KOLOSE 1:29 - Alkitab Singog In Mongondow Masa In Tanaa

²⁹ Sinbá koyaputanku intua, dá tuamai akuoi in moramuji totok in mogaid. Akuoi in moramuji takin bayongan ropot inta inogoi i Kristus kon inakó bo inta nongawasa doman kon inakó.

KOLOSE 1:29 ပူးပေါင်းရင်းမြစ်များ

LUKAS 13:24

“Poramujidon tumuot kon ngara inta mosisí! Sin pokoingat! Mobarongdon totok in intau moramuji in tumuot kon daḷan tatua táe diá mokotuot.

SURAT I PAULUS KON JAMAAT RUM 15:20

Kon ginaku naa in mopotaaubí in Habar Mopia nongkon i Allah kon tampat inta intaunea mita in diápa nokodongog kon soaḷ ki Kristus tua. Sin doíbí in akuoi moposindog in oaidan kon pondasi mita inta ain pinomia in intau ibanea.

SURAT I PAULUS KON JAMAAT RUM 15:30

Podoyon kon tangoi i Tuhan naton ki Yesus Kristus, bo podoyon kon tabi inta inogoi in Roho i Allah, igumonku totok sinbá moiko in moyotakinku mosambayang kon i Allah.

KORINTUS 1 12:11

Tua komintan in tongábí inaidan in Roho i Allah tobatú tatua; pomuḷoi in intau in mokouḻíbí kon totabi noyo-noyoposimai poduduibí ibog in Roho tatua.

KORINTUS 1 12:6

Bo norupa-rupamai in pogogaid kon oaidan i Tuhan, táe ki Allah inta nobogoi in ropot mogaid kon oaidan tatua Sia-Siakabí doman.

KORINTUS 1 15:10

Tongá sinotabipabí i Allah, dá oyúonpa komangoi in tanaa. Bo totabi i Allah kon inakó in diábí inta diá in mangaḻenea. Sin akuoibí in moraji-morajing kon sigad in rasul mita ibanea. Táe sabanarnea in deemanbí tongá uḷatku tontaní; táe nongkon i Allahbí inta ain nonotabi kon inakó bo siabí doman inta ain nogaid noyotakinku.

KORINTUS 2 11:23

Degá mogogaid mita i Kristus in mosia? Kodongogan naonda bo diá moratak in akuoi táe totuubí kon akuoibí naa in mogogaid i Allah inta mopia-pia nongkon i monia tua. Akuoi in umuran morajing in mogaid, mokakit in akuoi bonuon monia kon ponjara, bo mokakit doman akuoi in rorigaan monia gogió bo matoi.

KORINTUS 2 13:3

Dá moiko in mokouḻíbí kon bukti inta totok in kinoibog monimu kon memang totuubí kon ki Kristusbí in mosingog pinongin inakó. Tongá aka Sia bo mopoaidon diábí tongá dumondouḷug, táe popoontong-Neabí in kawasa-Nea kon yua-yuak monimu.

KORINTUS 2 5:9

Tuamai kami in totok moramuji moposanang kon gina i Allah, kon wakutu in mobiagpa kon dunia naa ande kon baḷoi inta ain sinantú i Tuhan.

KORINTUS 2 6:5

kami in sinikisa, pinobonu kon ponjara, iḷoḻibutan binongkug, kami totok in mogaid, mokakit in diá mosiug bo mokakit doman in kodaitan kaanon.

EPESUS 1:19

bo moḷoben totok in kawasa-Nea kon i naton inta mopirisaya, notongkai in ropot in kawasa-Nea inta moḷoben

EPESUS 3:20

Takin kawasa i Allah inta tantú moigonú kon bonu in gina naton, motaau in ki Allah mogaid kon mobayo-bayong nongkon onu inta motaau igumon andeka inta koraian naton.

EPESUS 3:7

Ki Allah ain noponotabi kon i nakó in oaidan mopoyaput magí-mako in Habar Mopia tatua. Sinarimaku in totabi tatua pinongin kawasa i Allah inta nogaid kon bonu in awakku naa.

PILIPI 1:27

Dá tuamai naa in poigumonku, kobiagbí in moiko podudui in onu inta pinoigum kon bonu in Habar Mopia i Kristus, sinbá aka moiangoi in akuoi yo diá bo diá kodongogankudon, kon moiko in umuranbí notobatú kon gina bo raian in moramuji mogaid kon onu inta pinirisaya podudui in Habar Mopia nongkon i Allah.

PILIPI 1:30

Tanaa, moiko in noyotakinku nogaid kon oaidan inta notongkai; tuata in oaidan inta nokoimontandon inontong monimu iramujiku totok in koḻipod, bo inta tantúku doman ramujion dapot kon tanaa mako, ná inta dinongogdon monimu masa in tanaa.

PILIPI 2:13

Sin ki Allahbí in mopogonú kon ginamu sinbá moibog bo mokosanggup moposanang in gina i Allah in moiko.

KOLOSE 2:1

Ibogonku in bá kotaauan doman monimu in rorigaku wakutu in noramuji nogaid sin kopontingan monimu bo kopontingan monia inta kon Laodikia bo kon i monia komintan inta diápa nonotaau kon inakó.

KOLOSE 2:12

Sin kon wakutu in moiko binaptis, moiko in iḷobongdon noyotakin i Kristus; bo takin doman baptisan tatua, moiko in noitakin doman biagon bui moyotakin i Kristus popisí in moiko mopirisaya kon kawasa i Allah inta ain nomiag kon i Kristus nongkon kinopatoian.

KOLOSE 4:12

Salam doman nongkon i Epapras. Sia naa intau doman nongkon sigad monimu. Mosia naa in mogogaid doman kon oaidan i Kristus inta umuran mosatia in mosambayang sin kopontingan monimu. Sia totok in mopoigum kon i Allah sinbá mobaḻídon moropot in koyakinan monimu, bo totu-totuudon moguyang in moiko sinbá totu-totuu domandon dumudui kon ibog i Allah.

TESALONIKA 1 2:9

Tantú kinotoropanpabí monimu uḻe utat mita naonda in pinogogaid bo pinororamuji nami. Doḷom bo singgai kami in mogaid sinbá diá tobatúmai in kon sigad monimu in mororiga wakutu in kami nopoyaput in Habar Mopia inta nongkon i Allah kon i monimu.

TESALONIKA 2 3:8

Kami in deemanbí tongá mokaan kon onu in ogoi intau bo diá mogaid, táe kami in iyumoyigabí totok in mogaid doḷom bo singgai sinbá diá tongá mokoposusamai kon intau ibanea.

TIMOTIUS 2 2:10

Tuamai akuoi in notababí in notanggung kon tua komintan lantaran kopontingan in intau mita inta ain piniḻí i Allah, sinbá mosia in mokouḻí doman kon kasaḷamatan inta inaidan i Kristus Yesus bo takin kamuliaan inta mononoi.

IBRANI 12:4

Sin wakutu in moiko moramuji totok in moḷawang kon inta diá mopia, diápabí dodai onda in moiko in nobakuat dapot iḷuaian dugú.

IBRANI 13:21

Poigum mako, ki Allah inta nobaḻí pangkoi in kobiagan motompia, umuran mobogoi in bayongan inta mopia inta paraḷu pakéon monimu mogaid kon onu inta koibog i Allah. Bo poigumon doman mako takin totuḷung i Yesus Kristus, popoaidon i Allah kon i naton in onu inta kinoibog-Nea. Tantúbí dayow in ki Kristus dapot in kopaḷutannea! Amin.

WAHYU 2:3

Moiko in nosabar bo moiko in nokorasa kon yoyiga popisí in nopirisaya kon i-Nakó, táe moiko in diábí kinobuḻian in harapan.