KOLOSE 2:12 - Alkitab Singog In Mongondow Masa In Tanaa

¹² Sin kon wakutu in moiko binaptis, moiko in iḷobongdon noyotakin i Kristus; bo takin doman baptisan tatua, moiko in noitakin doman biagon bui moyotakin i Kristus popisí in moiko mopirisaya kon kawasa i Allah inta ain nomiag kon i Kristus nongkon kinopatoian.

KOLOSE 2:12 ပူးပေါင်းရင်းမြစ်များ

LUKAS 17:5

Dá rasuḷ mita tatua in noguman kon i Tuhan Yesus, “Tuhan, iropotaidon in pirisaya nami.”

OUMAN IN RASUL MITA 14:27

Naonda in noiyaputdon kon Antiokhia, nodait monia sinipun in bayongan jamaat, bo pinongongumanan kon onu inta aindon inaidan i Allah kon i monia. Bo inouman doman monia in totuḷung i Allah nobuká kon daḷan nodapot in intau mita inta deeman Yahudi nopirisaya kon i Yesus.

OUMAN IN RASUL MITA 2:24

Táe Sia in biniag bui i Allah. Sia in pinilatan nongkon roriga in popatoi, sin diábí motaau aka Sia in umuran kon bonu in kawasa in popatoi.

OUMAN IN RASUL MITA 2:32

Ki Yesusbí naa inta ain biniag i Allah nongkon kinopatoian. Kami naa in nokoontong tontaní kon tua komintan.

SURAT I PAULUS KON JAMAAT RUM 4:24

táe kon i natonbí doman. Kita in tarimaanbí doman i Allah saḷaku intau inta ain nokosanang kon gina-Nea, sin kita in nopirisaya kon i Allah inta ain nomiag bui kon i Yesus, ki Tuhan naton.

SURAT I PAULUS KON JAMAAT RUM 7:4

Natua domandon in moiko utatku mita. Kon hukum agama in Yahudi, moiko ain minatoi, sin moiko ain sinobatú takin awak i Kristus bo nobaḻídon kapunyaan-Nea inta ain biniag bui nongkon kinopatoian. Sia biniag nongkon popatoi sinbá kita in mobaragunadon kon i Allah kon dodai in mobiagpa.

KORINTUS 1 12:13

Natua doman in kita komintan, intau in Yahudi ande deeman, ata ande deeman; kita komintan ain bidon binaptis in Roho inta kotangoianmai naa, sinbá motobatúdon in kita kon awak i Kristus bo mokorasa doman kon Roho inta notongkai doman tatua.

KORINTUS 1 15:20

Táe totu-totuubí kon ki Kristus aindon biniag bui nongkon sigad in intau mita minatoi. Bo Siata inta nopobaḻí dodoyonan in pirisaya naton kon intau mita inta ain minatoi in biagonbí bui.

GALATIA 3:27

Moiko komintan aindon binaptis pinodoyon kon tangoi i Kristus, dá sipat mita i Kristus oyúon bidon kon i monimu.

EPESUS 2:8

Ki Allah in motabi kon i monimu, tuamai in pinosaḷamat-Nea in moiko sin nopirisayadon kon i Kristus in moiko. Moiko in nosaḷamat deemanbí lantaran ḷopí monimu tontaní. Tua in totabibí i Allah. Manangka intua diábí motaau in tobatúmai intau dumodia kon soaḷ tatua.

EPESUS 3:17

Igumondon mako ki Kristus inta pinirisaya monimu in mogutundon kon bonu in gina monimu bo moiko in mobiag moidoyon kon bonu in tabi.

EPESUS 3:7

Ki Allah ain noponotabi kon i nakó in oaidan mopoyaput magí-mako in Habar Mopia tatua. Sinarimaku in totabi tatua pinongin kawasa i Allah inta nogaid kon bonu in awakku naa.

EPESUS 4:5

Tongábí doman tobatú in Tuhan, tobatú in pirisaya, tobatú in baptisan,

EPESUS 5:14

Tuamai singog in nanaa, “Pobangondon, moiko inta nosiug, bo pobangondon nongkon sigad in intau minatoi! Dá sambayanganbí i Kristus in moiko.”

PILIPI 1:29

Sin moiko inogoian bidon i Allah in totabi inta deemanbí tongá mopirisaya kon i Kristus, táe poḷatbí doman motanggung kon roriga-Nea.

KOLOSE 1:29

Sinbá koyaputanku intua, dá tuamai akuoi in moramuji totok in mogaid. Akuoi in moramuji takin bayongan ropot inta inogoi i Kristus kon inakó bo inta nongawasa doman kon inakó.

KOLOSE 2:13

Koḻipod, moiko ain minatoi secara rohani popisí in moiko binaradosa, bo popisí in moiko diá sinunat inta inaidan in intau. Táe tanaa ki Allah ain nomiag kon i monimu noyotakin i Kristus. Ki Allah ain nongampung kon bayongan dosa naton,

IBRANI 12:2

Mogaid in kita kon tua takin umuran mopirisaya kon i Yesus, sin Sia tuata inta nopobangon kon pirisaya naton bo umuran noḷukad kon pirisaya naton nongkon pinomangkoianpamai dapot in pangabisannea. Nonahangbí in ki Yesus in iyoyiga kon kayu pinoyotaḻempang! Diábí pinandung-Neamai in matoi kon kayu pinoyotaḻempang tua kon totokbí in mokooyá. Tongábí ḷunganga inta korasaan-Nea kon singgai moiduduimai in umuran pinonorop-Nea mako. Bo tanaa mako, Sia in iḻimitúdon kon dotá in koḷanan i Allah bo nomarenta noyotakin-Nea.

IBRANI 6:2

ande totundú inta pinodoyon kon baptisan andeka soaḷ momarakat kon intau ande soaḷ kobiagan bui naonda in matoi, andeka doman soaḷ kobiagan mononoi.

PETRUS 1 3:21

Dá bá kotaauandon monimu kon onu inta nobaḻídon tatua nobaḻí oḻinow in baptisan inta nokosaḷamat kon i monimu tanaa. Baptisan tatua in deeman tobatú upacara pondaritan kon bayongan inta nokotor kon awak, táe tua in dodandianbí kon i Allah inta nongkon bonu in ginamu inta mopia. Baptisan tatua in mokosaḷamat kon i monimu sin ki Yesus Kristus ain nobiag bui nongkon kinopatoian,