KOLOSE 2:22 - Alkitab Singog In Mongondow Masa In Tanaa

²² Bayongan atorang tatua in soaḷbí mita inta naonda in pakéon yo diádon in baragunanea. Tua in tongábí atorang bo totundú mita inta pinomia in intau.

KOLOSE 2:22 ပူးပေါင်းရင်းမြစ်များ

YESAYA 29:13

Ki Tuhan in noguman, “Intau mita tatua in tongábí mosumba kon i-Nakó pongin tosingogon, táe gina monia in moyayúbí kon i-Nakó. Agama monia in tongábí atorang in intau inta ihapal.

YESAYA 29:18

Kon dodai intua intau bongoḷ in mokodongogdon kon tosingogon mita nongkon buk tobatú inta binaca, bo intau bilog inta koina nobiag kon bonu in sindip in mokoontongdon.

DANIEL 11:37

Ki Datu tatua in diábí mopandungmai kon i dewakabí táonda inta sinumba in mogoguyangnea, noitakin doman in dewa sosumbaanmai in bobay mita. Diábí pinandungneamai in dewa mita tatua sin inanggapnea kon siabí in moḷobe-ḷoben nongkon i monia.

YOHANES 6:27

Donaaibí mogaid sinbá mokouḻí kon kaanon inta modai-daitpa bo inta mobongkog. Táe pogaidbí sinbá mokouḻí kon kaanon inta diá mobongkog bo inta mobogoi in kobiagan mononoi. Kaanon tatua in ogoibí i Adí Intau kon i monimu, sin Sia ain ilantik i Allah inta ki Amá.”

KORINTUS 1 6:13

Oyúon doman in nosingog kon kaanon tua in pinobonubí kon sian, sin sianbí in sinantú tampatnea. Táe sian bo kaanon tumpaḷabí diá in baraguna kon i Allah. Tuamai pakébí in awakmu mogaid kon onu inta kinoibog i Tuhan, deemanbí mogaid kon inta kinodoí-Nea sahingga in umuran-Neabí ḷukadan in awakmu.

KOLOSE 2:21

“Donaai mokadai kon naa”. “Donaai mokaan kon tua”. “Donaai moḻiai kon naa?”

TITUS 1:14

diádon tongá umuran mokidongog kon ouman mita in intau Yahudi bo hukum in intau mita inta doí motarima kon inta moitutui.

PETRUS 2 2:12

Táe aid in intau mita tatua in moiḻiudon totok! Mosia tua in naonda bo mahaḷuk inta pinononggadí sin domokon bo ḻimodon. Mosia tua in diábí morai, tongábí mogaid podudui in onu inta kinoibog monia aidan, sahingga in onu inta diá kinomangaḻean monia totokdon in singkuḻeon monia. Dá oaid bidon monia tontaní in mokobodito kon i monia tua naonda bo mahaḷuk mita inta mongoromú.

WAHYU 17:18

Bobay inta inontongmu tatua in kotábí moḷoben, inta nomarenta kon datu mita kon dunia naa.”