KINOBAḺIAN 50:23 - Alkitab Singog In Mongondow Masa In Tanaa

²³ Sia in nokooḷat bo nokoontongpa kon i adí bo ompu i Epraim. Ná doman tua ki adí mita i Makhir, inta ki ompu i Manasye sinompianeapamai ná ki adínea tontaní.

KINOBAḺIAN 50:23 ပူးပေါင်းရင်းမြစ်များ

KINOBAḺIAN 30:3

Bo ki Rahel noguman, “Naa in bobantungku ki Bilha; posiugdon takinnea sinbá sia mobogoidon in adí kon inakó. Bo bá pongin inia akuoi in mokouḻídon kon buí.”

KINOBAḺIAN 48:19

Táe ki amánea noguman, “Kinotaauankubí uḻeku, kinotaauankubí. Ki Manasye in mobaḻí moḷoben in kawasanea bo buínea in mobaḻíbí doman bangusa inta moḷoben. Táe kawasabí i ai-ainea in moḷobe-ḷoben nongkon kawasanea, bo buí i ai-ainea in mobaḻí bangusa mita inta moḷoben.”

KINOBAḺIAN 49:12

Mopura in matanea sin nonginum kon anggur, nobudó ingiponnea sin nonginum kon susu.

KINOBAḺIAN 50:22

Ki Yusup umuran nogutun kon Mesir takin i utatnea mita; sia in nobiag dapot in umur mogatut bo mopuḷú notaong.

TAWARIKH 1 7:14

Ki Manasye takin ki pahangnea, bobay in Aram tobatú, in kogadí kon ḷoḷaki doyowa: ki Asriel bo ki Makhir. Adí i Makhir in ki Gilead.

AYUB 42:16

Nopaḷut mako in bodito tatua ki Ayub in nobiagpa mogatut bo opat nopuḷú notaong in koonggotnea, dá nokoontongpa in sia kon i ompunea mita nodapot kon ompu kon duḷud.

MAZMUR 128:6

Igumon mako iko in moumur in kobiagan, bo mokoontong kon adí bo ompumu! Igumon mako umat i Tuhan in mobiag motompia!

AMSAL 17:6

Inta mokoḷunganga kon intau inta ain nogoguyang in adí bo ompubí; mokoḷunganga kon adí in guyanganeabí.

PINOGIAPAN 32:33

Bo inogoidon i Musa kon suku mita in Gad bo Ruben bo kon tobotak in suku Manasye in bayongan butá in Sihon, datu in Amori, bo butá in Og, datu in Basan, noitakin doman in kotá mita bo butá kon diugneamai.

PINOGIAPAN 32:39

Inanakan i Makhir, adí i Manasye, nonubu kon butá in Gilead, bo nogagow kon tua bo nopoguntun kon intau mita in Amori inta nogutun kon tua.

YOSUA 17:1

Tongobotak in butá kon dotá in toyopan kon Ongkag in Yordan inogoi kon tongosilai in motoḷuadí buí i Manasye, adí guya-guyang i Yusup. Ki Makhir, ki amá i Gilead, adí guya-guyang i Manasye. Sin sia in tobatú tontara, dá butá in Gilead bo Basan inta noiukat kon dotá in pomukaan kon Ongkag in Yordan inogoi kon inia.