KINOBAḺIAN 46:34 - Alkitab Singog In Mongondow Masa In Tanaa

³⁴ potaaudon kon inia kon moiko in mononombobiagon nongkon mointokanmai, notongkai ná mogoguyang monimu. Aka natua dá potabáneadon in moiko mayá mogutun kon butá in Gosyen.” Ki Yusup noguman natua sin intau in Mesir ná pokopoonagonmai aka moyobayat takin gombala mita.

KINOBAḺIAN 46:34 ပူးပေါင်းရင်းမြစ်များ

KINOBAḺIAN 13:7

Bo nobaḻídon in bobayowan kon sigad in gombala i Abram bo gombala mita i Lot. (Kon tungkuḷ intua intau mita in Kanaan bo intau mita in Peris nogutunpa kon butá tatua.)

KINOBAḺIAN 13:8

Ki Abram in noguman kon i Lot, “Kitada naa uḻe in doyowa motoḷuadí, dá diá mopia aka intau natonda bo morogenggeng.

KINOBAḺIAN 26:20

Táe gombala mita kon Gerar in nobobayowan takin gombala mita i Ishak. Guman monia, “Tubig tanaa kamibí in kitogi.” Tuamai parigí tatua sinangoian i Ishak “Bobayowan”.

KINOBAḺIAN 30:35

Táe kon singgai tua ki Laban nopotondídon in bayongan bembé koḷakian inta nogoḷong-goḷong ande baḷam-baḷang bo bayongan bembé kobaayan inta nobaḷam-baḷang, notudi-tudik, ande inta oyúon in tontudik nobudónea; sia nopotondí doman in bayongan domba inta norondí. Onda intua pinotabáneadon in ki adínea mita pinoki biagan in bobiagon mita tatua,

KINOBAḺIAN 34:5

Kinodongogandon i Yakub kon ki adínea ki Dina ain kinotontaḷáan, táe ki adínea mita koyogotpa in moḷukad kon bobiagonnea kon tampat popokaanan in bobiagon, dá sia in tongápabí kibio-biómai in pinogoḷa-goḷatan kon mosia mobui mangoi.

KINOBAḺIAN 37:12

Kon singgai tobatú kon dodai in ki guya-guyang mita i Yusup mayá in Sikhem sin moḷukad kon paanan bembé domba i amá monia,

KINOBAḺIAN 37:2

bo naadon riwayat motoḷuadí i Yakub: Kon tungkuḷ in ki Yusup, ki adí i Yakub umur mopuḷú bo pitu notaong, sia in moḷukadmai kon paanan in bembé domba moyotakin i guya-guyangnea mita, inta ki adí mita i Bilha bo i Zilpa, ki buḷoi amánea inta bobantung. Sia in nopotaau kon oaid mita diá mopia i guya-guyangnea kon inia.

KINOBAḺIAN 43:32

Ki Yusup nongaan tontaní kon meja tobatú, bo ki utatnea mita kon meja ibanea. Intau mita in Mesir inta kon tua nongaan doman kon meja ibanea, sin mosia ná batangan pinokopo ompámai aka mongaan moyotakin intau in Ibrani.

KINOBAḺIAN 45:10

Ki Amá in motaaubí mogutun kon butá in Gosyen, modiug kon inakó – ki amá takin adí bo ompu, domba, bembé, sapi bo bayongan kapunyaan i amá.

KINOBAḺIAN 45:18

sin monontomu kon i amá monia takin buḷoi, adí bo ginaḷum monia sin momampingdon mangoi kon naa. Ogoiankudon in mosia in butá inta totok in mopia kon Mesir, sahingga in mosia mobiagdon motompia nongkon boyó in butá tatua.

KINOBAḺIAN 46:32

Pogumankudon kon moiko in gombala mita in domba bo sapi, bo ain nodia kon bobiagon bo bayongan in kapunyaan monimu.

KINOBAḺIAN 47:11

Ki Yusup notuḷung kon i amá bo kon i utatnea mita nogutundon notantú kon Mesir. Sinilainea in mosia in butá inta totok mopia kon sigad in butá kon tua inta kon diug in kotá in Rameses, podudui in parenta i datu.

KINOBAḺIAN 47:3

Ki datu in noḻibó kon i monia, “Onu in oaidanmu?” Mosia in notubag, “Kami naa in gombala ná mogoguyang nami.

KINOBAḺIAN 47:4

Kami namangoi sin mogutun kon butá tanaa, sin kon butá in Kanaan totokdon motoyang in malarat, dapot in diádon bonok kaanon in bobiagon bembé domba nami. Ogoidon in kami mogutun kon butá in Gosyen.”

KINOBAḺIAN 47:6

Anggapdon butá in Mesir naa ná doman onda bo butámu tontaní. Pomayádon mako in mosia mogutun kon butá in Gosyen, butá inta totok in mopia kon sigad in butá mita kon naa. Bo aka oyúon in kotaauanmu kon sigad monia in mopandoi monombobiagon yo pokiḷukadaidon in bobiagonku.”

IḶUAIAN 8:22

Táe taḻiban-Kubí butá in Gosyen, tampat pinogutunan in umat-Ku. Kon tua in diábí popoangoian-Ku in ḷangow, sinbá kotaauan monimu kon Akuoi, ki Tuhan, in nomia kon tua.

IḶUAIAN 8:26

“Maníka diá,” tubag i Musa, “sin intau mita in Mesir moyaatbí in gina monia aka mokoontong kon sosumba nami tatua, bo tantú kami in arabonbí monia in batu modapot in matoi.