KOLOSE 2:23 - Alkitab Singog In Mongondow Masa In Tanaa

²³ Memang koontongan soaḷ tatua naonda bo mobijaksana, takin tongganutnea sinbá intau mosumba kon malaekat, mokopoompá kon dodia bo moposikisa in awak; táe bayongan intua diábí in baragunanea monompiamai kon ibog in intau.

KOLOSE 2:23 ပူးပေါင်းရင်းမြစ်များ

SURAT I PAULUS KON JAMAAT RUM 13:14

Pomayádon mako bá ki Tuhan Yesus Kristus in monantú kon onu in musti aidan monimu. Bo dika dumudui kon ibog in awak inta baradosa naa sin mopoorop in onu inta koibognea.

EPESUS 5:29

Diábí kon dodai in onda in intau mosakí in gina kon awaknea tontaní. Táe tompiaan bo ḷukadanneabí ná doman ki Kristus monompia kon jamaat-Nea.

KOLOSE 2:18

Donaaibí pomayá mako monimu in porugionmai in intau mita inta ki ubo-uboḷmai inumompá kon dodia bo inta mosumba kon malaekat mita. Intau tatua in moḷoḷatú takin raiannea mita inta modunia bo dumodia kon inta oontongon mita monia,

KOLOSE 2:22

Bayongan atorang tatua in soaḷbí mita inta naonda in pakéon yo diádon in baragunanea. Tua in tongábí atorang bo totundú mita inta pinomia in intau.

KOLOSE 2:8

Mustibí mokopoingat in moiko, dikabí modapot in oyúon in mokodondouḷug kon i monimu takin raian mita inta tongá pinodoyon kon pandoi in intau inta diá in baragunanea, táe tongá mokopoyaying kon pirisaya. Raian mita tatua in deemanbí nongkon i Kristus, táe tongábí nongkon raian in intau bo nongkon roho mita inta nongawasa kon dunia.

TIMOTIUS 1 4:3

Mosia in motundú kon intau bá diá mobuḷoi bo diá doman mokaan kon kaanon inta ain sinantú monia. Bokaka kaanon tatua in pinomia i Allah sin kaanon takin mosukur kon i-Nia in intau mita inta ain nopirisaya kon i Kristus bo inta ain nonotaau kon totundú inta mobanar nongkon i Allah.

TIMOTIUS 1 4:8

Latihan in awak naa in tongábí topiḻik in baragunanea, táe aka molatih moibada yo moibaragunabí kon bayongan in yagi-yagi, sin oyúon in dandi kon kobiagan tanaa mako bo kobiagan kon singgai moiduduimai.