KORINTUS 1 10:11 - Alkitab Singog In Mongondow Masa In Tanaa

¹¹ Tua komintan ain noiantug kon i monia saḷaku contoh kon intau mita ibanea. Bo komintan tua in pinaisbí doman sin mobaḻí tompoingat kon i naton kon singgai tumi inta ain nodiug.

KORINTUS 1 10:11 ပူးပေါင်းရင်းမြစ်များ

KINOBAḺIAN 19:35

Natuata in pinomia monia kon i Lot, pinoinum monia dapot in noḷoḷangu, bo ki adínea induanea in nosiug takinnea. Ki Lot noḷoḷangu totok dapot in diá kinotaauannea onu in nobaḻí.

MAZMUR 102:18

Sia in mokidongogbí kon sambayang in umat-Nea kon bonu in roriga, bo diábí mondoí kon oigum monia.

YEHEZKIEL 5:15

Aka Akuoi tumorú bo moyaat totok in gina kon inimu poḷat mohukum kon inimu, yo bayongan in bangusa kon ḻibumumai in mokoningkimbí. Singkuḻeonbí monia in iko bo morongó in mokoontong kon inimu.

MATIUS 13:39

Yo saturu inta noporarit in bibit in padang tatua, siata in Ibilis. Bo aka wakutu moratab, yo tua in Singgai Pangabisannea, bo inta mororatab mita tua in malaekat.

MATIUS 13:40

Naonda bo padang tatua sinipun bo sinubá kon bonu in tuḷu natua doman kon Singgai Tumi.

SURAT I PAULUS KON JAMAAT RUM 13:11

Koḻikud intua komintan, kinotaauan monimu kon masai in naa wakutudon monimu mobangon nongkon pinosiugan. Sin wakutu poposaḷamatan kon i naton kodiug-kodiugdon totok nongkon wakutu in kita bagupa nopirisaya.

SURAT I PAULUS KON JAMAAT RUM 13:12

Doḷom diádon moonggot; topípa mobayagdon. Dá koḻigai mogogaidon in kita in mogaid kon inta diá mopia, bo momakédon in sonjata inta mobayag.

SURAT I PAULUS KON JAMAAT RUM 15:4

Bayongan inta pinais kon Buk Motusi, tua in makusudnea motundúbí kon inaton. Sin totundú inta sinarima naton nongkon Buk Motusi nokodugang kon kototahang bo kororopot in gina naton, dá kita in umuran moharap kon i Allah.

SURAT I PAULUS KON JAMAAT RUM 4:23

Singog “sinarima saḷaku intau inta mokosanang kon gina i Allah”. pinais deemanbí tongá kon i Abraham tontaní;

KORINTUS 1 10:6

Tua komintan in nobaḻíbí contoh kon i naton, mopotorop kon bá donaai in kita mogaid kon inta diá mopia ná inaidan monia.

KORINTUS 1 7:29

Nanaa in makusudku uḻe utat mita: Nopoḷokdon in wakutu naton. Tuamai nongkon masa in tanaa, intau inta kobuḷoi, kobiagdon naonda bo intau inta diápa kobuḷoi;

KORINTUS 1 9:10

Andeka tua pinopomakusudbí kon i naton? Oo totuubí intua kon pinais bá kobacaan naton. Sin intau inta nogaid kon gobá bo inta nondarit kon gandumnea in tumpaḷabí moibog motarima kon boḻi inaidannea tatua.

GALATIA 4:24

Ouman tanaa in mobaḻí oḻinow naton. Bobay doyowa tatua in ná bí onda bo dodandian i Allah doyowa: tobatú in nongkon Buḷud in Sinai tua inta adí kon i Hagar; ki adínea inta pinononggadí saḷaku ata.

PILIPI 4:5

Pomayádon mako bá ontongondon in bayongan intau in oaidmu inta mopia in gina. Sin diádon moonggot ki Tuhan in mamangoi.

IBRANI 10:25

Kita in musti umuran moyosipun moyotakin bo umuran mosambayang. Donaai mokopomaḷat ná intau ibanea. Mustibí doman umuran in kita mositongginaan, sin kinotaauan bidon naton kon diá bidon moonggot bo mamangoi bui in ki Tuhan.

IBRANI 10:37

Sin kon Buk Motusi ain pinais nanaa: “Nodiugdon totok in wakutunea, dá Sia inta sinango-tangoi moiangoi tua, in ḷagidon moiangoi; Diá bidon baḷu-baḷuian-Nea in wakutu koangoian-Nea.

YOHANES 1 2:18

Uḻe Adíku mita, kopaḷutan in dunia motoyongdon! Bo ná inta ain pinoguman kon i monimu, intau mita inta Mosaturu kon i Kristus in mamangoibí. Bo tanaa mobayongdon in mosia inta mosaturu kon i Kristus. Tua in tandanea kon motoyongdon in kopaḷutan in dunia.