KOLOSE 4:18 - Alkitab Singog In Mongondow Masa In Tanaa

¹⁸ Salam nongkon inakó, ki Paulus. Akuoibí tontaní in nomais kon salam tanaa. Dika koḻiongan kon akuoi in kon bonupa in ponjara! Igumon mako umuran barakatan i Tuhan in moiko. Horomat nami, Ki Paulus

KOLOSE 4:18 ပူးပေါင်းရင်းမြစ်များ

SURAT I PAULUS KON JAMAAT RUM 16:20

Ki Allah inta mobogoi in kobiagan motompia kon intau, mopotungkudbí in Ibilis kon ḻimonag in kawasamu bo rimumudonmu in sia. Poigumon doman mako, moiko in umuran barakatan i Yesus Kristus, Tuhan naton!

SURAT I PAULUS KON JAMAAT RUM 16:22

Nomais kon surat tanaa in akuoi ki Tertius. Akuoi in mopoyaput in salam pogogutat kon i monimu.

SURAT I PAULUS KON JAMAAT RUM 16:23

Ki Gayus nopoyaput doman in salam kon i monimu. Akuoi in nongandupa kon baḷoinea, bo jamaat nami nongandupa doman noibada kon tua. Ki Erastus, tobatú itoi in mokokadai kon doit kon kotá nokipoyaput doman in salamnea kon i monimu. Ná doman tua in ki Kwartus, ki utat naton. [

KORINTUS 1 16:21

Akuoi tontaní in nomais doman kon salamku tanaa: Salamku, ki Paulus.

PILIPI 1:7

Totuubí kon diábí moitaḷá in raianku tanaa kon i monimu, sin moiko umuran kon gina-ginaku mako, popisí in moiko ain nokouḻí domandon kon totabi bo barakat i Allah inta inogoi kon inakó; kon tungkuḷ in akuoi kon bonupa in ponjara tanaa mako ande kon tungkuḷ in kon ḷuaidon mobela kon kinobobanar in Habar Mopia tatua.

KOLOSE 4:3

Sambayangai doman in kami sinbá ogoian i Allah in kasampatan mopia kon mopotaa-taau mako in habar soaḷ inta noibuni kon i Kristus. Inta lantaran soaḷ tatuata dá tanaa mako akuoi binonu kon ponjara.

TESALONIKA 2 3:17

Akuoi, ki Paulus mopoyaput in salam kon i monimu. Akuoibí tontaní in nomais kon surat tanaa. Naa in tanda pinakéku kon bonu in bayongan suratku.

TIMOTIUS 1 6:21

Sin oyúondon in intau inta motundú kon natua sahingga in doídon mosia dinumudui kon onu inta sinundú i Kristus Yesus. Igumon mako ki Allah in umuran mobogoi in barakat bo totabi kon i monimu komintan. Horomat nami, Ki Paulus

TIMOTIUS 2 1:8

Manangka intua dikabí moondok in mopotaau bo moguman kon onu inta inaidan i Tuhan naton. Dika doman mooyá, sin akuoi in pinobonu kon ponjara popisíbí in mopirisaya kon i-Nia, táe pakébí in ropot inta inogoi i Allah motanggung moyotakin kon roriga sin mopoyaput in Habar Mopia tatua.

TIMOTIUS 2 4:22

Poigumon mako ki Allah in umuran moyotakinmu bo umuran doman mobogoi in barakat kon i monimu komintan! Horomat nami, Ki Paulus

TITUS 3:15

Ki utat mita naton inta noyotakinku kon naa nokipoyaput in salam kon inimu. Poyaputpa doman in salam nami kon yobayat mita naton inta mopirisaya kon i Kristus. Poigumon mako ki Tuhan naton in umuran mobogoi in barakat kon i monimu komintan. Horomat nami, Ki Paulus

IBRANI 13:25

Igumonku mako, ki Tuhan in umuran mobogoi in barakat kon i monimu komintan.

IBRANI 13:3

Bo tantúdon kon gina mako in mosia inta kon bonu in ponjara naonda bo moiko kon bonu doman in ponjara noyotakin monia. Bo intau mita inta pinomia ibo-ibog umuran kon gina-gina doman mako in mosia naonda bo pinomia doman natua in moiko.