KINOBAḺIAN 50:13 - Alkitab Singog In Mongondow Masa In Tanaa

¹³ Mosia in nodia kon mayatnea pinobayá in Kanaan bo iḷobong kon bonu in angob in Makhpela, kon dotá in pomukaan kon Mamre, kon gobá inta ain sinaḷui i Abraham kon i Epron intau in Het tatua, sin baḻíon poḷoḷobongan.

KINOBAḺIAN 50:13 ပူးပေါင်းရင်းမြစ်များ

KINOBAḺIAN 23:20

Natuata in gobá takin angobnea inta koina kapunyaan intau in Het, nobaḻídon kapunyaan i Abraham inta binaḻídon butá poḷoḷobongan.

KINOBAḺIAN 23:9

sinbá ogoineadon taḷuionku in Angob in Makhpela inta noiukat kon bingkí in gobánea. Poigumdon bá potaḷuineadon tua kon inakó kon naa takin koonto-ontong i Utat mita. Boḻinea daitonkubí ogoi kotompodon, sinbá butá tatua in mobaḻídon kapunyaanku.”

KINOBAḺIAN 25:9

Sia in iḷobongdon i adínea mita, inta ki Ishak bo ki Ismael, kon Angob in Makhpela inta noiukat kon gobá kon dotá in pomukaan kon Mamre. Tungkuḷ intua gobá tatua gobábí i Epron ki adí i Zohar, intau in Het,

KINOBAḺIAN 35:27

Bo noyaputdon in ki Yakub kon i Ishak ki amánea, kon tampat pinogutunannea kon Mamre kon diug in Hebron. (Koḻipod ki Abraham inta ki ḷakinea, nogutun doman kon tua).

KINOBAḺIAN 46:4

Takinan-Ku iko mayá in Mesir, bo bui modia mangoi kon buímu mobui mangoi kon butá tanaa. Bo ki Yusup in mogompigbí kon inimu aka wakutumudon.”

KINOBAḺIAN 47:30

Ibogonku in ḷobongonbí in akuoi kon tampat inta pinoḷobongan kon mogoguyangku; diádon in mayatku nongkon butá tanaa bo ḷobongdon kon tampat poḷoḷobongan kon i monia.” Bo ki Yusup notubag, “Aidankubí onu inta pinoguman i amá tatua.”

KINOBAḺIAN 50:12

Natuadon ki adí mita i Yakub nomia kon onu in tongkoyow i Yakub kon i monia.

KINOBAḺIAN 50:14

Nopaḷut mako in ki Yusup noḷobong kon i amánea, sia in nobuidon minayá in Mesir noyotakin i utatnea mita bo bayongan intau inta noyotakinnea minayá kon pinoḷobongan kon i amánea tua.

DATU MITA 2 21:18

Ki Manasye in minatoi bo iḷobong kon taman in komaḻig, inta taman i Uza. Ki Amon ki adínea ḷoḷaki in nobaḻí datu nonoḻiu kon inia.

OUMAN IN RASUL MITA 7:16

Tuḷan mita monia in dinia domandon minayá in Sikhem bo iḷobong kon tua. Butá inta inuboḻian i Abraham kon suku bangusa in Hemor kon Sikhem.