KOLOSE 3:19 - Alkitab Singog In Mongondow Masa In Tanaa

¹⁹ Bo moiko utat mita buḷoi ḷoḷaki, kotabibí in ki buḷoimu, dikabí rumomú kon inia.

KOLOSE 3:19 ပူးပေါင်းရင်းမြစ်များ

KINOBAḺIAN 24:67

Nopaḷut mako kon tua ki Ishak nodia kon i Ribka sinumuot kon ḷoḷaigan i Sara, ki inánea, bo sinonibuḷoineadon in ki Ribka. Ki Ishak motabi totok kon i Ribka; dá noḻipoidon in susa i Ishak popisí in kinopatoiandon i inánea.

MOHOHUTUBA 9:9

Paké in kobiagan takin i buḷoimu inta kinotabimu kon bonu in kobiaganmu inta diá in baragunanea, inta inogoi i Allah kon inimu kon dunia. Pakébí muḷoi in singgai umpaka diá in baragunanea. Sin tongábí tua in tondan in irorigaanmu.

LUKAS 14:26

“Aka intau mamangoi kon i-Nakó, táe sia in motabi-tabi kon i iná bo kon i amánea andeka kon i adíneabí bo kon i buḷoinea bo kon awaknea tontaní, yo sia tua in diá motaau mobaḻí dumodudui-Ku.

SURAT I PAULUS KON JAMAAT RUM 3:14

Bibig monia nopuḻing in singog inta pogodi-godi bo pohojat.

EPESUS 4:31

Ḷumbúdon in bayongan inta mokosakí kon gina, donaaidon motagú kon gina bo rogi. Donaai domandon umuran moyogenggeng bo mosiponapudan in diá totuu bo ḷumbú domandon in bayongan inta moraat.

EPESUS 5:25

Buḷoi ḷoḷaki, musti motabi kon i buḷoinea, ná doman tabi i Kristus kon jamaat inta dapot in noposarakan in awak-Nea sin kopontingan in jamaat tatua.

EPESUS 5:33

Táe tontagá tanaa noyohubung doman i monimu: Tuamai kotabibí in ki buḷoimu naonda bo kototabimu kon awakmu tontaní, ná doman tua, buḷoi bobay in musti tantú moramuji mohoromat kon i buḷoinea.

KOLOSE 3:21

Utat mita, guyanga ḷoḷaki! Dika ponapusuon in gina i adímu mita, sinbá diá moinggamá in harapan monia.

YAKOBUS 3:14

Táe aka moiko in mointoi bo tongá morai kon kopontingan tontaní, donaaibí pongaḷakuang monimu in kabijaksanaan tatua, sin dodia monimu natua in mopoyotuuybí in habar inta nobanar nongkon i Allah.

PETRUS 1 3:7

Moiko doman, ḷoḷaki mita komangartibí kon i buḷoi monimu poḷat doman monotaau kon mosia tua in intaubí mita inta moyangkó. Horomatbí in mosia, sin mosia tua in moyotakin monimu motarima kon tombuinag kobiagan inta mononoi nongkon i Allah. Aidaibí in naa sinbá diá in mokoḷamboi kon sambayang monimu.