KOLOSE 3:13 - Alkitab Singog In Mongondow Masa In Tanaa

¹³ Mokoposabar kon tumpaḷa intau, mosiampungan aka oyúon intau in motagú kon yaat in ginanea kon intau ibanea. Nosanangbí in gina i Tuhan nongampung kon i monimu, tuamai in musti doman mosiampungan in moiko.

KOLOSE 3:13 ပူးပေါင်းရင်းမြစ်များ

AMSAL 19:11

Intau mobijaksana in mokoigonbí kon torúnea. Sia in dayowon sin diá mopandungmai kon taḷá in intau kon inia.

MATIUS 5:44

Táe tanaa Akuoi in moguman kon inimu: kotabibí in saturumu bo sambayangaidon in mosia inta nomogutú kon inimu,

MATIUS 6:12

Bo ampungaidon taḷá nami, ná doman kami ain nongampung kon intau inta kotaḷá kon inami.

MARKUS 11:25

Bo aka moiko mosambayang, táe oyúonpa intau diá kinosanang in ginamu, yo ampungaipa muna in intau tatua, sinbá ampungan doman i Amámu inta kon soroga in bayongan dosamu. [

LUKAS 11:4

Ampungaidon in taḷá mita nami, sin kami in nongampung domandon kon intau inta kotaḷá kon inami. Bo donaai pomayá mako in kami kobuḻian in pirisaya kon dodai in kami koantugan in totungkuḷ.’ ”

LUKAS 23:34

Bo ki Yesus in nosambayang, “Amá ampungaidon in mosia sin diábí kinotaauan monia onu inaidan monia naa.” Onda intua, pakeang i Yesus sinilaidon monia kon tua táe munapa inundi.

SURAT I PAULUS KON JAMAAT RUM 15:7

Manangka intua poigumonku kon i Utat mita, moiko in musti umuran mositarimaan takin sanang in gina, notongkai ná pinototarima i Kristus kon i naton sin mopomulia kon i Allah.

KORINTUS 2 2:10

Aka moiko bo mongampung kon intau inta ain nogaid kon taḷá kon i monimu, yo ampungankubí doman in intau tatua. Sin onu inta ain inampunganku – aka totu-totuubí oyúon in paraḷu ampungan – yo ampungankubí kon tayowon i Kristus sin tua in kopiaanbí monimu.

KORINTUS 2 6:6

Takin gina motuḻid, mobijaksana, mosabar bo mopia in gina, pinoniatadon nami kon kami in mogogundoibí i Allah. Bo takin kinumadai kon totuḷung in Roho i Allah, bo takin tabi inta noiḷuai nongkon gina inta motuḻid,

GALATIA 6:2

Mosituḷungan aka mokoontong kon roriga ande oaidan in intau ibanea, sin aka tua in aidan monimu yo dinumuduidon kon parenta i Kristus in moiko.

EPESUS 4:2

Umuranbí pokopoompá kon dodia, mokopoaḷus kon pososingog bo umuran domandon mokoposabar. Popoontongbí in tabimu kon oaid inta moibog mosituḷungan.

EPESUS 4:32

Táe mokopopia kon gina kon tumpaḷa intau, bo moiko in musti domandon mototabian, bo mosiampungan naonda bo ki Allah inta ain nongampung kon i monimu pinongin i Kristus.

EPESUS 5:2

Kobiagbí takin oyúon tabi, ná ki Kristus motabi kon i naton. Sia in nopokuruban in kobiagan-Nea kon i naton bo nobaḻí tobatú sosumba inta totok in mobondu bo inta mokosanang kon gina i Allah.

KOLOSE 3:12

Utat mita, moiko nion in umatbí i Allah inta ain sinotabi bo piniḻí-Nea mobaḻí kapunyaan-Nea tontaní. Tuamai in musti popoontong doman monimu in totabian, pia in gina, diá motosiḷantud, pososingog moaḷus bo mobahasa kon tumpaḷa intau bo mosabar aka koantugan in roriga.

YAKOBUS 2:13

Sin diábí poontong i Allah in tabi-Nea kon intau inta diá nonotaau in totabian. Táe tabibí in moḷobe-ḷoben nongkon hukuman!

PETRUS 1 2:21

Sin tuabí in mangaḻe pinogoinían i Allah kon i monimu. Sin ki Kristus tontaní ain notarima kon roriga lantaran moiko, bo tua in toḷadanbí kon i monimu sinbá duduian monimu in onu inta pinomia-Nea tatua.