KINOBAḺIAN 48:15 - Alkitab Singog In Mongondow Masa In Tanaa

¹⁵ Nopaḷut mako kon tua binarakatannea in ki Yusup, gumannea, “Ki Allah, Sia tuata in ki Tuhan, inta sinumba i Abraham bo i Ishak, Sia tuata inta nokapit kon inakó dapot in tanaa mako;

KINOBAḺIAN 48:15 ပူးပေါင်းရင်းမြစ်များ

KINOBAḺIAN 17:1

Kon tungkuḷ in ki Abram umur siow nopuḷú bo siow notaong, ki Tuhan nokipogontong kon inia bo poḷat noguman, “Akuoi in ki Allah Inta Totok in Mokawasa. Kobiagdon kon tayowon-Ku takin kodu-kodudui kon onu inta kinoibog-Ku.

KINOBAḺIAN 24:20

Onda intua iḻikataneadon binutak in tubig kon bonu in buyung tatua kon tampat pongonginuman in unta, bodongka bui in sia noribatuk minayá in parigí bo nonangkob kinobarong nodapot in bayongan unta nonginum dapot in noguḻí in rogang monia.

KINOBAḺIAN 24:40

Tubagnea, ‘Ki Tuhan inta umuran duduianku, in mopotabábí in malaekat-Nea sin motuḷung kon inimu sinbá onu inta pinoki aidku kon inimu kodapotanpa doman. Iko in mokodungkuḷbí kon bobay inta pobuḷoion i adíku nongkon sigad in ginaḷumku inta nongkon buí i amáku.

KINOBAḺIAN 27:27

Naonda in ki Yakub dinimiug sin mongayok kon inia, kinobóan i Yakub in pakeang i Esau, dá binarakatanneadon in ki Yakub. Guman i Ishak, “Bó mobondu i adíku naonda bó in tampat inta binarakatan i Tuhan.

KINOBAḺIAN 27:4

Dungú kopiraan ná inta kinoibogku, bo diádon mangoi kon inakó. Bo naonda in mopaḷut mako akuoi mongaan, barakatanku in iko kon dodai in akuoi diápa matoi.”

KINOBAḺIAN 28:20

Bo nongibotdon in ki Yakub, “Aka ki Tuhan motuḷung bo mogoḻiung kon inakó kon binayáan tanaa bo poḷat mobogoi kon inakó in kaanon bo pakeang

KINOBAḺIAN 28:22

Bo akuoi in mobogoi kon i Tuhan mopuḷú noporsen nongkon bayongan in yagi-yagi inta inogoi i Tuhan kon inakó. Batu tompoingat inta pinosindogku tanaa in mobaḻí tampat posumbaan kon i Tuhan.”

KINOBAḺIAN 28:3

Poigumon mako ki Allah Inta Totok Mokawasa momarakat kon tonibuḷoimu bo mobogoi kon inimu in adí bo ompu inta mobarong, dapot in iko mobaḻídon bangusa inta mobarong!

KINOBAḺIAN 48:16

Sia tuata in malaekat inta ain nomilat kon inakó nongkon bayongan bodito. Poigumon mako ki Allah tatua in momarakat kon adí mita tanaa. Poigumon mako umuran mobiag in tangoiku bo tangoi i Abraham bo i Ishak sin adí mita tanaa! Poigumon mako mosia in mononggadí mononggompu, bo momuí mobarong kon dunia naa.”

KINOBAḺIAN 49:22

Ki Yusup naonda bo keledai inta batánea, keledai kaḻig kon diug in bokaká, noribatuk kon aḻet in buḷud.

KINOBAḺIAN 49:24

Táe kokaḷ i Yusup umuran motorindog, umuran moropot in piotnea, sin kawasa I Gombala Inta totok in moropot, ki Allah i Yakub, in Mogogoḻiung in Israel.

KINOBAḺIAN 49:28

Tuata in suku Israel inta mopuḷú bodoyowá, bo tosingogon inta siningog i amá monia bo poḷat nobogoi in barakat pangabisan kon i monia kon batúannea.

KINOBAḺIAN 6:9

Naadon in ouman soaḷ ki Nuh. Sia in kogadí kon ḷoḷaki taya toḷu, tangoi monia ki Sem, ki Yapet bo ki Ham. Ki Nuh in diá nogaid kon onu inta noitaḷá, bo tongádon sia in intau mopia kon tungkuḷ intua. Sia in nobiag modagin kon i Allah.

DATU MITA IMITÁNEA 3:6

Ki Salomo in notubag, “Tuhan, pinoontong-Mudon kon motabibí totok in Iko kon i amáku ki Daud, mogogundoi-Mu tua. Mopia in sia, motuḻid in gina bo mosatia kon ini-Mu. Bo inta nobaḻí tomponuot kon totabi-Mu in mononoi kon inia, dá inogoi-Mudon kon inia in adí ḷoḷaki inta tanaa nomarenta nonoḻiu kon inia.

TAWARIKH 1 5:1

Ki Ruben naa in adí guya-guyang i Yakub. Táe popisí in ki Ruben naa in ain nopoonagmai kon kahoromatan in pahang tobatú i amánea, dá haknea saḷaku adí guya-guyang in ginamádon nongkon inia bo inogoi kon i Yusup. Umpaka natua táe inta totok in moropot kon sigad in buí Yakub in deemanbí suku i Yusup táe sukubí i Yohuda. Nodapot inta muna-munamai totok nobaḻí datu kon bayongan umat in Israel in nongkon sukubí i Yohuda tua.

MAZMUR 16:8

Akuoi in umuranbí mokotorop kon i Tuhan; Sia in oyúonbí kon diugku, dá diá in akuoi modandú.

MAZMUR 23:1

Mazmur i Daud. Ki Tuhan in gombalaku, diábí in diá kon inakó.

MAZMUR 37:3

Popirisayadon kon i Tuhan, bo aidaidon in inta mopia, pogutundon kon butá tatua bo kotoḷutuidon.

IḶUAIAN 3:16

Bayá bo sipundon komintan in itoi mita Israel. Potaaudon kon i monia kon Akuoi, ki Tuhan, Allah in mogoguyang monia, Allah i Abraham, i Ishak bo i Yakub, aindon nokipogontong kon inimu. Potaau kon i monia kon Akuoi ain namangoi kon i monia bo ain nokoontong kon naonda in pinogogaid in bangusa Mesir kon i monia.

IḶUAIAN 4:5

Guman i Tuhan, “Aidaidon in natua sinbá intau mita Israel mopirisaya kon Akuoi, ki Tuhan, Allah in mogoguyang monia, ki Allah i Abraham, i Ishak bo Yakub, aindon nokipogontong kon inimu.”

MOHOHUTUBA 5:12

Kon dunia naa inontongku oyúon in mokoajar kon gina: Oyúon in intau tobatú nosipun kon kapunyaannea sin pogoḷat kon malarat.

MOHOHUTUBA 5:18

Aka intau tobatú motarima kon kaoyúonan bo kapunyaan nongkon i Allah, bo sia in inogoian in wakutu mopomaké in kaoyúonan tatua, mustibí in sia moibog mosukur bo mopomaké in bayongan inta siniḷopíannea. Tua in ki Allahbí doman in nobogoi.

MOHOHUTUBA 6:7

Intau naa in mogaid tongábí bá oyúon in kaanon, táe diábí kon dodai in onda moorop in sia.

YESAYA 30:21

Aka moiko bo tumabat nongkon daḷan, kon tumimu kodongogan in singog-Nea inta moguman, “Naa in daḷannea; pongin daḷan tanaa.”

YESAYA 33:16

Dá moiko in kosiunganbí takin moaman, naonda bo kon bonu in poḷoḷukadan inta moropot. Kaanon bo inumon in sadiaanbí kon inimu.

YEREMIA 8:2

deemanbí sipunon bo ḷobongon bui, táe pomayádon mako kon butá nobaḻí apat. Tuḷan in intau mita tatua in moiraritdon kon sindar in mata in singgai, in buḷan bo in tundi mita inta binaḻí monia dewa, inta kinotabi, inundoi, sinumba bo poiguman kon topotundú.

LUKAS 1:6

Kobobiag inayadua motonibuḷoi tua mokosanang kon gina i Allah, sin taya dua in umuranbí dinumudui kon parenta bo atorang i Tuhan, diábí in sinaḻiban monia.

KORINTUS 1 10:31

Onukabí in aidan monimu – pinomayá kaanon ande inumon – yo aidaibí komintan takin mopoyaput in sukur kon i Allah.

KORINTUS 2 1:12

Noḷunganga totok in gina nami, sin noyakin bidon in kami kon kobobiag nami kon dunia naa – apapa doman hubungan nami bo i monimu – tantúbí nami sinompia takin gina motuḻid bo nobayag. Tua komintan in inaidan nami, deemanbí pinodoyon kon kapandoian raian in intau, táe pinodoyonbí kon ropot inta pinonotabi i Allah.

ULANGAN 33:1

Kon dodai in diápa minatoi, ki Musa, totabá i Allah, nomarakat kon bangusa Israel pinongin tosingogon mita tanaa:

KOLOSE 2:6

Tai utat mita ain notarima kon i Kristus Yesus saḷaku Tuhan. Manangka intua kobiagdon in moiko motobatú takin-Nea,

TESALONIKA 1 2:12

Kami umuran mononggina bo mobogoi in moginrigon kon gina monimu bo mondodak sinbá moiko in moidudui kon inta kinoibog i Allah. Inoiní-Nea in moiko sinbá mobaḻí umat kon Dunia-Nea inta Mobagu bo mokorasa kon kawasa-Nea inta moḷoben.

IBRANI 11:21

Popisí in oyúon pirisaya, dá wakutu in ki Yakub diápa minatoi, binarakatannea in ki adí mita i Yusup. Kinumadai in sia kon tungkudnea bo nosumba kon i Allah.