KORINTUS 1 10:1 - Alkitab Singog In Mongondow Masa In Tanaa

¹ Utatku mita, ibogonku moiko in diá mokoḻiong kon onu inta ain nobaḻí kon mogoguyang naton kon tungkuḷ in mosia dinumudui kon i Musa. Mosia komintan inoḻiungan in goḷom, bo nosaḷamat in iḷumoḷan kon Dagat Teberau.

KORINTUS 1 10:1 ပူးပေါင်းရင်းမြစ်များ

NEHEMIA 9:19

Táe kon padang gurun tatua diábí sinaḷáan-Mu in mosia, sin Iko in nopuḻing in totabi. Oigi goḷom bo tuḷú in diábí irabut-Mu bui, mototundú kon daḷan kon i monia singgai bo doḷom.

MAZMUR 105:39

Ki Allah in nopobandang in goḷom sin mogoḻiung kon umat-Nea, bo tuḷú sin ponimbayag kon i monia kon tungkuḷ in doḷom.

MAZMUR 66:6

Dagat binaḻí-Nea butá noingkag, mogoguyang nami minaya-mayá in sioḷ in iḷumoḷan kon tua. Dá nopia i gina nami popisí in aid-Nea.

MAZMUR 78:53

Kon bonu in tongganut-Nea moaman in mosia bo diá moondok, umpaka musung monia noḷomot kon bonu in dagat.

IḶUAIAN 14:29

Táe naonda intau Israel iḷumoḷan kon dagat, mosia in minayá kon apad in dagat inta noingkag, bo tubig nobaḻí dinding kon dotá in koḷoigi bo koḷanan.

IḶUAIAN 40:34

Onda intua noikoḷubungdon monag in goḷom tatua kon Ḷoḷaigan i Tuhan, bo Ḷoḷaigan tatua nobayagdon totok sin ki Tuhan namangoi.

PINOGIAPAN 14:14

bo oumanon monia intua kon intau mita kon butá tanaa, inta ain nokodongog kon Iko, ki Tuhan noyotakin nami. Dinongog domandon monia kon Iko ain nokipogontong kon inami kon dodai Iko minayá kon muna nami kon bonu in oigi goḷom kon dodai in singgai, bo oigi tuḷú kon dodai in doḷom.

PINOGIAPAN 33:8

Onda intua mosia nonaḷámai kon Pi-Hahirot, iḷumoḷan kon dagat bo sinumuot kon padang gurun Etam; naonda in toḷudon nosinggai kon binayáan, mosia nononḷoḷaigan kon Mara.

YOHANES 4:20

“Mogoguyang nami nosumba kon i Allah kon buḷud tanaa, táe intau mita toḻipúan i Tuang moguman kon tongábí kon Yerusalem in tampat pososumbaan in intau kon i Allah.”

SURAT I PAULUS KON JAMAAT RUM 1:13

Utatku mita! Ibogonku in bá kotaauan doman monimu kon mokakitdon in akuoi moibog mamangoi mokipodungkuḷ kon i monimu, tongá tantú oyúon in ḷabot. Sin ibogonku in bá oyúon doman bungai in oaidanku kon sigad monimu ná inta ain nobaḻí kon yua-yuak in intau mita inta deeman Yahudi kon tampat mita ibanea.

SURAT I PAULUS KON JAMAAT RUM 11:21

Sin aka ki Allah bo diá motabi in moḷumbú kon intau mita in Yahudi inta pinoumpama tanga taakan tua, yo dikabí kai monimukamai oyúonbí in tabi-Nea in moḷumbú kon i monimu!

SURAT I PAULUS KON JAMAAT RUM 4:11

Sia in sinunat bambí noiduduimai, tongá sunatnea tatua in tongábí saḷaku tanda kon sia ain sinarima i Allah saḷaku intau inta mokosanang kon gina-Nea, popisí in mopirisaya kon i Allah. Sia in sinarima i Allah kon wakutu in diápa dinumudui kon atorang in sunat tatua. Bo ki Abraham in nobaḻí guyanga in bayongan intau inta mopirisaya kon i Allah, bo popisí intua, dá sia sinarimadon i Allah saḷaku intau inta mokosanang kon gina-Nea, umpakabí mosia in diá sinunat.

KORINTUS 1 12:1

Pogumanku tanaa in soaḷbí totabi inta inogoi in Roho i Allah. Ibogonku bá totokbí in kotaauan monimu in soaḷ tanaa.

KORINTUS 1 14:38

Táe aka oyúon in doí motarima kon onu inta pinogumanku mita naa, yo donaaibí mako in sia tua.

GALATIA 3:29

Bo aka moiko bo ain nobaḻí kapunyaan i Kristus, dá moiko in buíbí i Abraham, tuamai moiko in motarima kon onu inta pinodandi i Allah.

ULANGAN 1:33

inta minayá inumuna kon imonimu sin motayak kon pononḷoḷaiganmu. Sia in notundú kon daḷan kon inimu kon tungkuḷ in doḷom takin oigi tuḷú, bo kon tungkuḷ in singgai nomaké in oigi goḷom.”

IBRANI 11:29

Popisí in nopirisaya, dá intau mita in Israel nokoḷoḷan kon Dagat Teberau, naonda bo minaya-mayá kon tudu in butá noingkag in mosia, táe intau mita in Mesir nongoḷomot kon dagat tatua naonda in nonungkuḷ in mosia iḷumoḷan.

YOSUA 4:23

Ouman kon i monia kon ki Tuhan Allahmu nopoingkag kon tubig in Ongkag in Yordan tatua sin bayáan monimu nodapot in moiko komintan noyaputdon kon ḷoḷan, naonda bo pinogogingkag-Nea kon Dagat in Gelagah sin bayáan nami,