KINOBAḺIAN 47:24 - Alkitab Singog In Mongondow Masa In Tanaa

²⁴ Kon dodai in mosipundon kon boyó, moiko musti in mobogoi kon i datu in seperlima nongkon bungai in boyó tatua. Noiḻiu kon tua kon tua motaaubí pakéon monimu pomuḷaan bui ande kaanon monimu takin buḷoi bo adímu.”

KINOBAḺIAN 47:24 ပူးပေါင်းရင်းမြစ်များ

KINOBAḺIAN 14:20

Dinayo-dayowdon in ki Allah Inta Totok in Moḷantud, inta ain nobogoi kon inimu in ropot dapot in nokountung nonayow kon musungmu.” Nopaḷut mako kon tua ki Abram nobogoi kon i Melkisedek in mopuḷú noporsen nongkon bayongan barang inta inagownea kon parang tatua inta ain dinianea mangoi.

KINOBAḺIAN 14:21

Bo nogumandon ki datu in Sodom kon i Abram, “Gamádon in barang mita inta inagow tatua, táe poigumonku totok pobuidon mangoi kon inakó in intauku mita.”

KINOBAḺIAN 28:22

Bo akuoi in mobogoi kon i Tuhan mopuḷú noporsen nongkon bayongan in yagi-yagi inta inogoi i Tuhan kon inakó. Batu tompoingat inta pinosindogku tanaa in mobaḻí tampat posumbaan kon i Tuhan.”

KINOBAḺIAN 41:34

Ki Tuangku in musti doman mogamá kon pogawai mita ibanea, bo mobogoi kon i monia in kawasa mosipun kon seperlima nongkon bayongan boyó in gandum kon bonu in pitu notaong kon sempo in posipunan kon bungai in boyó inta moḷoben totok tua, bodongka sipunon kon kotá mita bo poḷat ḷukadan.

KINOBAḺIAN 47:23

Ki Yusup in noguman kon rayat mita tatua, “Indoiaika, moiko bo butámu ain sinaḷuiku bo inogoi kon i datu. Naadon in bibit inta motaau pomuḷaan monimu kon gobá tatua.

KINOBAḺIAN 47:25

Tubag monia, “Ki Tuang ain noposaḷamat kon inami dá kami mopoyaput in sukur moantó. Kami in morelabí mobaḻí bobantung i datu.”

MAZMUR 112:5

Pia in kamang in intau inta mopia in gina bo inta moibog mopoḷuan bo mojujur kon bayongan in yagi-yagi.

MAZMUR 41:1

Kon i itoi in mododondong. Mazmur i Daud.

IMAMAT 27:30

Mopuḷú noporsen nongkon bungai in boyó, pinomayá gandum ande bungai in ayop mita, tua in kon i Tuhan.

IMAMAT 27:32

Tobatú nongkon biag mopuḷú tua in mobaḻí kapunyaan i Tuhan. Aka biag tatua iapon, dá pomuḷoi in biag inta noginpuḷú mobaḻí kapunyaan i Tuhan.

PINOGIAPAN 18:21

Guman i Tuhan kon i Harun, “Bayongan sosumba mopuḷú noporsen in intau mita Israel ogoi-Ku kon intau mita in Lewi. Tuata in tonsilai monia mobaḻí toguḷopí in pinogaidan monia kon Ḷoḷaigan-Ku.

ULANGAN 14:22

“Pomuḷoi in taong moiko musti mopotondí in mopuḷú noporosen nongkon bayongan inta nouḻímu.

ULANGAN 26:12

Pomuḷoi in taong nogintoḷu moiko in musti mobogoi in sosumba mopuḷú noporosen, tuata in mopuḷú noporosen nongkon bungai in boyó kon butámu kon imang Lewi, intau ango-angoi, adí uno-unon bo inta dongkadon boba-bobay, dá kon bonu in bayongan kotámu mosia mokouḻí kon kaanon inta paraḷuon monia. Aka mopaḷutdon,