KINOBAḺIAN 49:24 - Alkitab Singog In Mongondow Masa In Tanaa

²⁴ Táe kokaḷ i Yusup umuran motorindog, umuran moropot in piotnea, sin kawasa I Gombala Inta totok in moropot, ki Allah i Yakub, in Mogogoḻiung in Israel.

KINOBAḺIAN 49:24 ပူးပေါင်းရင်းမြစ်များ

KINOBAḺIAN 45:11

Aka ki amá kon Gosyen, yo akuoi in motaau moḷukad kon i amá. Sempo in malarat naa in ḻimapa notaong bo usahaanku sinbá ki papa takin adí mita bain ompu bo ginaḷum bo bobiagon i amá diá in matoi in gogoy.’ ”

KINOBAḺIAN 45:5

Dika moondok ande momanasaḷ popisí in nopotaḷui kon inakó in moiko. Sin in ki Allahbí tontaní inta ain nodia kon inakó namangoi in naa umuna kon i monimu sin moposaḷamat in kobiagan in intau mobarong.

KINOBAḺIAN 45:7

Ki Allah ain nodia kon inakó inumuna kon i monimu sin moposaḷamat kon i monimu pinongin daḷan inta mokoherang tanaa, bo mojamin kon kasaḷamatanmu bo tondoḷ in buímu.

KINOBAḺIAN 47:12

Bo ki Yusup noposadia in onu in paraḷu kaanon i amá, i utat bo bayongan ginaḷum motoḷuadínea, nodapot kon inta adípa mita.

KINOBAḺIAN 48:15

Nopaḷut mako kon tua binarakatannea in ki Yusup, gumannea, “Ki Allah, Sia tuata in ki Tuhan, inta sinumba i Abraham bo i Ishak, Sia tuata inta nokapit kon inakó dapot in tanaa mako;

KINOBAḺIAN 49:23

Umpaka totokdon tubuon in musung, aḷowan monia bo pioton.

KINOBAḺIAN 50:21

Donaai mosingkúang mako in gina. Posadiaankubí in moiko kon onu inta paraḷu pakéon monimu motoḷuadí.” Natuata in pinoḷoḻipoi i Yusup kon ondok i utatnea mita. Sia nopoyaput in tosingogon tatua takin dodia moaḷus bo ḷukó in pososingog.

SAMUEL 2 5:2

Nongkon koḻipod, sedang bo kon tungkuḷpabí in ki Saul nomarentapa kon inami, ki Tuang doman inta nodia kon tontara in Israel pomuḷoi in mayá moparang, apa doman ki Tuhan ain nodandi kon i Tuang kon ki Tuangbí in mobaḻí itoi in umat-Nea bo mobaḻí datu monia.”

DATU MITA 2 13:16

bo ki Elisa in nopotabádon kon inia mosadia momiot. Dá nosadia domandon in ki datu, bo inukat i Elisa in ḻimanea kon tudu in ḻima i datu.

NEHEMIA 6:9

Mosia in moḷongasi mopogogondok kon inami sinbá gogaiandon nami in oaidan tatua. Akuoi in nosambayang, “Oo Allah, iropotai in akuoi!”

AYUB 29:20

Akuoi in tantú dinayow in bayongan intau, bo diá kon dodai in onda nogaat in ropotku.

MAZMUR 118:22

Batu inta iḷumbú in mogogaid mita kon baḷoi, ain nobaḻí batu tongguḷunea.

MAZMUR 132:1

Dondong mayá in Baḷoi Tuhan. O Tuhan, toropdon in ki Daud, bo bayongan in roriganea.

MAZMUR 132:2

Dikabí kaasí koḻiongan in sumbanea kon ini-Mu Tuhan, bo dandinea kon ini-Mu Inta Totok in moropot, Allah i Yakub.

MAZMUR 132:5

kon dodai in diápa moposadia in baḷoi kon i Allah i Yakub, pogogutunan i Tuhan Inta Totok in moropot.”

MAZMUR 18:1

Kon i itoi in Koor. Mazmur i Daud, mogogundoi i Tuhan. Pinodondong kon i Tuhan kon tungkuḷ in ki Daud pinosaḷamat nongkon i Saul bo musungnea mita.

MAZMUR 18:30

Iko in nobogoi in ropot kon inakó sin moyompat kon musung; takin totuḷung i Allahku dinangatanku in dinding in musung.

MAZMUR 23:1

Mazmur i Daud. Ki Tuhan in gombalaku, diábí in diá kon inakó.

MAZMUR 27:14

Pongamangdon kon i Tuhan, iropotai bo irotonai in ginamu; oo, pongamangdon kon i Tuhan!

MAZMUR 28:8

Ki Tuhan in nobogoi in ropot kon umat-Nea, Sia in noduḷu bo noposaḷamat kon datu inta piniḻí-Nea.

MAZMUR 44:7

Sin akuoi in diábí nopongata in piotku, nodapot in kedangku diábí mokoposaḷamat kon inakó.

MAZMUR 73:23

Táe akuoi in umuranbí kon diug-Mu, kinadaian-Mu in ḻimaku koḷanan.

MAZMUR 80:1

Kon i itoi in mododondong. Podudui in dondong: Bungang bakung. Mazmur kosakusian i Asap.

MAZMUR 89:1

Dondong topotundú i Etan, intau in Ezrahi.

IḶUAIAN 3:6

Akuoi naa ki Allah in mogoguyangmu, ki Allah i Abraham, i Ishak bo i Yakub.” Dá ki Musa in nogoḻingoi kon pogotnea, sin moondok in sia moindoi kon i Allah.

YESAYA 1:24

Tuamai in ki Tuhan Inta Totok in Mokawasa, ki Allah in Israel in noguman: “Ei, musung-Ku mita, Akuoi in motuḻíbí kon yaat in gina-Ku kon i monimu, modapot in moiko diádon mokoposusamai kon i-Nakó bui.

YESAYA 28:16

Tuamai, ki Tuhan Inta Totok in moḷantud noguman nanaa, “Akuoi in mogukat kon dodoyonan inta moropot bo motorindog kon Sion; batu orotan tobatú inta moḷoben in mangaḻenea inta pinaisan: ‘Ki ine in morigon in pirisayanea, diábí umundok popisí in taḷowon.’

YESAYA 29:24

Intau bodok in mobalajarbí momangaḻe bo intau inta umuran mongunsingog in mopiabí in ginanea in tundúon.”

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

YESAYA 49:26

Baḻíon-Kubí in musungmu moḷoḷangu in dugú, dá mosia in mosiḻimodandon. Dá bayongan in intau in monotaaudon, kon Akuoi, ki Tuhan, Mopoposaḷamatmu; Inta Totok in moropot, ki Allah i Yakub, in Mototobutmu.”

YESAYA 60:16

Iko in biagonbí in bangusa mita bo in datu mita, naonda bo iná tobatú momiag kon i adínea. Dá kotaauanmudon kon Akuoibí in Tuhan, Mopoposaḷamatmu, bo ki Allah in Israel inta moropot in Mopopoḷuatmu.

ZAKHARIA 10:12

Akuoi in moginropotbí kon umat-Ku, mosia in tumoḷutuibí in mosumba kon i-Nakó. Akuoi, ki Tuhan, ain nosingog.”

ZAKHARIA 3:9

Inukat-Ku kon tayowon i Yosua in batu tobatú inta notompitu inta kinurigan-Ku in pais mita. Tongá tosinggai monag tua ḷumbúon-Ku in dosa nongkon butá tanaa.

MATIUS 21:42

Ki Yesus in noḻibó kon i monia, “Diápa kon dodai in onda degá in moiko nokobaca kon bonu in Buk Motusi inta pinais nanaa? ‘Batu inta iḷumbú in mogogaid mita kon bangunan ain nobaḻí batu inta baraguna totok. Oaidan mita inta mokoherang kon mata naton tatua; aindon inaidan i Tuhan!’ ”

MARKUS 12:10

Bo tantú kinobacaan bidon monimu in tontagá tanaa kon bonu in Buk Motusi, ‘Batu inta diá pinaké in mogogaid kon bangunan nobaḻídon batu inta totok in moponting.

LUKAS 20:17

Bo nobobui in ki Yesus kon i monia bo noḻibó, “Aka natua yo onubí in mangaḻe inta ain pinais kon Buk Motusi nanaa? ‘Batu inta iḷumbúdon in intau mita inta mogogaid kon bangunan nobaḻídon batu inta baraguna totok.’

OUMAN IN RASUL MITA 4:11

Ki Yesusbí tua inta imakusud in tontagá kon Buk Motusi nanaa, ‘Batu inta iḷumbú in intau mita mogogaid kon bangunan, naanta nobaḻíbí batu inta totok in baraguna.’

SURAT I PAULUS KON JAMAAT RUM 14:4

Ki inebí in iko utat, sahingga in musti mopotaḷá kon ata intau ibanea? Moibanting ande moisindog in ata tatua, tua in urusanbí i tuangnea. Bo totuubí kon ata tatua in moisindogbí motorindog, sin mokomampubí in ki Tuhan in moḷukad sahingga in sia tantú simindog motorindog.

EPESUS 2:20

inta pinosindog kon tudu in pondasi inta inaidan in rasul mita bo nabi, bo ki Kristus Yesus in nobaḻí batu inta totok moponting.

ULANGAN 32:4

Ki Tuhan in mododuḷumu inta moroton, oaidan-Nea in motonggimok, bo bayongan daḷan-Nea in motuḻid. Ki Allahmu in mosatia, diábí in tombogá kon i-Nia, Sia in nogaid kon onu inta mopia bo totuu.

ULANGAN 33:27

Ki Allah in umuranbí mobaḻí mototuḷungmu, kokaḷ-Nea inta mononoi in motonoi kon i monimu. Sia in noguntun kon musung nongkon tayowon monimu, bo nopotabá kon i monimu noyopú kon i monia.

ULANGAN 34:9

Ki Tuhan in nobogoi kon i Yosua ki adí i Nun in kabijaksanaan sin sia in piniḻídon i Musa monoḻiu kon inia. Bangusa Israel motoindudui kon i Yosua bo nopobayá in parenta mita inta inogoi i Tuhan kon i monia pinongin i Musa.

KOLOSE 1:11

Igumondon mako, sinbá kawasa i Allah inta momulia in tantú moginrigon kon i monimu, sahingga in umuran mosanang bo mopia in gina monimu wakutu in moyogintayow in bayongan roriga

TIMOTIUS 2 4:17

Táe akuoi in umuranbí iḷukadan i Tuhan; bo inogoian-Neadon in ropot in akuoi sahingga in nokosanggupdon nopoyaput in Habar Mopia tatua, sinbá kodongogan domandon in bayongan intau inta deeman Yahudi, sahingga in akuoi noipilatdon nongkon onu inta mokobodito kon inakó.

YOSUA 17:18

Gamádon in butá inta kon buḷud, sin umpaka butá tatua kayuonpa, motaaubí inginon monimu intua bo baḻíon kapunyaan monimu komintan. Bo soaḷ intau mita in Kanaan tatua, kountunanbí monimu in mosia, umpakabí in mosia moropot bo kokereta mita in parang inta pinomia nongkon uatoi.”

HAKIM MITA 1:22

Suku Epraim bo Manasye buí i Yusup, minayá nonubu kon kotá in Betel, inta kon dodai intua Lus in tangoinea. Bo ki Tuhan in notuḷung kon i monia. Kon tungkuḷ in toimata mita pinotabá minayá in kotá tatua,