KINOBAḺIAN 49:28 - Alkitab Singog In Mongondow Masa In Tanaa

²⁸ Tuata in suku Israel inta mopuḷú bodoyowá, bo tosingogon inta siningog i amá monia bo poḷat nobogoi in barakat pangabisan kon i monia kon batúannea.

KINOBAḺIAN 49:28 ပူးပေါင်းရင်းမြစ်များ

KINOBAḺIAN 35:22

Kon tungkuḷ in mosia kon tampatpa tatua ki Ruben nosiugdon noyotakin i Bilha, ki buḷoi amánea inta bobantung tatua. Soaḷ tatua kinodongogan i Yakub, bo sia in totok sinumorú. Ki Yakub kogadí kon ḷoḷaki mopuḷú bodoyowá.

KINOBAḺIAN 49:27

Ki Benyamin in serigala inta morogi. Kon wakutu in doḷo-doḷom sia modomok kon kokaanonnea. Onda in doḷom silaionnea intua magí-mako.”

KINOBAḺIAN 49:29

Onda intua ki Yakub nongoyow kon i adínea mita, “Diádon moonggot in akuoi bo matoidon ná mogoguyangku. Ḷobongdon in akuoi kon símai monia kon bonu in angob kon Makhpela, kon dotá in pomukaan kon Mamre kon butá in Kanaan. Ki Abraham ain notaḷui kon angob bo gobá kon diugneamai nongkon i Epron intau in Het sin baḻíon tampat poḷoḷobongan.

DATU MITA IMITÁNEA 18:31

Nogamá in sia kon batu mopuḷú bodoyowá, batu tobatú mobaḻí toḻiu in suku doman tobatú inta buí i Yakub, intau mita inta ain sinangoi Israel i Tuhan.

ESTER 8:11

Surat mita tatua in noguman kon ki datu in nobogoi kon intau in Yahudi kon batúan in kotá sin motobatú bo moḷawang kon musung. Aka mosia bo tubuon in intau mita takin momaké in pakakat in parang nongkon bangusa bo propinsi in ondakabí, yo motaaubí in mosia moḷawang bo moḻimod kon intau mita inta monubu tatua takin ki buḷoi bo ki adínea mita; motaaubí in mosia moyopú kon musungnea mita modapot in modait bo poḷat mogagow kon kapunyaan in musungnea.

ESTER 8:7

Dá guman i Datu Ahasyweros kon i Bokí Ester bo kon i Mordekhai, “Totuu, ki Haman in binambékudon sin sia in moibog momutú kon intau in Yahudi, bo kapunyaannea in inogoikudon kon i Ester.

ESTER 8:9

Kon singgaipa doman tatua, inta kon singgai in doyowa nopuḷú bo toḷúnea, buḷan intoḷunea, buḷan Siwan, ki Mordekhai in nogoiní kon momais mita i datu bo nomarenta kon i monia nomais kon surat mita kon gubernur mita, kon bupati mita bo kon intau mita moḷoben inta kon 127 in propinsi, pinangkoi kon India noidapot in Sudan. Surat mita tatua in pinais kon bonu in singog bo pais in batúan propinsi mita tatua. Sia in nokidia doman in surat kon intau mita in Yahudi inta pinais kon bonu in singog bo pais in Yahudi.

IḶUAIAN 28:21

Kon batúan in permata musti popokurig in tangoi tobatú nongkon sigad i adí Yakub inta mopuḷú bo doyowa nobaḻí tompoingat kon suku mita Israel.

PINOGIAPAN 23:24

Bangusa tatua nobangon naonda bo singa kobaayan, bo simindog motorindog naonda bo singa koḷakian. Diábí in sia mosiug aka diápa mokaan kon onu in kokaanonnea bo monginum kon dugú in kuruban inta dinomoknea.”

OUMAN IN RASUL MITA 26:7

Dandi doman tatua inta inoḷat mako in intau Israel inta mopuḷú bodoyowá nosuku. Tuamai in mosia mosumba kon i Allah doḷom bo singgai. Bo popisí in akuoi mopirisaya kon dandi tatua, Tuang Datu Agripa, dá intau mita in Yahudi noponapud in taḷá kon inakó.

ULANGAN 33:1

Kon dodai in diápa minatoi, ki Musa, totabá i Allah, nomarakat kon bangusa Israel pinongin tosingogon mita tanaa:

YAKOBUS 1:1

Utatku mita, bayongan in umat i Allah inta noibaya-bayá mako kon dunia! Akuoi ki Yakobus, mogogaid kon oaidan i Allah bo i Tuhan Yesus Kristus, mopoyaput in salam kon i monimu.

WAHYU 7:4

Bo pinotaaudon kon inakó kon mogatut bo opat nopuḷú bo opat noribu in kobayong in intau inta kinompitandon in meterai nongkon i Allah kon pogot monia. Intau mita tatua in ginamá nongkon mopuḷú bodoyowá nosuku in bangusa Israel;