KOLOSE 3:17 - Alkitab Singog In Mongondow Masa In Tanaa

¹⁷ Bayongan inta aidan andeka singogon monimu, yo aidai ande singog komintan podoyon kon tangoi i Tuhan Yesus. Poyaputdon in sukurmu kon i Allah ki Amá naton sin bayongan inta pinomia i Yesus kon inimu.

KOLOSE 3:17 ပူးပေါင်းရင်းမြစ်များ

DATU MITA IMITÁNEA 18:32

Batu mita tatua in pinomia bui i Elia mezbah tampat posumbaan kon i Tuhan. Kon ḻibu in mezbah tatua kinaḻiannea doman in got inta mobaḻídon in koḷobennea dá mokosipundon kon tubig degá mopuḷúmai bo ḻima noliter.

AMSAL 3:6

Toropbí in ki Tuhan kon bayongan in aidanmu, dá tundúon-Neabí in kobobiagmu inta mopia.

MIKHA 4:5

Bayongan in bangusa kon dunia naa in mosumba bo motoindudui kon dewanea tontaní. Táe kita in motoinduduibí kon i Tuhan Allah naton bo mosumba kon i-Nia modapot in mononoi.

MATIUS 28:19

Tuamai, bayádon, bo baḻídon in bayongan intau dumodudui-Ku, bo baptisdon in mosia podoyon kon tangoi i Amá, Adí, bo in Roho i Allah.

OUMAN IN RASUL MITA 19:17

Bayongan intau in Yahudi bo intau mita ibanea inta nogutun kon Epesus komintan nokodongog kon soaḷ mita tatua, dá nongoondok in mosia bo totok in nodayow kon tangoi i Tuhan Yesus.

OUMAN IN RASUL MITA 4:30

Tuḷungaipa in kami sinbá intau mita nongotakit modait mopia bo onu inta diá motaau aidan in intau, yo mobaḻí sin kawasa bo ropot inta pinodoyon kon tangoi i Yesus, simpaḷ-Mu inta ain piniḻí-Mu tua.”

SURAT I PAULUS KON JAMAAT RUM 1:8

Muna-munamai pongin i Yesus Kristus, akuoi mopoyaput in sukur moantó kon i Allah sin moiko in totok bidon in mopirisaya kon i Kristus.

KORINTUS 1 10:31

Onukabí in aidan monimu – pinomayá kaanon ande inumon – yo aidaibí komintan takin mopoyaput in sukur kon i Allah.

EPESUS 1:17

Akuoi in mopoigum kon i Allah, inta ki Tuhan naton ki Yesus Kristus, ki Amá inta momulia totok, sinbá ogoian in Roho-Nea in moiko. Roho tatua in mopobaḻí kon i monimu mobijaksana bo poontong-Nea in ki Allah kon i monimu, sahingga in kotaauandon monimu in Sia.

EPESUS 5:20

Umurandon in moiko mopoyaput in sukur kon i Allah, ki Amá naton kon bayongan in yagi-yagi podoyon kon tangoi Yesus Kristus, ki Tuhan naton.

PILIPI 1:11

Moiko in mobiag takin oaid mita inta totu-totuu mopia inta tongábí mouḻí nongkon i Yesus Kristus tontaní, dá ki Allah pomuliaan bo dayowon.

PILIPI 2:11

Bo akúonbí monia komintan kon ki Yesus Kristus tua in Tuhanbí; takin natua dá ki Allah, ki Amá naton in pinomuliadon.

KOLOSE 1:12

bo diá doman mokoḻiong in mosukur kon i Amá, sin ki Amá tua in nopopatus motarima kon onu inta sinadia i Allah kon umat-Nea inta nobiag kon bonu in bayag.

KOLOSE 2:7

bo monguakat kon bonu i Kristus Yesus. Moiko in musti moposindogdon in kobiaganmu bo ki Kristus in dodoyonanmu. Mustidon modugang in pirisaya monimu kon i Kristus, podudui in onu inta ain sinundú kon i monimu. Bo ginamu in umurandon moibo-ibog mopoyaput in sukur moantó.

KOLOSE 3:15

Pakédon in dodamean inta inogoi i Kristus, sinbá kawasaan-Neadon in ginamu, sin tuabí in mangaḻe pinogoinían kon i monimu motobatú kon awak, bo umuranbí posukur kon i Allah.

KOLOSE 3:23

Onukabí in pokiaid kon i monimu, aidaibí totu-totuu takin sanang gina, naonda bo mobantung kon i Tuhan, deemanbí tongá kon intau.

TESALONIKA 1 1:1

Utatku mita jamaat kon Tesalonika, inta ain nobaḻí umat i Allah ki Amá naton bo i Tuhan Yesus Kristus: Akuoi ki Paulus, ki Silwanus bo ki Timotius in umuran mopoigum kon i Allah sinbá tantú-Nea ogoian in barakat bo kobiagan motompia in moiko.

TESALONIKA 1 5:18

Naondakabí in kaadaan monimu, yo tantúbí posukur, sin tuata in kinoibog i Allah aidan monimu saḷaku intau mita inta ain nobiag notobatú i Yesus Kristus.

IBRANI 1:5

Sin diábí kon dodai in onda ki Allah in noguman kon tobatúmai in malaekat, “Iko in ki Adí-Ku, singgai naa Akuoi in nobaḻí ki Amá-Mu.” Bo diábí doman kon dodai in onda ki Allah in noguman kon malaekat mita nanaa: “Akuoi in mobaḻí ki Amá-Nea, bo Sia in mobaḻí ki Adí-Ku.”

IBRANI 13:15

Tuamai potonsigad naton kon i Yesus, kita in musti umuran modayow kon i Allah; tua in nobaḻí kuruban sukur naton kon i-Nia, inta pinosumba naton pinongin singog in bibig sin mopomulia kon tangoi-Nea.

PETRUS 1 2:5

Moiko nion in batu mita inta nobiag. Tuamai moiko in musti moibog pakéon pobaḷoi kon baḷoi i Allah inta kon soroga. Takin natua moiko in mobaḻí imang mita inta nobiag tongádon kon i Allah, bo inta pinongin i Yesus Kristus noposumba kon i Allah in kuruban inta mokosanang kon gina-Nea.

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.

PETRUS 1 4:11

Intau inta mopoyaput in habar, sia mustibí mopoyaput in habar nongkon i Allah, intau inta mobantung kon intau ibanea, mustibí pakéonnea in ropot inta nongkon i Allah, sinbá kon bayongan in yagi-yagi ki Allah in dayowon pongin i Yesus Kristus. Sia tua in kitogi kamuliaan bo kawasa inta mononoi. Amin.

YOHANES 1 2:23

Intau inta diá motarima kon i Adí, dá mangaḻenea sia in diá doman motarima kon i Amá.

YOHANES 1 3:18

Adíku mita! Donaaibí in kita motabi tongá kon bibig ande tongá kon singog, táe poniatabí in tabi tatua kon oaid naton.