KOLOSE 3:7 - Alkitab Singog In Mongondow Masa In Tanaa

⁷ Koḻipod moiko in dinumudui doman kon ibog natua mita, wakutu in kinawasaannea in moiko.

KOLOSE 3:7 ပူးပေါင်းရင်းမြစ်များ

SURAT I PAULUS KON JAMAAT RUM 7:5

Sin koḻipod kita in nobiag podudui ibog in awak naa. Kon wakutu intua ibog mita inta mokobaradosa in nomuká sin oyúon in hukum agama, bo tua in nokadai kon inaton. Manangka intua kita in mogaid kon soaḷ mita inta mokopopisí kon kopatoian.

KORINTUS 1 6:11

Koḻipod oyúon in kon sigad monimu in umuran mogaid kon natua mita. Táe tanaa in poniatadon kon nodaritdon in moiko nongkon bayongan oaid inta diá mopia. Moiko in nobaḻídon umat i Allah inta piniḻí-Nea. Moiko buidon noyobayat i Allah, sin nopirisayadon kon i Tuhan Yesus Kristus bo popisí kawasa doman in Roho inta nongkon i Allah naton.

EPESUS 2:2

Wakutu intua moiko in dinumudui kon kabiasaan mita in dunia naa; tua in mangaḻenea moiko in dinumudui kon mongongawasa kon baḷangon, tuata in roho inta masai naa nongawasa kon gina in intau mita inta diá motoindudui kon i Allah.

KOLOSE 2:13

Koḻipod, moiko ain minatoi secara rohani popisí in moiko binaradosa, bo popisí in moiko diá sinunat inta inaidan in intau. Táe tanaa ki Allah ain nomiag kon i monimu noyotakin i Kristus. Ki Allah ain nongampung kon bayongan dosa naton,

TITUS 3:3

Sin koḻipod in kita tontaní in nobodokbí doman, diá noitutui bo diá motoindudui. Kita sinonggata in norupa-rupamai in ibog in awak naa ande in dunia naa; kita in noyobiag takin niat mita inta moraat, tantú mointoi bo mososaturuan.