KORINTUS 1 1:10 - Alkitab Singog In Mongondow Masa In Tanaa

¹⁰ Utatku mita! Podoyon kon tangoi i Tuhan naton ki Yesus Kristus, poigumonku sinbá moiko umuran mosiduduian bo mokokidongogan; donaai umuran mobobayowan. Tantúbí kotobatúon in gina bo raian.

KORINTUS 1 1:10 ပူးပေါင်းရင်းမြစ်များ

MAZMUR 133:1

Dondong i Daud mayá in Baḷoi Tuhan. Totuu mopia bo mosanang, aka umat i Allah mobiag mototabian!

YEREMIA 32:39

Akuoi in mobogoibí kon i monia in tongábí tobatú in tujuan kobiagan: tuata in mohoromat kon i-Nakó modapot in mononoi; tua in modiabí kon kopiaan kon i monia tontaní, bo kon i buí monia.

MATIUS 9:16

Diábí in tobatúmai in intau inta momerak kon ḷambung nobagu sin poduḷampong kon ḷambung inta ain nokoyongan. Sin aka berakonneadon in ḷambung nobagu, yo ḷambung nobagu tatua in mogoguyaat domandon.

MARKUS 2:21

Diábí intau in mopoduḷampong in didit mobagu kon ḷambung inta nokoyongandon. Sin didit nobagu inta pinoduḷampong tatua in mobadang bo momerak kon ḷambung koyongan tatua, dá modugangdon moḷoben berak in ḷambung tatua.

MARKUS 3:24

Sin aka tobatú dodatuan bo mosilai mokolo-kolompó inta mososaturuan, yo diábí mononoi in dodatuan tatua.

YOHANES 10:19

Popisí in ki Yesus nosingog natua, dá intau mita in Yahudi nomangkoidon nobobayowan.

YOHANES 17:23

Akuoi takin mosia, bo ki Amá takin Akuoi, sinbá mosia in totu-totuudon motobatú, sinbá kotaauandon in dunia naa kon ki Amábí in nopotabá kon i-Nakó bo ki Amábí in monotabi kon i monia ná tabi i Amá kon i-Nakó.

YOHANES 7:43

Pangabisannea intau mita momangkoidon mobobayowan kon soaḷ ki Yesus.

YOHANES 9:16

Táe tongonumai in intau kon sigad intau mita in Parisi tatua noguman, “Diábí doman intau inta nomia kon soaḷ tatua nongkon i Allah, sin diádon pinandung-Neamai in singgai in Sabat.” Táe intau ibanea in nosingog, “Diábí doman in intau binaradosa bo momia kon soaḷ mita inta mokoherang ná tanaa?” Bo nomukádon in bobayowan kon sigad monia tua.

OUMAN IN RASUL MITA 4:32

Komintan intau inta ain nopirisaya tua in nobiag notobatú kon gina bo porasaan. Diá tobatúmai in kon sigad monia tua in norai kon onu inta kon i monia yo tongábí monia tontaní in kitogi.

SURAT I PAULUS KON JAMAAT RUM 1:13

Utatku mita! Ibogonku in bá kotaauan doman monimu kon mokakitdon in akuoi moibog mamangoi mokipodungkuḷ kon i monimu, tongá tantú oyúon in ḷabot. Sin ibogonku in bá oyúon doman bungai in oaidanku kon sigad monimu ná inta ain nobaḻí kon yua-yuak in intau mita inta deeman Yahudi kon tampat mita ibanea.

SURAT I PAULUS KON JAMAAT RUM 12:1

Utat mita! Ki Allah totok in mopia kon i naton. Manangka intua akuoi in mopoigum totok sinbá moiko moposumba in awakmu saḷaku sosumba inta nobiag sin kopontingan i Allah. Sosumba tatua in tongábí ogoi kon i Allah bo inta mokosanang kon gina-Nea. Tuabí in ibadamu inta sabanarnea.

SURAT I PAULUS KON JAMAAT RUM 12:16

Moiko in musti mobiag mototabian tobatú bo tobatú. Donaai morai kon soaḷ mita inta moḷantud. Táe raibí in soaḷ mita inta komampuan aidan. Dikabí tumekeng mopandoi in iko.

SURAT I PAULUS KON JAMAAT RUM 15:30

Podoyon kon tangoi i Tuhan naton ki Yesus Kristus, bo podoyon kon tabi inta inogoi in Roho i Allah, igumonku totok sinbá moiko in moyotakinku mosambayang kon i Allah.

SURAT I PAULUS KON JAMAAT RUM 16:17

Utatku mita! Indongogaipa in tongginaku tanaa: Mokopoingatdon kon intau mita inta moibog moropatoi kon jamaat bo inta mopotombauk in pirisaya intau kon i Tuhan. Sin soaḷ tatua in noyoposibí in inta ain sinundú kon i monimu. Dikadon moyobayat in intau mita natua!

KORINTUS 1 1:11

Sin nodaitdon inouman in ginaḷum i Kloë kon inakó, kon naanta oyúonbí in yogenggeng kon sigad monimu.

KORINTUS 1 11:18

Sin ain dinongogku, kon aka aindon moyosipun in moiko mosambayang saḷaku jamaat, yo tantúpabí doman oyúon in bobayowan kon sigad monimu. Bo iraiku kon totuubí in habar tanaa.

KORINTUS 1 12:25

Awak naa in diábí nosila-silai; bo tumpaḷa mositarukiraan.

KORINTUS 1 3:3

sin moiko tantúpabí doman dinumudui kon tabiatmu saḷaku intau. Sin aka oyúonpa doman in ointoian bo yogenggeng kon sigad monimu, yo mangaḻenea kon tua moiko in dumuduipabí kon tabiat in intau, ná intau inta diá nonotaau kon i Allah.

KORINTUS 1 4:16

Tuamai poigumonku, moiko in umuran dumayan kon kobobiagku.

KORINTUS 2 10:1

Akuoi ki Paulus, inta kain intau in diá mobarani moyogintayow mako, tongá mobarani aka moyogiyayúan monimu. Tanaa mako pinodoyon kon koaḷus bo kopopia in gina i Kristus,

KORINTUS 2 13:11

Naa in tongginaku pangabisan kon i monimu utatku mita, mokoposanangdon kon gina bo poramujidon sinbá umuran mobiag mosompurna. Umuran kon gina-gina mako in tongginaku mita naa. Umuran motobatú kon gina bo kon raian bo umuran mototabian. Sin ki Allah inta nobaḻí dodoyonan totabi bo kobiagan inta mopia, umuran kotaki-takin monimu.

KORINTUS 2 13:9

Mopiabí in gina nami aka moikodon in moropo-ropot nongkon inami. Tuamai kami umuran mopoigum in doa kon i Allah, sinbá moiko in mobaḻí mosompurna.

KORINTUS 2 5:20

Dá kami naa in totabábí mita i Kristus inta pinaké doman i Allah mopoyaput in koyow-Nea kon i monimu. Tuamai podoyon nami kon tangoi Kristus, kami in mopoigum sinbá moiko in moibogdon motarima kon totabi i Allah inta mobogoi in kasampatan kon i monimu mopopiaan takin-Nea.

KORINTUS 2 6:1

Saḷaku yobayat topogaidan i Allah, kami in mononggina kon i monimu; donaai tongá pomayá mako in totabi i Allah inta ain inogoi-Nea kon i monimu.

GALATIA 4:12

Utatku mita! Poigumonku kon i monimu sinbá moiko in moibog mobaḻí ná akuoi. Sin akuoi ain domandon nobaḻí ná moiko. Bo kinotaauanku in moiko in diápabí kon dodai onda in nogaid kon inta diá mopia kon inakó.

PILIPI 1:27

Dá tuamai naa in poigumonku, kobiagbí in moiko podudui in onu inta pinoigum kon bonu in Habar Mopia i Kristus, sinbá aka moiangoi in akuoi yo diá bo diá kodongogankudon, kon moiko in umuranbí notobatú kon gina bo raian in moramuji mogaid kon onu inta pinirisaya podudui in Habar Mopia nongkon i Allah.

PILIPI 3:16

Táe umurai tarukira in tanaa: Musti in kita umuran mobiag dumudui kon atorang inta ain dinuduian naton dapot in tanaa mako.

TESALONIKA 1 5:13

Umuranbí horomat bo kotabi in mosia tua, sin oaidan inta inaidan monia tatua in deemanbí tongá ibo-ibog. Kobiagbí motompia bo umuran mototabian in moiko.

TESALONIKA 2 2:1

Soaḷ koangoian i Yesus Kristus Tuhan naton, bo soaḷ posipunan kon i naton sinbá mogutun takin-Nea, naabí in totok poigumonku tanaa kon i monimu:

TIMOTIUS 1 5:21

Kon tayowon i Allah, bo i Yesus Kristus bo in malaekat mita inta piniḻí-Nea, pogumankudon kon inimu sinbá dumuduidon in iko totu-totuu kon onu inta sinundúku mita tanaa, ḷumbúbí in raianmu inta diá mopia kon i inekabí bo aidaidon in naa komintan bo dikabí mopoyoposi kon intau.

TIMOTIUS 2 4:1

Ki Kristus Yesus in mamangoi bui kon dunia naa sin monantúdon kon taḷá in intau mita inta nobiagpa bo inta ain minatoi. Bo mamangoidon in Sia momarenta saḷaku Datu. Tuamai kon tayowon i Allah bo i Yesus Kristus, poigumonkudon totok kon inimu.

YOSUA 22:15

Dá nodapotdon in mosia kon tampat in suku i Ruben, i Gad bo suku i Manasye kon butá in Gilead.

PETRUS 1 2:11

Utat mita inta kinotabiku! Moiko nion in intaubí mokokiangoi bo momomaḷancong kon dunia naa. Akuoi in mononggina kon inimu, donaai tongá umuran dumudui kon ibog in awak naa inta umuran mobobayowan moḷawang kon jiwa.

PETRUS 1 5:10

Táe naonda in moiko nokorasa kon roriga motoyong, yo ki Allah tontaní in moposompurna kon i monimu. Potorindogon-Nea bo iropotan in moiko. Sin Sia in Allahbí inta totok mopia in gina, inta ain nogoiní kon i monimu sinbá moitakin doman mokorasa kon kopia-Nea inta mononoi pongin i Kristus.