KORINTUS 1 1:11 - Alkitab Singog In Mongondow Masa In Tanaa

¹¹ Sin nodaitdon inouman in ginaḷum i Kloë kon inakó, kon naanta oyúonbí in yogenggeng kon sigad monimu.

KORINTUS 1 1:11 ပူးပေါင်းရင်းမြစ်များ

KINOBAḺIAN 27:42

Naonda in dinongog i Ribka in niat i Esau tatua, inoinínea in ki Yakub bo pinoguman, “Indongogaipa, ki guya-guyangmu ki Esau moniat motuḻí bo moḻimod kon inimu.

KINOBAḺIAN 37:2

bo naadon riwayat motoḷuadí i Yakub: Kon tungkuḷ in ki Yusup, ki adí i Yakub umur mopuḷú bo pitu notaong, sia in moḷukadmai kon paanan in bembé domba moyotakin i guya-guyangnea mita, inta ki adí mita i Bilha bo i Zilpa, ki buḷoi amánea inta bobantung. Sia in nopotaau kon oaid mita diá mopia i guya-guyangnea kon inia.

AMSAL 13:10

Ḷoḷatú tongábí mokopopisí kon porogenggengan; intau inta mobijaksana moibog motarima kon totundú.

AMSAL 18:6

Aka intau bodok mosingog, mokopomuká in sia kon ropatoi bo mopoigum sambokon.

KORINTUS 1 1:10

Utatku mita! Podoyon kon tangoi i Tuhan naton ki Yesus Kristus, poigumonku sinbá moiko umuran mosiduduian bo mokokidongogan; donaai umuran mobobayowan. Tantúbí kotobatúon in gina bo raian.

KORINTUS 1 1:12

Nanaa in makusudku, kon sigad monimu oyúon in noguman, “Akuoi in dumoduduibí i Paulus,” bo oyúon doman in moguman, “Akuoi in dumoduduibí i Apolos,” bo ibanea doman in moguman, “Akuoi in dumoduduibí i Petrus,” bo ibanea mako in moguman kon, “Akuoi naa in dumoduduibí i Kristus.”

KORINTUS 1 11:18

Sin ain dinongogku, kon aka aindon moyosipun in moiko mosambayang saḷaku jamaat, yo tantúpabí doman oyúon in bobayowan kon sigad monimu. Bo iraiku kon totuubí in habar tanaa.

KORINTUS 1 3:3

sin moiko tantúpabí doman dinumudui kon tabiatmu saḷaku intau. Sin aka oyúonpa doman in ointoian bo yogenggeng kon sigad monimu, yo mangaḻenea kon tua moiko in dumuduipabí kon tabiat in intau, ná intau inta diá nonotaau kon i Allah.

KORINTUS 2 12:20

Sin moḻia-ḻiaw in ginaku, dikabo naonda in akuoi mamangoi, koangoiankumai moiko diádon ná inta iharapku mako, ná doman tua in akuoi, koangoianmai monimu, diádon ná inta iharap mako monimu. Sin dikabo mobobayowanmai in moiko, mosiintoian, dumodia, tongá moibog morai kon kopontingan tontaní bo mopotombauk.

GALATIA 5:15

Táe aka moiko bo moibog mosi kamburungan ande mosi ḻimodan, yo kopopia sin dikabo moiko in tumpaḷa moyoyang.

GALATIA 5:20

Mosia in moibog mosumba kon ilah mita ibanea, mongonggaing, moibog mosisaturuan, moibog moropatoi, mointoi kon intau ibanea, ḷagi tumorú, bo tongá morai kon kopontingan tontaní, momoguyaat kon jamaat; bo moibog mopoyoposi kon inta,

GALATIA 5:26

Bo donaaibí in kita kumaḷakuang, mosi posakian kon gina, bo mosi intoian.

PILIPI 2:14

Aidaibí in oaidan tatua takin pia in gina bo dika mosirogian andeka mobobayowan.

TIMOTIUS 1 6:4

yo intau tatua in mododia bo diá doman nonotaau kon onu bo onu! Panyaki in intau natua in moibo-ibog mobobayowan kon soaḷ istila mita sahingga in mokopomuká kon intoi, ropatoi, mosiponapudan in diá totuu, mosicurigaan,

TITUS 3:9

Donaai tongá mobobayowan kon soaḷ mita inta diá baraguna, bo mongonguman kon asaḷ usuḷ, ande morogenggeng bo moropatoi kon soaḷ hukum in agama. Sin tua komintan diábí in baragunanea bo diábí doman in kauntungannea.