KINOBAḺIAN 47:31 - Alkitab Singog In Mongondow Masa In Tanaa

³¹ Ki Yakub in noguman, “Pongibotdon kon aidanmubí in tua.” Ki Yusup in nongibot, bo ki Yakub nopoyaputdon i sukur nongkon tosiugannea.

KINOBAḺIAN 47:31 ပူးပေါင်းရင်းမြစ်များ

KINOBAḺIAN 21:23

Tuamai, pongibotdon kon naa kon tayowon i Allah, kon iko in diábí monombogá kon inakó, ande kon i adíku mita, ande kon buíku. Ná doman akuoi aindon nomia kon inta mopia kon inimu, dá aidai domandon in natua kon inakó bo kon butá inta pinogutunanku tanaa.”

KINOBAḺIAN 21:24

Ki Abraham in noguman, “Akuoi in mongibot.”

KINOBAḺIAN 24:2

Kon singgai tobatú ki Abraham in nogumandon kon bobantungnea inta totok in guya-guyang, inta nonompia kon bayongan kapunyaannea, “Poukatdon in ḻimamu kon sigad in páaku.

KINOBAḺIAN 24:26

Dá dinumokódon in bobantung tatua nosumba kon i Tuhan.

KINOBAḺIAN 24:3

Pongibotdon podoyon kon i Tuhan, Allah inta nongawasa kon ḷangit bo butá, kon iko in diábí motayak kon bobay inta pobuḷoion i Ishak ki adíku nongkon sigad in intau mita in Kanaan tanaa.

KINOBAḺIAN 31:53

Ki Allah inta sinumba i Abraham bo sinumba i amáku ki Nahor in mobaḻí hakim kon sigad natonda.” Bo ki Yakub nongibot pinodoyon kon i Allah inta sinumba i Ishak, ki amánea, sin dumudui mogaid kon dandinea.

KINOBAḺIAN 47:29

Naonda in nodiugdon wakutunea matoi, inoinínea in ki Yusup, ki adínea tua, bodongka noguman kon inia, “Poukatdon in ḻimamu kon sigad in páaku doyowa naa bo pongibotdon kon iko in diábí moḷobong kon inakó kon butá in Mesir tanaa.

KINOBAḺIAN 50:25

Bo ki Yusup nopoigum kon bayongan adí bo utatnea nongibot, kainia, “Podandidon kon inakó, kon aka ki Allah modiadon kon i monimu mayá in butá tatua, yo poyodiaan domandon monimu in tuḷanku mita.”

KINOBAḺIAN 50:5

‘Tungkuḷ in ki amáku motoyongdon matoi, pinoigumneadon kon inakó sinbá akuoi in modandi kon inia, kon akuoi in mustibí moḷobong kon inia kon bonu in poḷoḷobongan inta ain sinadianea kon butá in Kanaan. Tuamai, ogoiaipa akuoi in wakutu mayá moḷobong kon i amáku. Mopaḷut mako kon tua akuoi in buibí mamangoi.’ ”

DATU MITA IMITÁNEA 1:47

Nodapot in bayongan porwira i datu ain minayá nopoyaput in tosingogon saḷamat kon i Datu Daud. Mosia in noguman, ‘Igumon mako ki Allah i tuang Datu in mopobaḻí kon i Salomo mobaḻí ponango-nangoian moiḻiu kon i tuang datu; igumon mako pomarentaan i Salomo in mopia-pia nongkon pomarentaan i tuang Datu.’ Onda intua kon tosiugannea, ki Datu Daud sinumungkud nosumba kon i Allah,

IBRANI 11:21

Popisí in oyúon pirisaya, dá wakutu in ki Yakub diápa minatoi, binarakatannea in ki adí mita i Yusup. Kinumadai in sia kon tungkudnea bo nosumba kon i Allah.