contoh kon onu inta mobaḻí kon intau mita inta moraat.

YUDAS 1:7

Torop domandon in onu inta nobaḻí kon kotá in Sodom bo Gomora bo kon kotá mita inta kon diugneamai, inta intaunea mita kon tua in nogaid doman kon ná inta pinomia in malaekat mita tatua. Mosia in nogaid kon soaḷ mita inta mokooyá totok bo nogaid doman kon inta diádon patus aidan in intau. Hukuman kon i monia tua in tuḷu inta diá mopio-piong, sinbá tua in mobaḻí tompoingat kon bayongan in intau.