KORINTUS 1 1:14 - Alkitab Singog In Mongondow Masa In Tanaa

¹⁴ Mosukur totok in akuoi sin koḻikudbí in ki Krispus bo ki Gayus in binaptisku kon sigad monimu,

KORINTUS 1 1:14 ပူးပေါင်းရင်းမြစ်များ

OUMAN IN RASUL MITA 10:48

Dá pinoki baptis i Petrus in mosia kon bonu in tangoi i Yesus Kristus. Onda intua mosia in nopoigum sinbá ki Petrus in mogutunpa takin i monia tongonumai nosinggai.

OUMAN IN RASUL MITA 18:8

Táe ki Krispus, itoi in baḷoi pososambayangan bo takin bayongan ginaḷumnea mita, komintan nopirisaya kon i Tuhan Yesus. Bo nobayong doman in intau mita in Korintus ibanea in nokodongog kon habar inta pinotaau i Paulus in nobaḻí nopirisaya kon i Yesus poḷat binaptis.

SURAT I PAULUS KON JAMAAT RUM 16:23

Ki Gayus nopoyaput doman in salam kon i monimu. Akuoi in nongandupa kon baḷoinea, bo jamaat nami nongandupa doman noibada kon tua. Ki Erastus, tobatú itoi in mokokadai kon doit kon kotá nokipoyaput doman in salamnea kon i monimu. Ná doman tua in ki Kwartus, ki utat naton. [

KORINTUS 1 1:15

sahingga diábí in moguman kon binaptiskudon in sia sinbá mobaḻí dumoduduiku. (

KORINTUS 1 1:4

Akuoi in umuran mosukur kon i Allah sin moiko in nokouḻídon kon totabi-Nea bo nopirisaya domandon kon i Kristus Yesus.

KORINTUS 1 14:18

Akuoi in mosukur kon i Allah sin akuoi tontaní in nonotaaubí in bahasa inta mokoherang noiḻiu kon i monimu komintan.

KORINTUS 2 2:14

Táe sukur mako kon i Allah! Sin tantú-Neabí dinia in kami dinumudui kon daḷan inta mokosaḷamat, sin notobatúdon i Kristus in kami. Pinaké-Nea in kami sinbá habar soaḷ ki Kristus moibaya-bayádon mako ná bó inta mobondu inta kobóan kon bayongan in tampat.

EPESUS 5:20

Umurandon in moiko mopoyaput in sukur kon i Allah, ki Amá naton kon bayongan in yagi-yagi podoyon kon tangoi Yesus Kristus, ki Tuhan naton.

KOLOSE 3:15

Pakédon in dodamean inta inogoi i Kristus, sinbá kawasaan-Neadon in ginamu, sin tuabí in mangaḻe pinogoinían kon i monimu motobatú kon awak, bo umuranbí posukur kon i Allah.

KOLOSE 3:17

Bayongan inta aidan andeka singogon monimu, yo aidai ande singog komintan podoyon kon tangoi i Tuhan Yesus. Poyaputdon in sukurmu kon i Allah ki Amá naton sin bayongan inta pinomia i Yesus kon inimu.

TESALONIKA 1 5:18

Naondakabí in kaadaan monimu, yo tantúbí posukur, sin tuata in kinoibog i Allah aidan monimu saḷaku intau mita inta ain nobiag notobatú i Yesus Kristus.

TIMOTIUS 1 1:12

Akuoi in mosukur kon i Kristus Yesus Tuhan naton, sin akuoi in inogoian-Neadon in ropot mogaid kon oaidan-Nea, bo inanggap-Neadon in akuoi patus pokiaidan in oaidan tatua,

PILEMON 1:4

Pomuḷoi in akuoi mosambayang umuranku kotangoian in iko, bo poḷat mopoyaput sukur kon i Allah.