KINOBAḺIAN 46:29 - Alkitab Singog In Mongondow Masa In Tanaa

²⁹ ki Yusup in sinumakoi kon keretanea sin mayá mokipodungkuḷ kon i amánea kon tua. Onda in mosia noyodungkuḷ, ki Yusup ginumakap kon i amánea bo noonggot in pinongombaḷnea.

KINOBAḺIAN 46:29 ပူးပေါင်းရင်းမြစ်များ

KINOBAḺIAN 33:4

Táe ki Esau in noribatuk namangoi kon i Yakub, bo nonggakap poḷat nongayok kon inia. Bo taya dua tua tumpaḷadon nongombaḷ.

KINOBAḺIAN 41:43

Bo inogoineadon kon i Yusup in kereta dodatuan inta induanea, bo pongawal kahoromatan i datu minaya-mayá kon muna in kereta tatua takin mobaḷu, “Pokoingat! Ogoiai in daḷan! Ogoiai in daḷan!” Natuata ki Yusup binaḻídon gubernur kon butá in Mesir.

KINOBAḺIAN 43:30

Gina i Yusup totokdon in morobonoḷ sin dinia in tanob bo tabinea kon i ai-ainea. Gogió bo diádon in sia mokotahang kon ginanea, tuamai sia in baḷúdon minayá nongkon tua bo sinumuot in sia kon gopot poḷat nongombaḷ.

KINOBAḺIAN 45:19

Pokidiaai domandon in mosia in tongonumai in kereta sin takoian i buḷoi bo adí mita monia inta nongointokpa, bo monontomu kon i amá monia.

KINOBAḺIAN 45:2

Naonda in bayongan pogawainea iḷumuaidon kon yuang, ki Yusup totokdon in nongombaḷ, sahingga intau mita in Mesir inta kon ḷuai in yuang nokodongogdon kon ombaḷnea, bo noiyaputdon in habar tatua kon komaḻig in datu.

KINOBAḺIAN 45:21

Ki adí mita i Yakub dinumudui poḷat nogaid kon onu inta pinarenta tatua. Ki Yusup nobogoidon kon i monia in tongonumai in kereta, podudui in parenta i datu, bo tongkaaḷ doman kon binayáan.

KINOBAḺIAN 46:30

Guman i Yakub kon i Yusup, “Tanaa akuoi diá bidon moondok in matoi, sin inontongkudon iko bo kinotaauankudon kon nobiagpabí in iko.”

KINOBAḺIAN 50:9

Rombongan inta sinumakoi kon kereta bo inta sinumakoi kon kabaḷo sinumakin doman, dapot in pipidan intau mita inta sinumakin totok in moḷanggó.

LUKAS 15:20

Dá nobuatdon in sia bo nobui mangoi kon i amánea. Noyayúpa in sia, inontongdon i amánea. Popisí in tabi bo tanobnea totok dá noribatuk in ki amánea bo notomu kon inia, bo ginakapannea poḷat inayokan.

OUMAN IN RASUL MITA 20:37

Mosia in nongombaḷ komintan poḷat nonggakap bo nongayok kon i Paulus bo noguman kon inia kon mokopopiadon in kon daḷan.