KORINTUS 1 1:12 - Alkitab Singog In Mongondow Masa In Tanaa

¹² Nanaa in makusudku, kon sigad monimu oyúon in noguman, “Akuoi in dumoduduibí i Paulus,” bo oyúon doman in moguman, “Akuoi in dumoduduibí i Apolos,” bo ibanea doman in moguman, “Akuoi in dumoduduibí i Petrus,” bo ibanea mako in moguman kon, “Akuoi naa in dumoduduibí i Kristus.”

KORINTUS 1 1:12 ပူးပေါင်းရင်းမြစ်များ

DATU MITA IMITÁNEA 16:21

Nobaḻídon in rogenggeng kon bangusa in Israel popisí in oyúon in moibog sinbá ki Tibni ki adí i Ginat in mobaḻí datu, táe oyúon doman in moibog sinbá ki Omri in mobaḻí datu.

MATIUS 23:8

Tongá moiko in dika mokioiní ki ‘Pak Guru’, sin tongábí tobatú in Gurumu bo moiko komintan in ginaḷum.

YOHANES 1:42

Ki Simon dinia i Andreas minayá kon i Yesus. Ki Yesus inimindoi kon i Simon, bo noguman: “Iko ki Simon, ki adí i Yohanes. Iko in tangoiondon ki Kepas.” (Kepas notongkai in Petrus, mangaḻenea buḷud batu.)

OUMAN IN RASUL MITA 18:24

Wakutu intua, noiangoi domandon kon Epesus in tobatú intau in Yahudi inta nongkon Aleksandria, ki Apolos in tangoinea. Sia naa in intau inta totok mopandoi mosingog bo totok in nonotaau kon bonu in Buk Motusi,

OUMAN IN RASUL MITA 19:1

Wakutu in ki Apolos kon Korintuspa, ki Paulus in koyogot domandon minaya-mayá mako in ḻipu-ḻipúannea inta totok nongoyayú kon daerah tatua bo sia in noiyaputdon kon Epesus. Kon tua noyodungkuḷ in sia in tongonumai intau inta nopirisayadon kon i Yesus.

KORINTUS 1 1:11

Sin nodaitdon inouman in ginaḷum i Kloë kon inakó, kon naanta oyúonbí in yogenggeng kon sigad monimu.

KORINTUS 1 15:5

Bo pinogumanku domandon kon i monimu kon ki Kristus inta biniag bui tatua nokipogontong kon i Petrus, onda intua nokipogontong doman kon rasul mopuḷú bodoyowá.

KORINTUS 1 15:50

Nanaa in makusudku utat mita: awak inta pinomia nongkon dugú bo tapú in diábí motaau tumuot kon Dunia Mobagu i Allah; bo awak inta mato-matoipa naa in diábí mobaḻí mononoi.

KORINTUS 1 16:12

Aka soaḷ ki utat naton ki Apolos, yo ain binui-buikumai inanjur sinbá sia bo takin utat mita ibanea mamangoipa mokipodungkuḷ kon i monimu. Táe doípa in sia tanaa mako tongá aka oyúon in kasampatan mopia yo tantú sia in mamangoibí mokipodungkuḷ kon i monimu.

KORINTUS 1 4:6

Utatku mita! Onu inta mopia, nodaitdon inaidan naminda i Apolos kon i monimu. Makusudnea kon tua, onu inta inontongdon monimu kon inaminda motaau monimu balajaron mangaḻe in singog tanaa, “Tantú kumadai kon atorang inta oyúon.” Aka natua yo diábí in intau in dumodia bo mopohinamai kon intau ibanea.

KORINTUS 1 7:29

Nanaa in makusudku uḻe utat mita: Nopoḷokdon in wakutu naton. Tuamai nongkon masa in tanaa, intau inta kobuḷoi, kobiagdon naonda bo intau inta diápa kobuḷoi;

KORINTUS 1 9:5

Eta degá diá motaau in akuoi in modia kon i buḷoiku inta mopirisaya kon i Kristus saḷaku takinku kon baya-bayáan mako, ná inta inaidan i utat mita i Tuhan Yesus bo in rasul mita ibanea ná tai Petrus?

KORINTUS 2 10:7

Indoiaidon kopira onu inta nobaḻí kon tayowonmai monimu nion. Aka oyúon intau in moyakindon totu-totuu kon sia tua in kapunyaan i Kristus, yo musti in sia morai kon bonu in ginanea kon kami doman naa in kapunyaanbí doman i Kristus, naonda bo sia.

KORINTUS 2 9:6

Torop kopira in singogku naa! Intau inta nomuḷa kon topiḻik, topiḻik doman in mouḻínea, táe intau inta nomuḷa kon nobayong, yo mobayong doman in mouḻínea.

GALATIA 2:9

Bo naonda in nokoontong kon totabi inta inogoi i Allah kon i nakó, dá ki Yakobus, ki Petrus, bo ki Yohanes inta nobaḻídon itoi kon jamaat, nopirisayadon kon ki Allahbí in nobogoi oaidan tanaa kon inakó. Sahingga in nodati in mosia kon i naminda i Barnabas saḷaku tanda yoyobayatan. Bo nosatuju bidon in kami kon kami in mayá mopohabar in Habar Mopia kon yua-yuak in intau mita inta deeman Yahudi, bo mosia in mayá kon sigad in intau mita in Yahudi.

GALATIA 3:17

Makusudku nanaa: Dandi i Allah aindon inaidan bo aindon muna pinosah. Tuamai hukum i Musa inta inogoi kon taong 430 noiduduimai, diábí motaau monginggamá kon tua andeka momopat kon dandi i Allah tatua.